الشيم
روزا الجنابي
مُتابعه تصويت تعليق بين الفقرات لُطفا
مَن زَخت الدنيا مُطر
نمشي أنا وأنتَ بَلا سگف
بَس فَنها گَطرة تلوحنا
حيل أنعجب بينا الندى
وگَطرات بأوراق ألشَجر
غسلت نَفسها بروحنا
متعَجبين؟ أعلىٰ الگمر
نَسماته من مَرها ألتَعب
أمنها بَيد سطوحنا
فَقرة أحنه مابينه رَبح؟
بَس جَرب ومُرنه بصُبح
تَلگى النَحل لازم سَره
يصبلك عَسل بَريوگنا
بينا سَواد بلا حِقد
بَيت الله لو عايز سَگف
چان أنبنى بطابوگنا
______________
كتمت صوتي مبحلگه عيوني على كبرها روحي روووحي راحت خووف
بس هذه المرة مو على نفسي لا على نجمتي اخذة شهييييييق وزفرة اباوع بوسط عيونه الخايفة وإيدينه الترجف حاضن وجهي ويحجي بكلام ما مفهوم همست بنبرة خافت راجفه
:- رجليني ماحس بيهن
إيهاب:- مابيهن ماابيهن شي انتبهي وياي بناتي
سحب شالي على وجهي وإيدي على بطني والرياجيل والسيارة ترست الشارع يحجون ويا وهو متجاهل الكل ومنتبه وياي يعصر برجليني
:- لتين
:- والله ماحسهن بيهن إيهاب
:- من الهبطه هسه يتحرك لا تبچين لا تخافين يروحي لا تخافين
بجيت وهمست ارجف:- ماكووو مايتحركن شووف شووف
احاول ارفعها ماكدر وصاحب السيارة لي ضرب سيارتنه يحاجي يحاول يقدم المساعدة بس إيهاب ماكان واعي الموقف اصعب علي من عليه لتفت وصاح
:- عمييي حززااكم خييير بسسس انطونييي مجال وليررحم والديكم
ردله شخص ثاني:- هذه سيارتي ياابني جيبها الحرمتك
باوعله وباوعلي بسرعه رفع الكمامة على وجهي ونزل إيده جوا رجليني
:- الزميني استندي عليه
شالني وركض للسيارة الثانية صعدني والرجال يحاجي
:- قفل سيارتك ابني قفلها
:- اييي ايي لتين لا تتحركين بنيتي
هزيت راسي واعصر برجليني واحس بطني صارت ثكييييله
ركض إيهاب للسيارة قفلها ورجع ليمي صعد والرجال شخط السيارة يمشي بسرعه وإيهاب اخخخ من إيهاب نظراته رجفة صوته كلشي كلشيي ذبحني
لزمت قميصه وهسمت باذنه
:- اكو شي ينزل بطني داثكل إيهاب
حضن راسي ويمسح على بطني براحه:- مايصير شي وصلنه لتين لا تخافين
:- ينزل احس شيي ينزل ايهاب عفيه
:- اشششش اهدي اهدي ماكو شي بناتي
يحجي بنفس مقطوع كل جسمي ختص بخوف من الفكرة فقط
وصلنا ونزلني بخوف وحذر للدكتورة لازم إيده اعصر بيها والدكتورة تحجي ويا
:- شصاير
:-حادث ضربه قوية بس ما لامست جسمها بس هتز بقوة
:- من شوكت
:- ربع ساعه عشر دقايق مادري ما متاكد
