الشيـم
روزا الجنــابي
متابعه تصويت تعليق بين الفقرات لُطفا...
"ياضحكتي وبيت روحي
وياروازين الفـرح" 🤎...
_________________
أبتسمت على كلمته سكتت ماكدرت احجي. دنگت گلبي يرجف من بعد صمت هسمت ::- تاكل وياي
وگف مسح شعره وزفر نفس بقوة ::-كملي اكلج هسه ارجع
:-يعني راح تروح!!
هزه راسه لا وطلع بره ستغربت شبي كملت اكلي ولميت الاكل اخذته ودخلت للبيت خليته بالثلاجة وطلعت بطلين ماي وببسي ورجعت لگيته كاعد
:-اجيت
:-لا بعدني بره
ضحكت وكعدت مسافه متر بينه خليت بطل ماي وقوطية ببسي گدامه وثنين گدامي فتحت شعري ونثرته على ظهري تحمحم ودنگ اخذ بطل المي شربه كله دفعه وحده
:-تريد مي بعد؟
:-لا ما اريد
سكت واني سكتت الهدوء يوتر وهو ماعرف شنو بي حسيت يريد يحجي ومايعرف منين يبدي فتحت الببسي اخذ رشفه وانتبهت علي من كال وهو مدنك
:-لتين صح انتِ مو محجبه بس لبسج مرات مو مناسب الوضعج حاليا
عكدت حاجبي مستغربه اردف -:يمكن تحسينه تدخل مني ومو من حقي هذه شي بس نگدر نكول
ک آخ الج اريد احجي لا تفهميني غلط
:-لا ليش افهمك غلط بس يعني ما اشوف لبسي بي شي!
:-انتِ ماتشوفين هيج لان متعوده وشي اخر هسه انتِ بيتج وحدج وبنيه وحيده كل ماتكونين مُحافظه على نفسج اكثر محد يگدر يتقربلج لا صغير ولا چبير
رفعت اكتافي ماعرفت شنو اجاوبه ضحكت وسكتت دنگت العب بالبطل وبالي ويا
ايهاب: اذا ماتحبين نحجي بشي يخصج احجي لا تسكتين انا بس اريد انبهج لا اكثر ولا اقل. يمكن قبل اخوانج ولا اهلج مايهمهم هذه التفاصيل بس انا حيل تهمني
:-صح يمكن هيج
:- احيانا الانسان يحتاج احد ينتبه على اخطاء وتفاصيل مُهمه هو مامنتبه عليها
:-اكيد صح كل انسان يخطأ
:-طبعا والخطأ مو عيب بكثر ما عيب من يستمر علي الانسان وهو يعرفه خطأ
لميت ايديني بحضني اعصر بيهن ناتبه عليه سكت وغير الموضوع كال بضحكه مرحه
:-تعرفين ما هان عليه اضل زعلان منج كسرت الزعل وكلت اطل عليج ول غيرج يحرم اذا المح طوله بعيني
ابتمست:-والله اني حيل نصدمت من شفتك جنت واكفه انتظر ابو دلفري
:-ههه اي لگيته بالباب واخذتهن منه
