الشيــم
روزا الجنـابي
متابعة تصويت تغليق بين الفقرات
هل تدركُ.معنى إن يحبُك
شخّص متعبُ؟ شخّص تلاشتَ. رغبتهُ في تكوين علاقات جديدة
لكنهُ، استثناك
_________
:- اخذتي شهادة الفصلي
:- ايي وبالتاريخ تسعين. هههه
ضحكت وهزيت ايدي:- تذكرين شصار بيومها والله لهسه مايكدر يخلي عينه بعيني
ايار:- يستاهل والله لو ما مشتكيه علي عند المُشرف وبنص الاصطفاف ما يطلع ورقتي يتساهل الصار بي
حورالعين:- راح ينقل الغير مدرسة سمعت من البنات اليوم يحﺟون بالصف
ايار:- درب الصد لا رد
ندستني بيدها: - ذكرنا الئط ام نط
حورالعين :- هههه اشش خيولي لا تباوعين علي سوي نفسج ما تشوفينه
عبرنا وطلعنه متجاهلينه من اخر حادثه بعد ابد ما حتك بينا ولا تقرب عباله راح اخاف واسكتله بس لا كدام كل المَدرسة بوقت الاصطفاف شتكيت عند المُشرف وبعد بيومين طلع الورقه والدرجة عاليه. نفتح باب المدرسة المديرة بالباب تراقب الطالبات لحد اخر طالبه
لمحت يزيد من بعيد ساند ظهرة على السيارة ورافع راسه يدورنه بين الطالبات.
:-اهوو هسه ليش ما اجه بابا
ايار:- لعد منو اجه؟
حورالعين:- يزيد. امشي ذاك ينتظرنا
ابتسمت ودورت بعيونها علي خزرتها ونترت: - ايار عينج لا افكسها
حاولت تخفي ابتسامتهَا بس ماگدرت ضربتني بخاصرتي بعكس ايديها:- نجبي دا ادور علي اريد ارجع للبيت ميته تعب
:- امممم صدكتچ
طلعنه من بين الطالبات شافنه نمشي علي راح صعد بالسيارة وشغله فتحت الباب صعدت ورا وايار من الجهه الثانيه : - سلام عليكم
يزيد:-عليكم سلام
صعدت ايار سدت الباب وهمست:- سلام
يزيد: - سلام وهلا
عضيت شفتي كوه ساكته رجعنه للبيت طول الطريق ما يرفع عينه ابد ولا يحجي لو حرف ويانه مرات بابا يجي ياخذنه ومن يتأخر بالشغل يخابر يزيد لان سيارة ايهاب عنده يجي يوصلنا ويمشي نزلت ايار وفتحت الباب اريد انزل
:- شكرا تعبانك
يزيد:- كل الهلا سلميلي على خاله هيام
:- الله يسلمك
سديت الباب وهو راح دخلنه للبيت هدوء استغربت لا ماما ولا صوت الايهم وصريخه
ايار:- ماما وين؟
