الشـــيم
روزا الجنــابي.
متابعه تصويت تعليق بين الفقرات لُطفا...
على طاري الصدفه
و شفته بلا ميعاد
تذكرت بأول يوم شفتك
وهي صدفه
..حبيبي طلبتك تگدر تكررالميعاد
نجي عمد للمقهى كآن اللگا صدفه
وليت الصدفه تنعاد
______________
أيار..
طلعنه نركض على صوت ماما تردد بخوف
:-ايهاااب يمه ايهاااب
ايار: :-شكو مامه شبي ايهاب
ندارت علينه وعيونها ملاينه خوف:-مادري ايهاب طلع يركض ويخابر مادري شصاير
رجع بابا من بره بس بالشورت والكيمونه وجهه مخطوف
احمد:-راح مالحكت بي
هيام::-وين راااااح بنص الليل اكيد صاير شي دخيلك يا رب احفظلي وليدي
احمد:- انطيني الموبايل اشوفه وينه بس اصبري هيام
اخذ بابا الموبايل من ماما يتصل بي وماكو اكثر من ساعة واحنه گلوبنه خلصت من الخوف والرهبه العشناها اخذ من عمرنه عمر. اتصل بابا على يزيد وهم مايجاوب ماما باد حيلها وكعت طولها حور تخبلت وهيه تبجي شويه وماما رجعت الوعيها لازمه راسها وتون ركض بابا اخذ جهاز الضغط. چيك ضغطها طلع صاعد شربت كلاص ليمون وهيه تهذي
أيهاب
اخذة الموبايل وطلعت بره احاول اتصل الحد خلص صبري وهو ماكو. طلعت حور عيونها مورمه من البچي وشعرها صار هوسه
حور:ها مايرد!
:-لا ماكو
:-معقوله صاير شي والله كلبي راح يوكف من الخوف
:-والله مابي شي هو مو طلع من يمنه كلشي مابي بس ماما هيه تخاف..
:-حتى اني خايفه
انتبهت على اتصال مفتوح احجي وحور لازگه أذنها بالموبايل اخذته ورجعت للصاله وبابا عيونه عليه اشرلي ها
ايار: كال شويه واجي مابي شي هذه هو على الاتصال
:-انطينيا.
اخذ بابا يحاجي سده وطمن ماما وكعدنه ننتظر شويه ورجع حضن بابا وباس راسه
ايهاب: :-اعذري يبوي والله مو قصدي اسلب راحتكم بهل الليل
احمد:-لا وليدي شعدنه غيرك بس فهمنه صاير شي
هز راسه ودنگ بوس ايدين ماما ثنه رجلينه وكعد كدامها ويحجي همس
ايهاب:-يروح ايهاب انتِ بيه ولا بيج
رفعت ايدهت مسحت على راسه::-خوفتي ييمه والله ماضل عندي حيل
