الشيم
روزا الجنابي
مُتابعه تصويت تعليق بين الفقرات لُطفا.
المنطقه المالك عرف بيها ديح وجول بيها ✨
_______
للحضات واني صافن بالورقه والافكار ادور براسي. معقوله هذه البنيه المريضه شمرتها!
بس شلون وهي نص عقل! !!! لا والكتابه انكليزيه.
اخذة الورقه ونزلت اُمي محضره صينيه بيها چاي وصمون رميت للعلاكه على طاولة وطلعت للديوان.
إيهاب:-يبه كاعد
احمد: ايي يبويه تعال
إيهاب:- سؤال
رفع راسه من المخده وعيونه عليه رفعت الورقه
-هذه الك لورقه ؟
-وين لكيتها ؟
-بالسيارة
-شنو مكتوب بيها!!
-هيج كتابه. انكليزيه بس كلت يمكن الك
-لا مو الي ماعندي شي بالسيارة
هزيت راسي وسديت الباب وطلعت خليته بجيبي وكعدت اتريگ. كملت وطلعت للشغل بالسوگ. العالم رايحه جايه . بالصدفه لفت نظري بنيه واكفه هي وخطيبه بالمحل لبصف محلي ومتناكرين لدمعه بطرف عينها وهو خشمه يابس مادري شبي عيني عليهم وبگلبي اكول
ولك ايهاب هم يجي يوم وتصير هيج عگره گبر لفك اذا صدك. عفتهم
كعدت اراجع الحسابات
زين اني ليش احجي وي نفسي اسئل واجاوب! !؟ شبيه استغفر الله لالا. هاي لاجواء ماتناسبني
رفعت راسي ودخلو نفس لولد والبنيه كتمت ضحكتي كوه سلمو وتقدم الولد خطوه
:-استاذي يا ريت تنزل ارخص موديلات حلقات عندك
:-اررخص!!
رفع راسه واشرلي أي:-ارخص موديل بلا زحمه
سحبت ستاند الخاص بالذهب وهو يهمس
:-يله خلصيني واختاري عاد تره طلعت من ماعونها
البنيه جاوبته ودمعتها بطرف عينه:-ماريد والله شبييك
بقيت ساكت وهم نقاشهم شتد سحبت نفسي ليوره وكتبت اكثر من وره بنفس لجمله وخليتهن بالحافظه بدون لا ينتبه سحبت بطلين مي
إيهاب: -تفظل اشرب مي واراويكم موديلات ثانيه اذا تعجبكم..
رد بنتر وجهه تلايم:-لالا شكرا الك مانريد
إيهاب:- لحضه يخوي تراني شاب حالي حالك راح تسد نفسي من زواج واني ليل ونهار اقنع بامي احمد ربك امك راضيه
شحت ابتسامه خفيفه وسكت اخذ البطل من إيدي شرب مي والثاني قدمه لخطيبته سحبت لعلبه من لرف
ايهاب: ليوم يمكن يوم الحظ السعيد من شويه انتبهت اليوم عدنه قرعه للزبائن والمكتوب بالورقه ياخذونه بنص السعر
