"ခင်ဗျား အခုဘာလုပ်ဖို့စဥ်းစားနေတာလဲ
ကင်ခ်ဂျီအွန်းရှီး"
နှစ်ယောက်လုံး မျက်ရည်တွေအဆက်မပြတ်ကျဆင်းနေပေမယ့် ဘယ်သူမှမသုတ်ဖယ်မိ။
သူတို့ရှေ့မှ လူကိုသာ ပျောက်ကွယ်သွားမလားဆိုတဲ့ စိုးထိတ်မှုတွေနဲ့ အကြည့်တွေပြိုင်ခဲ့ကြသည်။
"ကိုယ်မင်းထက်6နှစ်ကြီးတယ်နော် မတ်ချူး"
မတ်ချူးကို မျက်တောင်မခတ်တမ်းကြည့်နေသူမှပြောလာ၏။
ထိုလူက သူ့ထက်အသက်ကြီးတာကိုအကြောင်းပြနေတာဘဲ
မတ်ချူး ထိုသူ၏စကားကိုနားမဝင် ထိုလူ၏လည်ပင်းမှအိင်္ကျီ အနားစကို ခြေဖျားထောက်၍ ဆွဲပြီး..
"ကျွန်တော့်ထက် အသက်ကြီးတိုင်း ကျွန်တော့်အတွက်အဲလောက်ထိစဥ်းစားပေးရမယ်လို့ဘာကြောင့်ထင်နေတာလဲ ဘယ်သူကသတ်မှတ်ထားလို့လဲ!!.."
မတ်ချူးရဲ့အော်ဟစ်ပြောသံကြောင့်အံ့သြသွားသောထိုလူ့မျက်ဝန်းတွေကိုကြည့်၍ ရင်ဘတ်ထဲတစ်ဆစ်ဆစ်နာလာရ၏။
"ဘာလို့မပြောခဲ့တာလဲ ဟျောင်းဘဲချစ်တတ်တာလား ဟျောင်းဘဲဂရုစိုက်တတ်သူကြီးလို့ထင်နေတာလား ကျွန်တော့်ခံစားချက်ကိုရော ထည့်မတွက်တော့ဘူးလား!!"
"ဟျောင်းက ကျွန်တော့်အချစ်ကိုအထင်သေးနေတာဘဲ..ဒါမှမဟုတ် ကျွန်တော်နဲ့အတူဘာမဆိုရင်ဆိုင်ဖို့ သတ္တိမရှိတာများလား..."
မတ်ချူးမသိတော့ဘူး ဒီစကားတွေဟာထိုလူကိုနာကျင်စေနေမယ်ဆိုရင်တောင် ပြောမှဖြစ်မည်။
ဟျောင်းရဲ့အတွေးတွေဟာ အဆုံးစွန်ထိရောက်၏။
ထိုသုံးမစားမရတဲ့အတွေးတွေကြောင့် သူတို့နှစ်ဦး သေခွဲရော ရှင်ခွဲပါ ကွဲရတော့မှာမဟုတ်ပါလား..။
ဟျောင်းမှာ ကျန်းမာရေး ချို့ယွင်းနေမှန်း မတ်ချူး တကယ်ကိုမရိပ်မိခဲ့ ဟျောင်းကလဲမရိပ်မိအောင် ဟန်ဆောင်ဖုံးကွယ်ထားတာဖြစ်နိုင်၏။လမ်းခွဲစကားပြောတဲ့နေ့တုန်းကဆို အဝတ်အစားကိုလုံခြုံအောင်ဝတ်လာခဲ့သူ အဲဒီနေ့မှမဟုတ် လွန်ခဲ့တဲ့6လလောက်စ မတ်ချူးနဲ့လာတွေ့လျှင် ဒီတိုင်းဘဲဖြစ်သည် မတ်ချူးကသာ လုံးဝမရိပ်မိခဲ့ခြင်း။
အသည်းပျက်စီးနေပြီကို အောင်မြင်နိုင်ခြေကနည်းပေမယ့်အစားထိုးကုသနိုင်သားနဲ့ ဟျောင်းဟာ ကုသဖို့ငြင်းခဲ့သည်တဲ့..။အကြောင်းပြချက်ဟာ သူ့ကြောင့်လို့ဆို၏။
YOU ARE READING
My Ex_Boyfriend(Complete)
Fanfictionသိပ်ချစ်ရက်နဲ့လက်လွှတ်လိုက်တာဘာကြောင့်များလဲဟျောင်း....
