Assassin Series 7: Atticus Romero

Chapter 30

⚠️WARNING‼️

HINDI AKO MAPAKALI habang nasa labas ako ng emergency room. Kasama ko si Lord na tinatawagan si Ruwi at ang iba ko pang mga kaibigan. Inutos ko narin kay Lord na tawagan si Salem para papuntahin dito sa Laguna.

Nakayuko lang ako habang naka upo sa sahig at nag hihintay na lumabas ang doctor. Natatakot ako at baka hindi maka survive si Xanth at si August.

Naka kuyom ang kamao ko habang bumabalik sa alaala ko ang sinapit ni August at Xanth. Kailangan kong mahanap ang mga putanginang gumawa nito sa mag-ina ko.

Tumayo ako sa pagkaka salampak sa sahig saka ako humarap kay Lord na kumakain na naman ng biscuit.

"Pwede bang dito kana muna. Tawagan mo ko kapag may balita ka na sa sitwasyon ng mag-ina ko," saad ko.

"Susugod ka mag-isa?" tanong niya sakin.

"Hindi ako pwedeng walang gawin, Lord. Mag babayad sila sakin," walang emosyon kong sabi saka ako naglakad palayo kay Lord.

Mabilis ang ginawa kong paglalakad dahil ayaw kong mag sayang ng oras, kailangan kong maka balik agad sa mag-ina ko.

Nang makalabas ako sa hospital ay agad akong sumakay sa kotse ko na may bakas pa ng dugo mula sa mag-ina ko pati narin kay yaya Minerva.

Binuhay ko ang makina at pina-usad 'to, balak kong pumunta muna sa bahay nila August para kunin ang device na naka dikit sa pader para makita ko ang mga mukha ng may gawa nito.

Nakarating ako agad sa bahay nila August, nagmamadali akong bumaba ng kotse saka ako pumasok sa bahay nila. Kinuha ko ang device na idinikit ni Xanth sa pader saka ako lumabas ng bahay.

Sumakay ako sa kotse at nagmamadaling pina-usad para makarating ako sa apartment na kinuha ko.

Pumasok ako sa apartment at agad kinuha ang laptop. Pinlay ko ulit ang mga kuha at nakita ko apat na lalaki na naka pasok sa loob ng sala nila August. May mga dala 'tong baril habang nag lilibot sa paligid ng sala nila August.

Kitang-kita ko din kung pano nila sinaksak si yaya Minerva na panay sigaw ng tulong. Inikot ko ang device para makuha ang scene kung saan pinasok ang kwarto ng mag-ina ko.

Halos ng hina ako ng makita ko si August na nakikipag laban sa apat na lalaki. Hindi ko napigilang maluha ng makita kong sinaksak ng lalaki si August at sinipa 'to ng malakas sa mukha dahilan para matumba ito sa sahig at ilang ulit na pinagsasaksak ng lalaki.

Kumuyom ang kamao ko habang pinapakinggan ang sinasabi ng lalaki na si August ang dahilan kung bakit na raid ang bodega nila. Nalaman ko din na naka kulong ang drug lord na ama ng sumaksak kay August.

Sumikip ang dibdib ko ng mahanap nila ang anak kong si Xanth na panay tawag sa mama niya na wala ng malay. Lumuhod pa ang anak ko habang nag mamakaawa sa mga lalaking naka palibot sakanya pero hindi nila pinakinggan ang pakiusap ng anak ko. Hindi ko kinaya ang sumunod na pangyayari ng saksakin nila ang anak ko sa dibdib.

Halos sinuntok ko ang screen ng laptop ko dahilan para masira 'to ng tuluyan.

"Hindi dapat ang laptop mo ang pinag bubuhusan mo ng galit,"

Napalingon ako ng marinig ko ang boses na 'yon. "Anong ginagawa mo dito?" tanong ko kay Lorcan na nakasandal sa naka bukas na pintuan.

"Bored ako," sagot niya sakin kaya hindi ko siya pinansin. Kumuha ako ng katana saka ko 'to sinipat-sipat.

"Sama ako," saad ulit ni Lorcan na halatang bored sa buhay.

"Hindi ka pwedeng sumali sa laban ko, Lorcan. Baka pagalitan ka lang ni boss Lucian kapag nalaman niyang nakialam ka," saad ko saka pina-ikot ang katanang hawak ko.