Unicode
....မြို့စားမင်းနှင့် နန်းကျဧကရီ
Ch12 - ညတွေက အေးစက်လွန်းတယ်
...ခဏကြာတော့မြို့စားမင်းက ကျွန်မစကားဆုံးပြီးဆိုတာ သဘောပေါက်လိုက်တာနဲ့ မတ်တပ်ထရပ်လိုက်သည်။ မီးလင်းဖိုကိုသွားပြီး သစ်တုံးအတိုအစများကိုယူကာ မီးမွှေးလိုက်လေသည်။
"ကိုယ် မင်းကိုတန်ဖိုးထားတယ်ဆိုတာကို မြို့အုပ်ကိုပြစေချင်တာမှတ်လား" မီးညွှန့်တွေကိုကြည့်ရင်း သူကမေးလာခဲ့သည်။
"အရှင့်ကိုပြန်ပေးနိုင်တာ များများစားစားမရှိပေမဲ့လို့ ပင်ပန်းရကျိုးနပ်အောင်တော့လုပ်ပေးမှာပါ " ကျွန်မပြောမိလိုက်တယ်။ကျွန်မလက်ချောင်းလေးတွေကိုကြည့်ပြီး ဒီစကားတွေဟာ အေးစက်တဲ့နန်းတော်ထဲမှာ နောက်ဆုံးပြောရမဲ့စကားတွေမဖြစ်ဖို့ မျှော်လင့်မိပါရဲ့။
ကျွန်မရဲ့ပုခုံးကို လေးလံတဲ့ပုဝါနှင့်ခြုံပေးလာတာကြောင့် အံ့သြထိတ်လန့်မိသွားတယ်။မြို့စားမင်းရဲ့ခြေလှမ်းတွေကို သတိမထားနိုင်ဘဲ နောက်ဆုံးထိသူ့ရဲ့နူးညံတဲ့လက်တစ်စုံကနေ ကျွန်မရုန်းမထွက်နိုင်ခဲ့ပြန်ဘူး။
"မင်းကိုနွေးနွေးထွေးထွေးထားဖို့ အစေခံတွေကိုမှာထားမှန်း မင်းဘယ်လိုသိသွားတာလဲ?"
သူက ကျွန်မနားနားသို့ တိုးတိုးလေးကပ်ပြောလာတယ်။သူ့ဝင်သက်ထွက်သက်ကကျွန်မနားကို လာထိခတ်သွားသလို့သူလှည့်လိုက်တဲ့အခါ သူ့ဆံပင်တွေကလဲကျွန်မလည်တိုင်ကိုပွတ်တိုက်သွားသေးရဲ့။ကျွန်မဘာမှမသိကြောင်းကို ငြင်းဆိုဖို့ရာအတွက်သူ့ဘက်လှည့်၍ ပါးစပ်ဟပြီးကာမှ ကျွန်မစိတ်တွေပြောင်းသွားခဲ့တယ်။
"သိသာလွန်းပါတယ်"ထိုစကားကိုသာ ကျွန်မပြောလိုက်တယ်။
"အစေခံတွေက ခြေစွတ်တွေအပေါ်ရုံတွေနဲ့အမြဲတမ်းပြေးလွှားနေကြတာလေ ကျွန်မခြေအိတ်မဝတ်ထားရင် အပြင်ထွက်ခွင့်ပေးမှာမှမဟုတ်ပဲ။တော်ဝင်အမျိုးသမီးတိုင်းမှာ ဂရုတစိုက်ရှိတတ်တဲ့အစေခံတွေပဲရှိမယ်လို့ ကျွန်မတော့မထင်မိဘူး အရှင်သာ.."
"မင်းက ပူနွေးတဲ့အရပ်ကနေလာတာ ဒါကြောင့်မင်းဂရုစိုက်ဖို့လိုတယ်"သူကဆက်ပြောလာသည်။
![](https://img.wattpad.com/cover/330134976-288-k928022.jpg)
YOU ARE READING
မြို့စားမင်းနှင့် နန်းကျဧကရီ
RomanceEp-364 completed Translation work of Best Novels Collection Team- BNC Team U can search 'Best Novels Collection Team' on Fb💛