စာစဥ် ၇ အခန်း ၉၆- တာဝန်များသတ်မှတ်ခြင်း
ဘာသာပြန်သူ- Zing
နဂါးဂိုဏ်း။
ဒီဒဏ္ဍာရီဟာဒေသတွင်းမှာအကျော်ကြားဆုံးဖြစ်ခဲ့သည်မှာသေချာသည်။
ဒါဇင်နဲ့ချီတဲ့နဂါးတွေဟာ မြေအောက်ထဲမှာပုန်းအောင်းနေပြီးနှစ်ထောင်သောင်းမကအိပ်ပျော်နေကြသည်။တစ်နေ့တွင် သူတို့အားလုံးနိုးလာပြီး ကောင်းကင်ယံသို့ပျံသန်းလာစဉ်မြေပြင်နှင့်တောင်များ လှုပ်ခါသွားကြသည်။
လုံမိန်က “ဒီဒဏ္ဍာရီကဘယ်အချိန်ကစတယ်ဆိုတာငါမသိပေမယ့်ရှေးဟောင်း ပျက်စီးခြင်းကုန်းမြေမှာရှိတဲ့လူတွေအားလုံးအဲဒီအကြောင်းကိုကြားဖူးကြတယ်။”
"ဒီဒဏ္ဍာရီကတကယ်လား" ဝူရှန်းအာက စိတ်ဝင်တစားမေးလိုက်သည်။
"ငါလည်း မသေချာဘူး။ ကောလဟာလ တွေကို သက်သေပြဖို့ကြိုးစားပြီးနဂါးဂိုဏ်းကိုဆယ်နှစ်ကြာအောင်လေ့လာခဲ့သူတွေရှိတယ်။အဲဒီလူတွေက ချော်ရည်တွေကို ရှာတွေ့ခဲ့ပေမယ့်နဂါးတွေကိုရှာမတွေ့သေးတဲ့အတွက် ကောလဟာလလို့လည်းပြောလို့မရဘူး။” လုံမိန်ကခေါင်းခါယမ်းလိုက်သည်။
"ကြည့်စမ်း၊ အရှေ့ဘက်မှာဂူတွေအများကြီးရှိတယ်"မိုက်ကယ်၏ မျက်လုံးများ တောက်ပလာပြီးအံ့အားသင့်စွာပြောလိုက်သည်။
မြင့်မားသောတောင်ကိုဖြတ်ကျော်ပြီးနောက်ဧရာမကျောက်ဂူကြီးများစွာကို တွေ့ခဲ့ကြရသည်။
ကျောက်ဂူများသည်ထိုဒေသရှိ လမ်းများဖြစ်ပြီးနေရောင်အောက်တွင် တောက်ပစွာလင်းလက်နေပါသည်။
လိုဏ်ဂူနံရံများတွင်ဗုဒ္ဓရုပ်ပွားတော်ရာပေါင်းများစွာထွင်းထုထားသည်။ အချို့ကကြင်နာတက်ပုံရပြီး အချို့မှာဒေါသထွက်နေပုံရသည်...
ရာဂဏန်းမျှရှိသော ဗုဒ္ဓရုပ်ပွားတော်များ၏ဆန့်ကျင်ဘက်တွင်ငရဲနတ်ဆိုးများ၏ရုပ်ပွားတော်များသည်သူတို့အလိုရှိသမျှကိုပြုမူနေကြသည်။ တစ်ချို့အမျိုးသမီးတွေကသူတို့ရဲ့ရင်သားတွေကိုပွင့်ပွင့်လင်းလင်းမြင်ရပြီး နတ်ဆိုးတစ်ချို့ကသူတို့ရဲ့ဗိုက်တွေကို လှီးဖြတ်ကာသူတို့ရဲ့နှလုံးသားတွေကို ဆွဲထုတ်နေကြသည်။
ESTÁS LEYENDO
စကြာ၀ဠာဘဏ် အတွဲ - ၁ (လီရှန်တောက်)စၾကာ၀ဠာဘဏ္ အတြဲ - ၁ (လီ႐ွန္ေတာက္)
AcciónUnicode & Zawgyi Chapter 1 to 360......
