Unicode
အခန်း ၉.၁
" မင်း ကိုယ့်ကို သစ္စာဖောက်တယ် နာတာလီယာ "
" ငရဲကို အတူတူ သွားကြတာပေါ့ မင်းရော ငါရော နေသန်ရော "
" မလုပ်နဲ့ !!!! "
" ငါ အရှုံးသမားတော့ အဖြစ်မခံနိုင်ဘူး !! "
ခါးမှာ ချိတ်ထားတဲ့ ဓားရှည်ကို ဆွဲထုတ်လိုက်တဲ့အချိန် စင်အောက်က ပရိသတ်တွေ အကုန် ရုတ်ရုတ်သဲသဲဖြစ်ကုန်ကြသည် ။ ဇာတ်ဆောင်မင်းသားရဲ့ ကြေကွဲဆို့နင့်နေတဲ့ အပီအပြင် သရုပ်ဆောင်ချက်တွေကြောင့် ကြည့်ရှုသူတွေမှာလည်း မျက်ရည်လည်ရွဲနှင့် ။
အနီရင့်ရောင် လိုက်ကာရဲ့ အနောက်မှာတော့ ဂျယ်ယွန်းက နောက်လာမဲ့ တစ်ခန်းအတွက် သရုပ်ဆောင်တွေကို တီးတိုးမှာကြားနေသည် ။ လျင်လျင်မြန်မြန်ပဲ ကုန်ဆုံးသွားတဲ့ ကာလတွေမှာ ဂျယ်ယွန်းက ပြဇာတ်ရုံတွင် နေရာ တစ်နေရာ ရနေပြီ ဖြစ်သည် ။
" ဂျယ်ယွန်း "
" ဟင် "
" ဟိုမှာ... ရောက်နေပြီ "
ဘေးနားက stylist မိန်းကလေးက တံတောင်နဲ့ တွတ်ပြီး ပြုံးစစ ပြောလာတာကြောင့် သူမေးညွှန်ရာ ပရိသတ်ခုံနေရာဆီသို့ အကြည့်ပို့မိသည် ။
လူတွေကြားထဲမှာ သိသာစွာ ထင်းထွက်နေသည့် အသားဖြူဖြူနဲ့ ရုပ်ချောချော သူ့ချစ်သူလေးက လက်ထဲတွင်လည်း အပွင့်ကြီးကြီး လီလီ ပန်းစည်း တစ်စီးကို ကိုင်ထားသေးသည် ။
သူ အကြည့်ရောက်သွားတာနဲ့ တစ်ပြိုင်နက် ပါးချိုင့်တွေ ခွက်သည်အထိ ပြုံးပြကာ လက်ပြလာသည့် ဆောင်ဟွန်းက ပြဇာတ်ထပ် လိုက်ကာနောက်က သူ့ကို အဆက်မပြတ်ငေးကြည့်နေခဲ့မယ်ဆိုတာ ရိုက်စစ်စရာပင် မလိုပါ ။
ဒီလို အလိုက်သိပြီး ချစ်စရာကောင်းနေတဲ့ ရည်းစားလေးကို ဂျယ်ယွန်းက မျက်လုံးတစ်ဖက်မှိတ်ပြလိုက်တော့
ဆောင်ဟွန်း၏ ခန္ဓာကိုယ်က တောင့်ခနဲ ။ နှုတ်ခမ်းကို တင်းတင်းစေ့ပြီး မျက်နှာပိုးမသတ်နိုင်တဲ့အဆုံးတော့ သူ့ကို အကြည့်လွှဲသွားသည်။
YOU ARE READING
A sky fulls of scars [ Sungjake ]
Fanfictionstucking with you in this same, old, love again | 𝐏𝐚𝐫𝐤 𝐒𝐮𝐧𝐠𝐡𝐨𝐨𝐧 • 𝐒𝐢𝐦 𝐉𝐚𝐞𝐲𝐮𝐧 | Available in both Unicode & Zawgyi