الشيم
روزا الجنابي
متابعه تصويت تعليق بين الفقرات لُطفا
لـچمو گلبي بحَچايات حتى بنوُمتي يَصلن...
_______________
-خاله ويا خال
-خاله
- خاله ويا خاله
- خاله
-هلا هلا احوو احووو احوووو هههههههه
ايار:هههههه راحه يا ربي رااااااحه
حورالعين:-عجيب احنه اذا وصلنا للجامعه شلووون يمكن نكعد انوح بالشارع
أيار:-هههههه لالا اكيد والله ننصب عزه بالشارع ديلا عادد
-ماما وين؟
-خليني اكلج شي قبل لا تجي ماما..
كعدت وتربعت كدامها
-اكلج ايار منتبها على ماما شكد متغيره بعد ما نتقلنه لهذه البيت
-من اي ناحيه قصدج.؟
-مممم من كلشي حتى صايره ويا بابا كلش حنينه دكول ابنها ههههه
ضحكت وكممت حلكي:-وحق الله صدك كل مره اريد اكول لماما واحس عيب
ايار: شدكليلها ياااااا تردين تفضحينه !
حورالعين:-اكلها ماما صايره كلش حلوين انتِ وبابا عااادي.
أيار:-ههههه حتى تكفخج والله.
هيام: ليش اكفخها هذه شي من الزينات واحنه مامسوين شي غلط بالعكس هذه زوجي ومن واجبي اقدم كلشي يحتاجه
كالتها وگعدت يمنه على الچربايه عكدت حاجبها :-.ليش ساكتات؟
ايار: يعني ماما عادي نحجي هيج اشياء وياج !
هُيام:-اكيد ماما اي شي تحبين تحجينه او تتعرفين عليه اني موجود لا تترديين مني اني اوله من غيري بهذه شي
حورالعين: حتى اذا اسئله مال الكبار!؟
هُيام:-اكيد انتِ راح تتعلمين هسه او بعد سنه لعمر مايحدد العقل ابد
وحده باوعت للثانيه بنظرات غريبه ندستها حور وضحكت
حورالعين:-والله الا احجي
هيام:-هههه احجي ماما شنو ابالج
حورالعين:ماما امانه لا تزعلين او عبالج احنه مستهترات لا بس فضوووول قاتل
هيام: ههه اي بله غردي ام الفضول
تربعت بحماس وفضول موتني سألتها
-انتِ ليش دائما اشوفج قبل لا يرجع بابا من شغل
تنبهينه مانطلع صوت والبيت يتبخر وانتِ تغيرين ملابسج وعطرج وحركات وبركات ههههه اسف ماما بس صدك عود ليش.
ضحكت ماما بلطف وعيونها لامعه تحجي بأريحيه وبدون اي تقييد حسيت صديقتها مو بنتها انا
.:-دائما الزوج او الرجل بشكل عام من يرجع من مكان عمله يريد يرتاح من بعد تعب. يحب يسمع الكلمه الحلوه وريحه الطيبه والهدوء والحنيه. هذه الاشياء كلها جنت شبه فاقدته من بيت جدكم لهذه احاول قدر الامكان اعوضه على الايام لمضت من عمري وهو اسم الله علي
مدللنه دلال ومامقصر ويانه بشي ..
