الشيــم
روزا الجنــابي
متابعه تصويتتعليق بين الفقرات لُطفا
.:تزاعلني وتغثني وتغلط وتندار
هذن كلهن واحبك گلبي مال كبار .🤍
____________
ضميت وجهي بصدره وكلي ارجف گلبي دگاته سريعه والحراره تلچع بلعومي خايفه وشعور الارتباك والخجل كوني وحيده صعب حييل رفع وجهي من صدره يمسح بدموعي براحة ايده ويحجي همس
ايهاب:: تطلعين بره ترتاحين
هزيت راسي وهمست:- لا ما اريد
دنكت خجلانه حيل وانا اشوف خوفهم ونظراتهم عليه مسحت عيوني وحاولت ابتسم. كعدت خاله يمنه. بوست ايهاب وباركتلنه فرحاان كلش حضنتي الصدرها مسحت على ظهري بحنيه: :- الف مبروك يُمه ان شاءالله ايامكم كله سعادة
:-شُكرا خاله
حورالعين::- مانَلبس الحلقات مو راح اموت
هيام::- جيبيهن ماما شلون لعد
مدت العلبه الإيهاب اخذها وايده ترجف فتح العلبه وطلع الحلقه اخذ ايدي لبسنياها ورفعاه باسها متت سحت من الخجل وحورالعين وايار واكفات ورا ويكركرشن بشعره. صاحت بيهن خاله وانطتني بيدي الحلقه كل هذه وانا ما اكدر ارفع عيني من الخجل موقف كان صعب واكثر مما كنت متوقعته ايدي ترجف والحلقه ما تدخل اصبع ايهاب سحب ايده ولبسها صفكن وهمست ايار بصوت ناصي
كلوووووووش.
هيام::- اششش اششش بالبيت العبن براحتجن هسه بالمسجد عيب
:-مامااااا
:- اشششش حوررر
ايهاب::- ارجعو انتو و ابوي واني اخذ لتين ترتاح واجي وراكم
هيام::- على راحتكم يمه
طلعو البنات وخاله بقينه وحدنه بالقاعة مد ايده رفع الكبوس من راسي. حضن وجهي بين ادينه وتقرب بهدوء باس جبيني :- الف مبروك
:-يبارك بيك..
:-عايني بعيني ليش مدنگه! !
رفعت عيني تتحرك بتوتر..
ابتسم بتأمل نظراته اخذة روحي :- نظـرات الحـلال لذتهـه لـذة
بلعت ريگ ونزلت عيني اردف::- خليني نصلي ونطلع
هزيت راسي گام سد الباب ورجع. مد سجادات ثنين و وگف وكبر وانا ورا جسمي قشعر من الموقف غمضت عيني ودموعي تنزل كل خطوة احس جسمي يهتز كمل سلم وبقه منطيني ظهره رفعت عيني عليه مغمض عينه وشفايفه تتحرك فتح عينه وندار عليه مبتسم
:- تقبل الله
:-منا ومنك
طلع كلنس من جيبه ومدليا::- مسحي عيونج
