Dear Medical Student[Completed]

Part-11

Unicode

"ခဏစောင့်အုံးနော်..ယူစရာရှိလို့.."

"ဟုတ်"

အ၀တ်အစားလဲပြီးနောက် Partyသွားဖို့ သူတို့နှစ်ယောက် ကားထဲ၀င်ထိုင်ကာ လုံခြုံရေးခါးပတ်ပတ်ပြီးမှ ရိပေါ်က ယူစရာရှိ၍ ကားထဲမှ ထွက်သွားပြန်၏။

"ရိရိတို့သားအဖ အင်္ကျီဆင်တူနဲ့ပါလား..."

ဘယ်အချိန်တည်းက အောက်ထပ်ပြန်ရောက်နေမှန်းမသိသည့် ဒယ်ဒီက sofaတွင်ထိုင်နေကာ အိမ်ထဲပြန်၀င်လာသော ရိပေါ်ကို မေးလေတော့
ဒယ်ဒီ့စကားကြောင့် ရိပေါ်ရယ်ချင်သွားသည်။

အင်္ကျီနက်ပြာရောင်Outfitဒီဇိုင်းသာကွဲ၍ အရောင်ချင်း ဆင်တူနေသည်ကို ဒယ်ဒီက သတိထားမိသွားပုံပါလေ။
ပြီးတော့ ဘာ...သားအဖ တဲ့လား။
ဒီအသက်နဲ့ ဒီအရွယ်က လင်မယားဆိုရင်တောင် ပိုပြီး ကြားကောင်းအုံးမယ်ထင်တယ်...

"Partyရောက်ရင် အားကျန့်ကို ကောင်းကောင်းဂရိုစိုက်နော်.."

ဒယ်ဒီ့စကားကြောင့် လှေကားပေါ် လှမ်းနေသည့် ရိပေါ်ခြေလှမ်းများ ရပ်တန့်သွား၏။

ရိပေါ် ပထမဆုံးအကြိမ် ဒယ်ဒီနှင့်Partyလိုက်သွားတုန်းက ပွဲရဲ့တစ်နေရာမှာ ပစ်ထားပြီး ပွဲပြီးတဲ့အခါ ရိပေါ်ကိုထားခဲ့ပြီး အိမ်ပြန်သွားတဲ့ ဒယ်ဒီ့အကြောင်းကို ပြန်မြင်ယောင်လာတာမို့။

"ဟုတ်ကဲ့..သေသေချာချာဂရုစိုက်လိုက်ပါ့မယ်"

ကျွန်တော်က ဒယ်ဒီ့လိုမဟုတ်ဘူး၊
တစ်စုံတစ်ယောက်ကိုမုန်းတိုင်း အဲ့ဒီတစ်စုံတစ်ယောက် ချစ်တဲ့လူကိုပါ
ကလဲ့စားခြေတတ်တဲ့ လူစားမျိုးမဟုတ်ဘူး။

ကျွန်တော်က မာမီ့လိုလဲမဟုတ်ပြန်ဘူး၊
တစ်စုံတစ်ယောက်ကိုချစ်လို့
အဲ့ဒီတစ်စုံတစ်ယောက် တန်ဖိုးထားတဲ့လူကို ရက်ရက်စက်စက်နင်းခြေတတ်တဲ့ လူစားမျိုးမဟုတ်ဘူး။

ကျွန်တော်က ဒယ်ဒီနဲ့မာမီရဲ့သွေးသားအရင်းဖြစ်ပေမဲ့
ကျွန်တော့်မှာ မိဘနှစ်ပါးနဲ့ တူညီတဲ့အကျင့်စရိုက်မရှိဘူး။
မိဘကမိဘပဲ၊ သားသမီးက သားသမီးပဲလေ။

အေးစက်စက်အငွေ့အသက်များနှင့် အပေါ်ထပ်သို့ တဒေါက်ဒေါက်တက်သွားသည့် သားဖြစ်သူကို ၀မ်ရိလင်း နားမလည်နိုင်စွာ မျက်စိတစ်ဆုံး ငေးကြည့်နေမိသည်။