الشيم
روزا الجنابي
مُتابعه تصويت تعليق بين الفقرات لطفا ...
اذا طگاتنه من اعزاز چا ياهو اليرد حگنه..
________
:-لااااا جسار لااااا حط الله بين عيونك جساااار
حسبي اللللللله ونعم الوكيل بيييك حسبي اللله ونعم الوكيل بييييك
اجاها راشدي قوي بعد هل الكلمات نرطمت بالگاع ونحال عليها بالضرب وسب لي مينلفظ ولا ينسمع. مرت الثواني والدقايق ويمكن الساعات والصوت بعده صدى براسي من شدت الخوف ورهبه لاعيشها كل مره صار عندي مثل الفوبيا او هي فوبيا الصوت العالي
صرت اخاف من اي نقاش يدور بين العائله حتى لو كان شي عادي وبسيط بنفس لحظة تبدي اطرافي ترتعش.
رفعت راسي على صوت وسام
وسام: لتين لتين 'وينج حبيبتي!!
لميت نفسي داخل الخزانه أكثر سديت عيوني من شدة طفولتي جنت اظن اذا ما اشوفه يعني مراح يشوفني.
تسلل ضوء خفيف داخل الخزانه يوحي على فتحها. رفعت راسي شفت گدامي وابتسامه ماكره مرسومه على ثغره
وسام:- ليش كاعده هنا تعالي يمي بالغرفة
لتين:- ما اريد اريد ارجع أنام
سحب ايدي سحبتها منه بقوة:- عوفني عوووفني
::- تعالي حبيبتي وياي أبوي طلع وامي مثل العاده رجعت نامت وغسان وحسان مو بالبيت
ختمها ببتسامه رجف گلبي وخفت اكثر اطرافي بدة. تبرد الموقف هز روحي هز سحبني من ايدي لان اذا اكول لا راح انكتل ..
واحتمال انذبح. اذا ارفض ويوصل كلشي للأسمه ابويه كلشي مُباح ...
طلعت امشي ويا روحي ميته لمحت ماما نايمه على طرف التخم وكدمات واضحه عليها نداريت على الباب الرئيسي وهمست برجاء يا رب
هل كلمه ماكنت اعرف راح توصل ويكون ربي اقرب اليه من حبل الوريد بنفس لحظة نفتح الباب ودخل حسان صاح بغضب
حسان:- وين!!!!!!
توتر وسام وتمتم:- اريدها يمي بالغرفه تلعب شويه بالابتوب وترجع تنام
خزره واشرلي ارجع للغرفه كان حبل نجاة الي ركضت بكل حيلي وصلت للغرفه سديت الباب وكبست القفل اكثر من مره كعدت وروحي موجرا نار بچيت بس دموعي جفت اييي والله من يومها هي دموعي جفت ابچي بس ما تنزل
من يوم الاسود خسرت روحي ودموعي وكلشي عندي ...
نمت بتعب ليل خلصته كل لحضه افز واذا ابقه نايمه الكوابيس تاكل بروحي نفس المشهد ونفس. الألم. ينعاد كل ليله.
رفعت نفسي بتعب دخلت للحمام لداخل غرفتي. توضيت وطلعت. طلعت سجادة الصلاة من بين ملابسي وكعدت احجي واشكي لربي على بشر والوحوش الداير مدايري وبنفس لوقت انا راضيه بقضاءه وقدره
