Unicode
အခန်း (၁ဝ၂)
လတ်တလောတွင် နယ်မြေကို မကြာခဏ အသုံးပြု နေသဖြင့် ပြောင်းလဲမှုမှာလည်း အလွန် များပြားလှသည်။ ယခင် မူလတောင်ကုန်း အစား တောင်တန်းကြီးများ ဖြစ်ပေါ်နေပြီး စမ်းချောင်း၏ အဆုံးတွင်လည်း ရေကန်ကြီးတစ်ခု ရှိနေသည့်အပြင် ရေကန်၏ တစ်ဖက် တစ်ချက်တွင်လည်း တိရစ္ဆာန်များ ကျက်စား နေထိုင်ရာ ကျယ်ပြန့်သော ချိုင့်ဝှမ်းများ ရှိနေသည်။ အချိန်တိုင်းတွင်လည်း ရေကန်မှ ရေကို သောက်ယူနေသော ငှက်များနှင့် နယ်မြေကြီးက အသက်ဝင်နေသည်။
လျှောက်ပတ် ကြည့်ပြီးသည့်တိုင် ဟေးယွီကို ယွင်ချဲ့ မတွေ့သေးပေ။ ယွင်ချဲ့လည်း ဟင်းသီးဟင်းရွက်များကို ရိတ်သိမ်းပြီး မျိုးစေ့ အသစ်များ ကျဲကာ ပြန်လည် စိုက်ပျိုးခဲ့သည်။ သူပထမဆုံး စိုက်ပျိုးခဲ့သော စပါးနှင့် ဂျုံများမှာလည်း မှည့်နေသဖြင့် လေထဲတွင် ကိုင်းကျနေသဖြင့် ရက်နည်းနည်း ကြာပြီးနောက်တွင် ရိတ်သိမ်း၍ပင် ရနိုင်ပေသည်။ ထို့နောက် နယ်မြေအချို့ကို ရှင်းလင်းကာ ဆန်စပါးနှင့် ဂျုံများစိုက်ပျိုးရန် လယ်ကွက်များကို ဖန်တီးလိုက်သည်။ လူတို့က သူတို့ ဝမ်းတစ်ထွာ ဗိုက်ကို ဖြည့်တင်းရန် လိုအပ်သည် မလား။ နောက်ဆုံးတွင် တောင်အောက်ခြေတွင် ရှိသော သစ်သီးခြံထဲမှ အပင်များကို သွားကြည့်လေရာ ကောင်းမွန်စွာ ကြီးထွား လာကြသော်လည်း အသီး မသီးသေးပေ။
"ရှောင်ချန် ငါတို့အိမ်ပြင်လို့ ပြီးသွားပြီ ဒီနေ့ အိမ်တက်ပွဲ လုပ်ကြမှာ ... မနက်ဖြန်ဆိုရင် မမကိုတွေ့ဖို့ မင်းကို ခေါ်သွားပေးမယ် အပြင်မှာ လိမ္မာပါ့မယ်လို့ ကတိပေး မသောင်းကျန်းရဘူး ဟုတ်ပြီလား"
အလုပ်ကိစ္စများ လုပ်ပြီးနောက် ယွင်ချဲ့မှာ သူ၏ညီကို လက်သည်း ညှပ်ပေးရင်း ပြောလေသည်။ ယွင်ချန်အား အပြင် ခေါ်ထုတ်မည့် ကိစ္စက ယွင်ချဲ့ကို အနည်းငယ် စိတ်ပူစေသည်။ သွေးကို တောင့်တခြင်းက ဖုတ်ကောင်များ၏ ဗီဇဖြစ်ပြီး အခု ယွင်ချဲ့နှင့် တွေ့နေချိန်တွင် တည်ငြိမ်နေသေးသော်လည်း သွေးထွက်နေသော သူကို မကိုက်နိုင်ဟု အာမ မခံနိုင်ပေ။ မည်သည့် အရာမှ မသေချာခြင်းကြောင့် တတိယ အထပ်နှင့် အပေါ်ဆုံး အထပ်ကို သံတိုင်များဖြင့် ကာထားစေခြင်းဖြစ်သည်။
YOU ARE READING
ကမ္ဘာပျက်ကပ်ကစစ်သည်တော်
Romanceဘာသာပြန်သူ - Swae Nyoe Team (တစ်ဦးတည်း ဘာသာပြန်ဆိုခြင်း မဟုတ်ပါ)
