Zawgyiသမားတှအေောကျဆုံးမှာကွညျ့ပေးနောျ
ကျိုးရန်ဟာအခုအခြေအနေတွေဟာပုံမှန်မဟုတ်ဘူးဆိုတာကိုသိရှိသွားခဲ့တယ်။
သူမဟာရှေးကျတဲ့ အခန်းတစ်ခန်းအတွင်း အစိမ်းရောင်၀တ်စုံကို၀တ်ဆင်ထားပြီးတော့လှပပြီးထူးခြားတဲ့အခန်းထဲက မွေ့ရာပေါ်မှာ တရားထိုင်နေသလို ကြာပန်းပုံစံဖြင့် ထိုင်နေခဲ့တယ်။
(T/N- ကြာပန်းပုံစံဆိုတာ ခြေချိတ်ပြီး ကျင့်ကြံနေတဲ့အနေအထားကိုပြောတာပါ)
သူမ မနေ့ညက ပုံကြမ်းဆွဲတာ အချိန်လွန်ပြီးတော့ အိမ်ပြန်ရောက်တော့ ရေချိုးပြီးမှအိပ်ဖို့ မေ့သွားတာတော့ မဟုတ်ပါဘူးနော်?
ဒီလက်တွေက အရမ်းကို ဖြူဖွေးပြီး နူးညံ့လွန်းတယ်။ သူမလက်တွေလို့တောင်မထင်ရဘူး။
သူမဟာ သူမရဲ့ဒူးပေါ်တင်ထားတဲ့ ပိန်သွယ်နေတဲ့လက်ကိုကြည့်ပြီး လေ့လာနေခဲ့တယ်။ ရုတ်တရက် တံခါးခေါက်သံတစ်ချက် ထွက်ပေါ်လာတယ်။
"ဒေါက်.. ဒေါက်..ဒေါက်.."
ကျိုးရန်ဟာလန့်ပြီး ထဖို့ကို ၀န်လေးနေခဲ့တယ်။ အသက်သုံးချက်ရှိုက်ပြီးသူ့ကိုယ်သူပြင်ဆင်ပြီးနောက်မှာတော့ တံခါးကိုဖွင့်လိုက်တယ်။
တံခါးအပြင်ဘက်မှာ ခဲစိမ်းရောင် တာအို၀တ်ရုံကို ဝတ်ဆင်ထားတဲ့ အသက်သုံးဆယ်ကျော်လောက် ရှိမယ့် အလွန်ကြည့်လို့ကောင်းတဲ့ အစ်ကိုကြီးတစ်ယောက်ကိုတွေ့လိုက်ရတယ်။သူဟာသူမကိုပြုံးပြရင်း ပြောတယ်။
"လျောင်ရှစ်မိန့် ၊ ဆရာက ညီမလေးကို ဝါးရုံဥယျာဉ် ကိုလာဖို့ ခေါ်ခိုင်းလိုက်တယ်"
လျောင်ရှစ်မိန့်? ဆရာ?
ဝါးရုံဥယျာဉ်? ဘာတွေလဲ?ငါကူးပြောင်းလာတာလား? ကူးပြောင်းလာတာဆိုရင်လဲ ဘာလို့မှတ်ဉာဏ်တွေပါမကူးပြောင်းသွားတာလဲ? ပြီးတော့ ဘာလို့ငါ့ကိုပြောပြပေးမဲ့ 'ဒင်' ကြိုဆိုပါတယ် host ဘာညာဆိုတာမရှိတာလဲ သေလိုက်ပါတော့။ငါ သေသွားတာတော့မဟုတ်သေးဘူးမို့လား။
"အမ်...ရှစ်ရှုန်း?"
ကျိုးရန်ဟာကြားဖူးနားဝ ဇာတ်ကားထဲကအသုံးအနှုန်းနဲ့ မဝံ့မရဲခေါ်လိုက်တယ်။
အကိုကြီးကညင်သာစွာပြောတယ်။
![](https://img.wattpad.com/cover/334592744-288-k462593.jpg)
ESTÁS LEYENDO
ကူးပြောင်းလာပြီးနောက် ဆရာ့အားငါးဆားနယ်ဆက်သခြင်း( completed)
Romanceကူးပြောင်းလာပြီးနောက် ဆရာ့အားငါးဆားနယ်ဆက်သခြင်း( zawgyi/ Unicode) လျောင်ထင်းရန်ဆိုတဲ့ တပည့်အသစ်လေးက အခုမှစတင်ကျင့်ကြံတဲ့ အနိမ့်ဆုံးအဆင့်ကျင့်ကြံသူလေးဖြစ်ပြီး ကြောက်မက်ဖွယ်ဂုဏ်သတင်းကြီးမားလှတဲ့ ကန်းချန်ရှန်းဖု မှာနေနိုင်ခဲ့တာက အတင်းအဖျင်းပြောသူတွေက်ု...