(Uni)
အသက်ကိုOxygenပိုက်အကူအညီနဲ့ရှူနေရတဲ့မောင့်ကိုကြည့်ပြီးသူစိတ်ထဲမကောင်းမိ။သူ့ကြောင်းဖြစ်ရတာသူမလိမ်မာလို့။သူ့ခံစားချက်တွေကိုဂရုစိုက်မိပြီးမောင့်အပေါ်ချစ်မိခဲ့လို့။
မောင့်ရဲ့လက်ဖဝါးလေးကိုဆုပ်ကိုင်ပြီးရေစိုအဝတ်လေးနဲ့သုတ်ပေးလိုက်သည်။အဘကြင်မှိုင်းကမနေ့ကညစောင့်ခဲ့ရတာဆိုတော့အခုပြန်ပြီးအနားယူနေလေသည်။
မောင့်မှာအားကိုးစရာလူဆိုလို့သူနဲ့အဘကြင်မှိုင်းပဲရှိတာ။မောင့်ကိုသူဘယ်လိုလုပ်ထားခဲ့ရက်မှာလဲ?။ဒါပေမယ့်သူထပ်ပြီးမပြတ်သားနိုင်ရင်မောင်ကထပ်ပြီးဒုက္ခရောက်မယ်မလား။
ဘယ်လိုဆုံးဖြတ်ရမလဲ?။ရူးသွားတော့မှာပဲ။
မောင့်လက်ဖမိုးလေးကိုမျက်နှာအပ်ထားလိုက်မိသောအခါသူ့မျက်ဝန်းအိမ်မှစီးဆင်းလာသောမျက်ရည်ပေါက်များကထိုလက်ဖမိုးလေးအားပေကျံသွားစေသည်။
ဘယ်နှစ်ကြိမ်တောင်ငိုခဲ့ပြီးပြီလဲ?။
မောင့်ကြောင့်နဲ့ငါ့မျက်ရည်တွေဘယ်လောက်တောင်ကုန်ခမ်းခဲ့ရပြီးပြီလဲ?။
မေ့မြောနေတဲ့မောင့်မျက်နှာချောခန့်ခန့်ကိုမျက်ရည်အဝဲသားနဲ့ကြည့်ပြီးတစ်ကိုယ်ထဲသာကြားနိုင်လောက်မည့်လေသံလေးနဲ့ဆိုမိသည်။
"မကောင်းတဲ့ကောင်"
မင်းကိုမချစ်ဘဲမနေနိုင်အောင်ဘာလို့လုပ်ခဲ့တာလဲသတ္တိနေ။
ပြန်စဥ်းစားကြည့်တော့ငါတို့မှာအမှတ်တရတွေအများကြီးပါလား?။
မင်းသတိပြန်ရလာပြီးနေပြန်ကောင်းလာတဲ့အခါငါ့ကိုအသွေးအသားထဲကနေစိမ့်နေအောင်မုန်းပစ်လိုက်ပါ။
မုန်းပစ်လိုက်ပါ။
ဆရာဝန်တွေကတော့သတ္တိနေကခေါင်းကိုထိခိုက်မိထားတာကြောင့်တော်ရုံနဲ့သတိလည်မှာမဟုတ်လောက်သေးဘူးဟုဆိုသည်။အဲ့အချိန်ကိုသူအသုံးချရမှာပေါ့။
မောင့်ကိုထပ်ပြီးဒုက္ခရောက်စေလို့မဖြစ်တော့ဘူးဒီတစ်ခါသူပြတ်သားရမယ်။
မောင့်ကိုကာကွယ်ဖို့အတွက်ပြတ်သားရမယ်။
YOU ARE READING
ေဟာင္း..အတိတ္..ေႏွာင္း(ဟောင်း...အတိတ်..နှောင်း)(Completed)
Romanceအဲ့သည့္မ်က္ႏွာလွလွေလးကရက္စက္တဲ့ေနရာမွာဆိုဖြယ္ရာမ႐ွိတာမင္းယံုလား??။ (သတၱိေန) အဲ့သည့်မျက်နှာလှလှလေးကရက်စက်တဲ့နေရာမှာဆိုဖွယ်ရာမရှိတာမင်းယုံလား??။ (သတ္တိနေ) Star date: December 13 2022 End Date: February 9 2023
