قلائد النار

بارت 9

آطِحًـــــــنِ
وٌآجّر لَوٌعٌآتٌ وٌآتٌنِفُسِ جّروٌحً
يَآدٍنِيَآ بًسِجّ عٌآدٍ مًوٌ طِلَعٌتٌ آلَروٌحً💔
...........

رواسي:

طبيت إيلي واكف يصفي التمن ابتسمت وسلمت عليه ودخلت للغرفه بدلت وطلعت توضيت وصليت

كعدنا نتغده واني حجيت: إيلي
: ها يابه؟
: اليوم نفتح اتصال اني وكم طالبه وطالب بالانستا ويا سيف علي عادي؟

: ولويش تفتحون اتصال؟
: يشرحلنا
: تمام مو مشكله

هزيت راسي وابتسمت مجان عندي انستا وإيليا نزله الي وسوالي حساب وانطيته اليوز مال علي دخله وتابعه حسابه جان عام

وحاط بالبروفايل
: الـهادِئـونَ فـي ارواحِـهُـم ضَـجيـجٌ مُسـتَـمر...

سوه كروب ودخلنا كلنا وباليل فتح اتصال دنسولف ومركزه بالكتاب وهو يشرح موبايلي وكع شلته وشفت نفسي بالكاميرا عيطت والطلاب عيطو ويايه

وجهت الموبايل عل سكف واحجي: هذااا شلووون ينطفييي
حجت اسراء: علكيفج رواسي شوفي اكو مثل كاميرا صغيره ليفوك اضغطي عليها

: مااعرف مااعرف شلون تنطفي لحضه اصيح اخويه

ركضت لأيليا بالصاله: تعااال صخمت
إيليا: هم شسويتي
: فتحت كاميرا وماادري شلون اسدها

اجه وياي للغرفه وطفاها وصرت منصبه للطلاب حجيت بزعل: شبيكم والله اليوم نزلته واصلا مااعرف استخدمه

سيف علي: هههه مو مشكله يلا نكمل

رواسي: ساعه وهو يشرحلنا واغلبهم طلعو وبقينا بس اني واسراء

واسراء خلته يشرحلنا غير ماده ومن خلص طلعت بقينا بس اني وياه
سيف علي: ها رواسي اكو بعد شي مفاهمته؟

رواسي: ها لا خلص بعد انتَ تعبت ماقصرت
سيف علي: لا لتستحين
رواسي: بس هذا
سيف علي: تمام ركزي وياي

تثاوبت وباوعت عل ساعه ب12 الا ربع فتح كامرته ابتسمت لابس مناضر قراءه والاضاءه خفيفه بغرفته يشرح ومركز بالكتاب

ثبتت الموبايل عل ميز كدامي واحجي واتناقش وياه كمت وكفت يم الكنتور ابدل

واسولف ماحسه غير صاح بأاسمي واني نزعت التيشيرت وراسي بالكنتور: هااا شكو؟ شصار بسم الله

سيف علي: ووولج رواااسي خررب لتنزعين الكام مفتوح وووولج

جنت بس لابسه التيشيرت بركبتي شهكت بخوف وركضت للموبايل رفعته بخوف وارجف اباوع للشاشه اليمه سواد صاير

طفيت الكاميرا وحجيت كوه لازمه دموعي: شفت شي؟

انرفع الموبايل يمكن جان كالبه على وجهه نزع نضاراته ويحجي: لا وحك العباس وچفوفه وروح امي بس شفتج يم الكنتور كلبت الموبايل وصحتج هواي ماسمعتيني