الشيــم
روزا الجنـابي
متابعة تصويت تعليق بين الفقرات لُطفا..🤎
شيفيد بالتالي الندم؟
كُلشي وسط روحي نهدم !
________________
وگف گدامي بملامحة الغاضبه وعيونه تتطاير منها شرار الغضب ضميت عيوني ما اريد اشوف نظراته اتجاهي ولا عندي استعداد اسمع اي كلمة تجرح سحب ايدي من وجهي سديت عيوني حيل شفتي ترجف ودموعي تنزل شهكت من حسيت بأيد تضغط علي ايدي
:- افتحي عيونچ
:- والله ما الي ذنب بكل الصار
نتر من بين اسنانه:- لتييين
فتح عيني اباوعله وجهه يرجف وعيونه دم شعراته مطشر خده مشخوط من حاجبه ونازل عصر مرد اصابيعي بدون ميحس
:- سؤال واحد وجوابي اياااچ تچذبين
چنتي تدرين ؟
:- بس والله انا مالي ذنب بكل الصار ولا جنت ادري الا بعدين
:- چنتيييي تدرييين. لو لااا. ؟
هزيت راسي اي عصر عيونه بقوة صاك على اسنانه هد ايدي وكام يمسح على شعره يغلي من العصبيه وساكت موتني وانا اشوفه يلوب بمكانه عيونه تريد تطلع وجهه يرجف فتح الشباك وبقه واكف اشوف صفحة وجهه اعصابه كله ادگ بقوة فگه يتحرك ويضغط على نفسه اكثر
لتفت واجت عيني بعينه نزلتها بسرعه خايفه وگلبي ينمرد مرد ما نطق حرف واحد. قفل موبايله وشمره على الميز وراح بأتجاة الباب وكفت وراه وحجيت بخوف
:- لا تروح
ايده على مقبض الباب شرايين ايده كلها بارزة تخوف نبرة صوته بوحدها كافيه تخليني امووت قهر
:- اذا حجيت ما تتحملين الكلام خليج بعيده من يمي
خطواتي ترتجف وصلت ليمه خليت ايدي على كتفه همست بغصه
:- اضرب وصيح عليه عاقبني اذا ترتاح بس لا تتجاهلني وتسكت سكوتك هذه يعذبني اكثر من كلامك
لتفت عليه يباوع بعيني عيونه مليانه حجي ولسانه ماينطق اي شي دنگت ارجف رجفت ايده لي سادها شلت حالي
:- لا تبچين
مسحت دموعي :- ما ابچي بعد والله ما ابچي
لزم معصم ايدي مشيت وراي للچرباية كعدت لزمني من اكتافي مددت مسح على شعري وسحب لچرجف غطاني
:- نامي شويه لا تفكرين بشي
:- ايهاب
بچيت زفر نفس وكعد يمي ميل راسه للجهه الثانيه شخطت صوته تهد الحيل
إيهاب:- لا تبرريين شي ' انتِ مالج ذنب بالصار
نهضت جسمي وكعدت لزمت ايده من زنده روحي توجعني وگلبي متملخ احاول اخلي يحجي ويطلع الكلام ليدور بعقله الحرب النفسية لي ادور بين عقله وقلبه تموتني بنفس من اعرف انا جزء من هذا الشي مديت إيدي اريده يباوع لوجهي سحب مني
