Nakacross arm lang ako habang nakatingin dito sa labas ng bintana nitong classroom. Nabaling lang ang atensyon ko kay James ng magsalita sya.
"You know what, Craig. We can still see each other naman after ng school year o kaya sa mga bakasyon try mo dalawin kami dito. After all dito ka pa naman din nakatira."
Last day na nang exam namin, dalawang araw na ang lumipas nang makita ko ang Lolo ko, they give me a chance na matapos muna ang exam namin, kaya hindi natuloy ang pagalis ko nong gabi na yon.
"Yes, tama naman si James. Dalawin mo kami dito." Singit ni Scarlet habang sinisimot nito 'yung sandok ng hawak nyang Ice cream.
Alam na din naman nila ang nangyari kasi sinabi ko na din naman sa kanila at nakwento.
Pagkatapos ng exam namin mamaya ay aalis na ako. Atleast they give a chance na makapag paalam sa mga friends ko, matatagalan nga lang bago kami muli magkita-kita.
"You know what, bago ka umalis dumiretso muna tayo sa madalas natin puntahan. Magcelebrate tayo." Sabi ni Nicole.
"Tapos na din naman ang Exam, we should have small party."
Kinahapunan after ng exam ay dumiretso kami sa madalas namin pagtambayan. Since I was in High school ay kilala ko na sila, magkakaiba man ang aming section ay kilala ko na sila.
"Cheers!!!!" Sabay taas ni James sa kanyang baso, ganon din ang ginawa namin at pinag untog ang mga baso naming mga hawak.
"Syempre hindi mabubuo ang kasiyahan na ito ng wala ang iba nating mga kaklase at kaibigan" Scarlet shouted, bago ito tumapat sa pinto binuksan iyon para papasukin ang mga taong nasa labas.
Napakunot ang nuo ko sandali bago nakita ang mga inimbitahan nila at natawa 'yung iba ay mga old classmate namin.
"Hindi pwedeng hindi tayo masaya ngayon, Craig. Sandali kana lang namin makakasama." Sabi ni Nicole, niyakap ako nito. "Mamimiss kita, wag mo ko kakalimutan huh?"
Pabiro ko naman itong binatukan habang nakayakap sya sa'kin. Mamimiss ko ang mga ganitong ganap namin.
"Hindi naman talaga."
"Pinuntahan mo ba si Mike? Did you tell him?" Tanong pa nito.
Umiling ako. "Para saan pa?"
"Bobo ka din Nicole ano? They are not okay, hindi maganda ang break up nila. Then you ask your stupid question?" Si James.
Natawa na lang ako dito, kahit kelan talaga ay may pagkamataray itong si James.
May mga bumabati samin at tumatango naman ako sa mga iyon, nakikipagkwentuhan din at nakikipagtawanan. Parang mas nahirapan tuloy ako umalis.
Tumingin ako sa cellphone ko at muling minessage si Stephan. Sya na lang din kasi ang wala dito.
"Hindi ba si Felix 'yon?" Tanong ni Scarlet habang nginunguso ang lalaking nakatayo hindi kalayuan sa aming pwesto.
Sinundan naman namin ng tingin 'yung tinuro nya.
"Sino nag-imbita sa kanya." I asked.
Alam nilang nagkaroon ng something samin nitong si Felix, pero hindi din nagtagal dahil ghinost ko ito after namin ni Mike magkalapit sa isa't isa.
