الشيـم
روزا الجنــابي
متابعة تصويت تعليق بين الفقرات لُطفا..
طاريك چَن زَخة مُطَر فَزز خَضار بروحي .
________
إيدي على إيده أريد اسحبها خايفه ومفزوعه همس بأذني بهدوء
::-اشش اشش جهنمي هذا اني
سكن جسمي وگلبي دگ بقوة سحبت إيده من حلگي نداريت علي اضحك مامصدكه اتلمس بوجهه بالظلام واحجي همس
:- ايهاب هذه انت! !
:- اخخ يالنَهبت روحي مني وراحت اجيتج
رفعت ايديني حضنت رگبته متلعكه بي بأيد وحدة لمني لم بحضنه بتملك يشم بشعري
:- اخخ يا يابه فراگچ دمرني
اشم برگبته بحيلي مامصدكه هذه هو اتلمس شعراته واردد بخفوت
:- ما اصدك هذه انتَ خليني اشوفك خاف حلمانه !ايهابي اشووف
بعدني من حضنه طلع موبايله من جيبه وفتح الفلاش الموبايل بوجهه عيونه تلمع مبتسم حضنت وجهه بسته بشم روحي تريد تحتضنه شمر الموبايل على الچربايه تلمس عيوني باصبعه ونزل منهن الخدي يحرك ابهامه مبتسم
ليتن :- مشتاقتلك هواي
إيهاب:- ميت على لَمحة طولچ
:- تعبانه بلياك
حضنته معبره أيديني على ظهره ضامه وجهي برگبته حرك أيده على شعري شما شايغه روحه يحجي بهدوء
:- ادري بيهم تعبوج ذبلانه عيونج الحلوة
:- عيـوني تريدك عطشانه لشوفتك
حتضن وجهي بين أيدينه: - يـلوموني بحبـچ بس سواليفج أطيب الخــاطـر
سكتت غركانه بعيونه اخذة إيده بيدي : - تعال
هنا
اشرتله على الچربايه هز راسه وندار قفل الباب مدد واخذني بحضنه. لمني الصدره عبر رجليني بين رجليه ضحكت خفيف
:- اخنكني بعد اخنكني
:: ههههه لحظات استغلهن بكل حيلي
ابتسمت وايده تتحرك بهدوء على ظهري والثانيه حاضن خصري بيها شم شعري بنفس طويل
::- ليش هيج صايره لتين ضعفانه حيل ضعفانه
بلعت ريگي وعيوني دمعت: - تعبانه
::- تريدني ارجعچ يمي بس كولي بس انطقي
هزيت راسي لا مخنوگه: - بعد مو هسه
:-لعد شوكت لتيني التنتظرينه شنو!
رفعت راسي اباوع بعيونه رجع شعري ورا اذني يتحسس بشرتي بابهامه
لتين :- الوقت المناسب بس انت لا تعوفني كل فتره تعال شوفني حتى ما اتعب بغيابك
سكت يباوع لعيوني نزل وجهه بهدوء باس خدي وطرف شفتي وجهه تعرق وعيونه ذبلت همس ببحه
