الشيــم
روزا الجنـابي
متابعه تصويت تعليق بين الفقرات لُطفا
انه خوفي مِن الحَچي الـ ما لاح گلبك 🤍
_________
رجف جسمي غمضت عيوني بقوة. خايفه وابعد نفسي من يمه :- هدي يَبيي هدي بس نحجي
رمشت عيني بثقل ورفعت عيني بعينه اهمس برجفه :- شتريد مني انتَ!
ضحك ومسح طرف شفته :- ما اريد شي منچ اريدچ انتِ
غمضت عيني ورجعلي نفس الشعور متت بدمي گلبي دگاته همجيه وحرارة صعدت براسي همست اريده بس يطلع: :- لا
:-ليش!
فگيت من دنه نفسه من يمي اكثر صرنه كل واحد من جهه من التخم رفعت عيني بعينه وروحي تريد تطلع: :- ماحبك ماريدك
نزل راسه بين ايدينه وضل ساكت زفر نفس وباوعلي بعدة نظري منه خجلانه ومرتبكه
إيهاب:- لا تحبيني اني احبچ'' هذه يكفيچ؟
طفرة من مكاني حكيت جبيني بتوتر مسحت وجهي واحس جسمي صار نااار عرگت اشرتله على الباب
:- باجر باجر نحجي باجر
وگف يباوع بوجهي مبتسم مشه گدامي وانا ورا رجل اطگ برجل من الخوف وتوتر قبل لا يفتح الباب الخارجي ندار عليه صرنه كلش قريبين البعض ميل راسه عليه ونظراته موتتني همس بيني وبينه ببتسامة احبها
:- تصبحين على خير جنهم
:-وانت بخير باي يله روح
ضحك:- صار بيها طرد
دفعته من ظهره وسديت الباب ركضت للبيت قفلت الباب ورجعت الفراشي كلي ارجف رجيف رفعت ايدي اباوع عليها ماكدرت اتحكم من كيفه تتحرك قرفصت مثل الجنين غطيت حتى راسي غمصت عيني وصوته براسي من يهمس بصوت هادئ
:لا تحبيني اني احبچ.
شهكت اسحب النفس برروح :- ولك ولك شسويت بيه شسويت بيه
غمضت عيني وصوته ونظراته براسي مادري شنو صار شمرت اللحاف وگمت طلعت للمغسله غسلت وجهي واباوع بعيوني
:- ماتحبينه انت ماتحبينه خلي يولي هو بس صديق
بلعت ريگي حسيت لچعت حرارة ببلعومي:- يا رب دخيلك انا
رجعت للغرفة اخذة موبايل قفلته خفت يرجع يراسلني واجفص بكلمة نمت على ظهري وعيني على بالفراغ غمضت عيني من صار طيف ذكرى على بالي وصوت ماما يتردد بداخلي
:-لتين لا تلبسين هيج
لتين::- ماما شبيييج تره والله اكول البابا
تحسف ماما على تربيتها:- حسافت تعبي بيج بنت ابوچ
لفيت اباوع لنفسي شورت وكيمونه نثرت شعري على ظهري. سمعت صوت وسام من بره يصيحلي طلعت اركض شافني وصَفر بصوت عالي فريت نفسي كدامه ضربي حيل على زري
