ဆေးရုံတစ်ခု၏VIPခန်းတွင်ဖြစ်သည်..
"ဟျောင်း ဘယ်လိုဖြစ်ရတာလဲ အဲဒီအကြောင်း မတ်ချူးသိထားလား
အဲဒါကြောင့် မတ်ချူးနဲ့လမ်းခွဲလိုက်တာလား"
ဟန်ဘင်း ဂျီအွန်းဟျောင်းကိုမေးချင်တဲ့မေးခွန်းတွေသိပ်ကိုများ၏။
သူက ဂျီအွန်းဟျောင်းရဲ့ ညီတစ်ဝမ်းကွဲတော်ပေမယ့် ဘာတစ်ခုမှမရိပ်မိခဲ့။
သူတို့အားလုံးဟာ ကင်ခ်ဂျီအွန်းချပြသလောက်သာမြင်ခဲ့ရပုံပေါ်၏..
ကိုယ့်ရင်ထဲဗလောင်ဆူနေပေမယ့် ကာယကံရှင်ဖြစ်သူက အခန်း၏ပြတင်းပေါက်ကိုသာအေးအေးဆေးဆေးငေးလို့နေသည်။
"ဟျောင်း ကျွန်တော့်ကိုတစ်ခုခုပြောပါအုံး"
ဟန်ဘင်း၏အမေးစကားကြောင့် ဂျီအွန်း သက်ပြင်းကိုလေးလံစွာချ၍ အကြောင်းစုံပြောပြဖို့အားယူလိုက်၏။
"ကိုယ်လဲ ဒီရောဂါအကြောင်းကိုသိရတာက သိပ်မကြာသေးပါဘူး
ဟန်ဘင်းရား
ရောဂါလက္ခဏာတွေ သိပ်မပြလို့ ကိုယ်ကိုယ်တိုင်က မရိပ်မိခဲ့ဘူး
လွန်ခဲ့တဲ့၆လလောက်ကမှ ဒယ်ဒီက Personal ဆရာဝန်ကိုခေါ်ပေးခဲ့တယ် အဲဒီနေ့က ဒယ်ဒီအလုပ်ကိုချက်ချင်းပြန်သွားတာကြောင့် ဒီအကြောင်းကိုမသိလိုက်ရဘူး ကိုယ်လဲ ဆရာဝန်က
ပြောပြလို့သိရတာ သိမှသိရတော့လဲ အသည်းကလုံးဝပျက်စီးနေပြီတဲ့ အသည်းအစားထိုးပြီး ကုလို့ရပေမယ့် အခုချိန်ထိ ကိုယ်နဲ့ကိုက်ညီတဲ့အသည်းအလှူရှင် မရှိသေးဘူး.."
သူတို့မရိပ်မိခဲ့တာက ဂျီအွန်းဟျောင်းရဲ ဖြူဖွေးနေတဲ့အသားအရောင်ဟာ အဝါဘက်ကိုတဖြည်းဖြည်းပြောင်းနေပြီဖြစ်ကြောင်း..အခုချိန်မှ ဟန်ဘင်းသိလိုက်ရသည်။
ပြောနေတဲ့လူရဲ့စိတ်ထဲဘယ်လိုတွေဖြစ်နေမလဲမသိပေမယ့် နားထောင်ရသူ ဆောင်းဟန်ဘင်းကတော့ မွန်းကြပ်လို့လာရသည်။
ဒါဟာ အသက်အန္ဒရာယ်ရှိတယ်မလား...
ထို့နောက်ဂျီအွန်းဟျောင်း ကထပ်ပြောလာပြန်သည်။
"ကိုယ် မတ်ချူးနဲ့လမ်းမခွဲခင် အရမ်းစဥ်းစားခဲ့ရတယ် အကယ်၍ အစားထိုးကုသဖို့အတွက် အလှူရှင်ရှိလာတယ်ဆိုရင်တောင် ခွဲစိတ်မှုအောင်မြင်ဖို့ ရာခိုင်နှုန်းက 50/50 တဲ့
အသက်ဆက်ရှင်ရမှာလား သေဆုံးရမှာလား မသေချာတဲ့ကိုယ့်ဘဝထဲမှာ မတ်ချူးကိုဆက်ချုပ်နှောင်မထားသင့်ဘူးလို့ ကိုယ်ထင်တယ်.."
DU LIEST GERADE
My Ex_Boyfriend(Complete)
Fanfictionသိပ်ချစ်ရက်နဲ့လက်လွှတ်လိုက်တာဘာကြောင့်များလဲဟျောင်း....
