قلائد النار

بارت 15

شُحًلَآهّ سِوٌآلَفُکْ لَوٌ دٍردٍمًنِ بًأآسِمًيَ ♥
شُحًلَآهّ آلَهّلَآ آلَتٌطِلَعٌ کْزٍبًرتٌ جّسِمًيَ
......

ساد الصمت بيناتنا لدقيقه انه مصدوم من شوفتها بدون حجاب وهي مصدومه من وجودي

بلعت ريكي ونزلت نضراتي لركبات رجليها وشعرها لواصل الهن شويه ويطخ بالكاع
همست وحسيت برجفه صوتها عاينت عليها عيونه حُمر

جوري: لتباوع كاااافي تصفن
آدم: مصدوم
جوري: إندار لتباوع

رمشت بقوه وتداركت الموضوع وانداريت حسيتها شويه وكفت يمكن لمت شعرها وطبت للغرفه

انداريت وعاينت على باب الغرفه رحت دكيته وحجيت بهدوء: ماجان قصدي والله العضيم عبالي نايمه

اجاني صوتها العصبي: افتهمممت عااااد روووح انطمرررر...

عفتها ورحت تمددت عل قنفه حتى مابدلت ملابسي غمضت عيوني واجت شاماتها كدام عيني لكيت روحي مبتسم لا ارادي

كلبت نفسي وشعرها ماراح من تفكيري وانه مكضيها ام شعر المنتول وام شعر المنتول طلع محد غيري منتول ماخذتني على كد عقلي وتضحك عليه

نمت وكد مافكرت بمنضرها حلمت بيها بوضع فاسق والعياذُ بالله لو يدري بيه جبوري الا ينوم الاوتي براسي

الصبح فزيت على صوتها دتنضف لا لا خاف حلمان انه وبعدني متأثر بجمال شعرها جبووووري مسوي الحجاب توربان؟ مطلعلي ركبته وصدره لا اكيد متوهم انه

ضربت روحي راشدي حتى اصحه بس ماصحيت اجاني صوتها

جوري: هااا تخبلت تضرب بروحك من الصباحيات؟
آدم: جبوري هذا انتَ
جوري: لا خيالي
: وين التحنيك وتوصيل الحجاب للحلك؟ شو تفرعت؟

خزرته: شمفرعه مو هياته الحجاب براسي
آدم: اقصد ركبتج مبينه
جوري: اي عيني واخذ اذنك اذا اريد انزع حجابي؟
آدم: لا عيني براحتك شحچينا قابل

كمت غسلت ولبست تراكسود اليوم جمعه والضاهر جبوري مسوي حمله تنضيف

طلعت من الحمام شفت صينيه الريوك عل طبله كعدت تريكت وهيَ وجهه ثكيل عليه

جانت حاطه كرسي وصاعده عليه دتنضف البنكه غصب عني الكه روحي صافن بركبتها وعيوني مركزه ويا شاماتها وحده جوه اللخ وحجمهن وسط بس يجذبن

ماشوف غير الوصله نامت بوجهي وخرتها بتقزز وهي خزرتني
جوري: خلي مره الثاني اشوفك هيج صافن الوصله ادحسها بحلكك ياااا ادبسززز

شمرت الوصله عليها: دروووحي ياهوو صاافن علييج من جماالج عساااس

مجاوبتني نضفت البنكه ونزلت شالت الزوالي وطلعتهن للكراج الجووو بي شويه حروره صرنا بالرابع وصار بوخه