الشيم
روزا الجنابي
مُتابعه تصويت تعليق بين الفقرات لُطفا
شمآ تعوفك نآس ، ينطيك الله أعز منهم....
____
مستحيل سييييف !!!! لا اكيد اكو غلط اخواته شنو تحارش بيهن! !!
الثواني ماكدرت أستوعب كلام حواري. و در عيونها وحده منهن زركه نيله. بلعت ريگي من الصدمه احسه نچرح بلعومي ختنكت
حوري منين تعلمت هل كلام شلون عرفت هذه اسمه تحرش!!!!!!
سحبت نفس بالف يالله. وحواري عيونها عليَ تنتظرني احجي. بس اني اخخخ لساني نربط اريد احجي ماكدر لساني ثكيييييل. ثكيييل الصدمه چبيره والحمل بعد اكبر
حورالعين:-ايهابي والله ماكذب عليك
ايهاب: شنو تحرش بابا عيب شنو هل سوالف شنو سويتي حواري وتعاقبتي.!؟احجيلي
دُره همست بخوف ورچفه وهي تبچي
دُر::- :هو اجه مادري شبييي وجان وجهه يخوف اني وحور كاعدين نغسل ماعين وحط ايده على ظهر حور وجرها علي ومن اجت تضربه باسها حيل من..
..سكتت عاضهه شفتها بخوف صحت بدون وعي وگلبي نااار وجت بي
ايهاب:منييييين! !
دنگت دُر وكالت حواري وهي مدنگه راسها وتعصر باصابعه
حورالعين : :- باسني من رگبتي مادري ليش وانا ضربته لان ماحبيته وهو بده يخوف بينا ويكول بس ابوسچ شويه وبعدين اجيبلجن حلويات بس اني ماحبيت هذه شي لان اذكرت انت دائما تكول اذا ماحبيتي الشي اليطلبه اي احد منج كول لا ولا تخافين . اني رفضت وهو بدء يسحب بيه من ملابسي وضربته بالطاوه على راسه
كعدت امي مقابيلي وهي تكمل كلامهن
هيام:سمعنه صوتهن و طلعنه نركض جدك شاف سيف راسه بي دم بداية شعره وبدون مايعرف السبب كتل البنات بعدين حورالعين بدت تصيح وتبچي
حورالعين:- يريد يتحررررش بينه جدي والله والله
عواد: هشششش عيب هل كلام
حورالعين :والله الا اكول لايهااااااااب
عواد:سكتوووها لا افصم راسسسسها
نجمه:البنييييه تحجليك شوف ابنككك شمسووووي
عواد:ولااا كلام. بيتنه بيت حموووله عيب هل كلاااام وهيه بزررر
حور تصيح وتبچي تريدك وجدك حيل نززعج منها اجت عمتك ساهره تريد تفهم وحجتلها دُر وماحسلك غير ضربت راسها بالمحچر مال الدرچ وتصيح ماقابله ...
ساهره: - ولجججج اخووووج هذه علموچ على سوالف لماااااصخه وجيتي اطبقيهن بيييييي
بين الصياح والعركه تدخلو عمامك وجدك حبسهن هنا وهاي صار يومين ملينه واحنه نحجي ومافاد يكول ليطلعهن احسبه وياهن خليهن يتربن
