Unicode
အခန်း ၁၈.၁
" အဲ့လိုဆို ကျွန်တော် အရင်ပြန်နှင့်ပါမယ် "
" ဒီနေ့လည်း အားလုံး တာဝန်ကျေသွားပါပြီ "
ညနေကျရင် မောင်နဲ့ အတူတူ ညနေစာစားဖို့ လုပ်ထားတာမို့ ဂျယ်ယွန်း အလုပ်ထဲမှာပါ ရွှင်မြူးနေသည် ။ မောင်ကလည်း အလုပ်များသလို သူကိုယ်တိုင်လည်း မအားလပ်တဲ့အချိန်က များတာကြောင့် နှစ်ပတ်လည်နေ့တွေကိုတောင် တစ်နေကုန် အတူတူမရှိဖြစ်ခဲ့ကြတာ ။
ဒီနေ့က မောင်နဲ့ သူ့ရဲ့ ငါးနှစ်မြောက် နှစ်ပတ်လည်နေ့ ။
မှာထားတဲ့ ကိတ်ကို ဝင်ယူရမှာဖြစ်လို့ ဂျယ်ယွန်း ပစ္စည်းတွေ အကုန် ဒီတိုင်းအိတ်ထဲ ဖြစ်သလို ကောက်ထည့်၍ ပြဇာတ်ရုံ၏ အဝတ်လဲခန်းအပြင်သို့ ခပ်သုတ်သုတ်ထွက်ခဲ့သည် ။
အပြင်ရောက်ရောက်ချင်း ခြေလှမ်းတွေတုံ့ခနဲဖြစ်သွားခြင်းနဲ့ အတူ ရုတ်တရက် အေးစက်လာတဲ့ ပတ်ဝန်းကျင်အနေအထားမှာ ဂျယ်ယွန်း ကိုယ့်ပုံစံကို အလျင်အမြန် ငုံ့ကြည့်မိသည် ။ ဖြစ်ပြန်ပြီ ။ သူ မောင့်မေမေရှေ့မှာ ရှက်စရာကောင်းတဲ့ မသပ်မရပ်ပုံနဲ့ ခြေစုံရပ်နေမိပြန်ပြီ ။
မျက်နှာချင်းဆိုင် ထိုင်လိုက်တာနဲ့ တစ်လမ်းလုံး စဉ်းစားလာတဲ့ စကားစုတွေဟာ ကြက်ပျောက်ငှက်ပျောက်ပဲ ။ အကြောက်တရားနဲ့ သိမ်ငယ်ခြင်းတွေက မောင့်မေမေရှေ့မှာ ရုပ်လုံးပေါ်ထကြွလာတာဟာ တကယ်ကို သိပ်ကြည့်ရဆိုးတာ ။
သက်ပြင်းမောကို မသိမသာချတယ် ။ ကြိုးကြိုးစားစား အသက်ကို ရှိုက်ပြီး မောင့်အမေကို ပြုံးပြတဲ့အခါ တည်တံ့နေတဲ့ မျက်နှာဟာ မပြောင်းမလဲ ။ တုန်ရီလာတဲ့ လက်ဖျားလေးတွေက မျက်စိရှေ့က ကော်ဖီခွက်ကို ကိုင်ဖို့ အတော်ကို အားစိုက်ရတယ် ။
" အဲ့တော့ မင်းတို့က နောက်နှစ် လက်ထပ်ဖို့ စဉ်းစားထားတယ်ပေါ့ "
" ဟုတ်- ဟုတ်ပါတယ် "
" လက်မထပ်လည်း အခု အတူတူနေနေတာပဲမလား.. ဆောင်ဟွန်းဝယ်ထားတဲ့ တိုက်ခန်းမှာ "
YOU ARE READING
A sky fulls of scars [ Sungjake ]
Fanfictionstucking with you in this same, old, love again | 𝐏𝐚𝐫𝐤 𝐒𝐮𝐧𝐠𝐡𝐨𝐨𝐧 • 𝐒𝐢𝐦 𝐉𝐚𝐞𝐲𝐮𝐧 | Available in both Unicode & Zawgyi
![A sky fulls of scars [ Sungjake ]](https://img.wattpad.com/cover/334557654-64-k639510.jpg)