قلائد النار

بارت 22

عٌـــــــلَــــــيَهّ
آلَيَلَ جّلَجّلَ وٌآلَدٍفُوٌ آحًضآنِکْ
آجّيَتٌکْ بًآردٍهّ وٌمًسِدٍوٌدٍهّ بًيَبًآنِکْ
........

اخترعت وطلعت ركض ورجعت للبيت سحبت شالي لبسته عل سريع وطلعت بره صرخت من شفته واكع يم الباب ودمه طافر عل سياره

ركضت عليه وشلت راسه ادك على خده والشمس تسطر: آددددم آدددددم عزااا بعييننيييي وللكككك انتَ منووووو

اباوع كدامي شاب لازم مسدس بأايده وصافن علينا مصدوم وكفت وايديناتي كلهن دم ارجف رجف وحتى نسيت روحي طالعه بدون عبايه

هجمت عليه وبأايدي شحاطه مال آدم هالكبرررها ولطخته على وجهه واعيييط

طلعو الجيران وابو سرى زنكه من ياخته ويصرخ والشاب تعارك وياه

رجعت لآدم وخاايفه صحت عليهم وركضت للبيت لبست عبايتي وشلت موبايلي وطلعت ابو سرى واخوها اخذونا للمستشفى خابرت حسن بالطريق

ولحد ماوصلنا حسن جان واصل قبلنا اخذوه لغرفه العمليات واني كعدت ومتت بجي ايديناتي كلها دم وترجف

حسن: فهمينييييي شصااااار
جوري: م ماادررري م ماااادري الررجال جاان هاجم على بيت ابو سرى وماادري الطلقه شلون اجت بأآدم

اندار عليهم وهمَ ارتبكو لان جان بالزي العسكري: ابوو سرى فهمني
حجه اخوها سهيل: هذا الحيوان يريد اختي واحنا ما ننطي واجه هد علينا

عكد حواجبه حسن: ولييش يهدد عليكم غيرر اهلها
ابو سرى: والله ياابني ابتلينا بلوه هوَ وياها بالجامعه ويريدها واحنا ماننطي لان من غير محافضه وابن عمها رايدها

باوعت على حسن بستغراب قبض ايده حيل وخزرهم منضره صار يخوف حجه بنبره تهديد: وبتكم المحروسه تريده لو لا؟

سهيل: متورطه بي وحتى كطعت الجامعه من وراه
حسن: سهله سهله

رحت للحمام اغسل بأايدي ودموعي تنزل ومن طلعت جانوا شهم وسيف علي موجودين عدلت عباتي وسلمت عليهم وكعدت

العمليه طولت ثلاث ساعات وهمَ بس يجون ويرحون وتروني بالزايد

صليت على محمد تسع مرات وهديتها لموسى ابن جعفر وعند قضاء الحاجه اهدي العاشره

«مجربه»....

كعدت اسبح بأايدي وادعيله طلع الدكتور وركضو عليه الولد بقيت واكفه بمكاني ابتسمت من كال تعدى مرحله الخطر

صليت على محمد مره وحده وهديتها للكاضم طلعو من غرفه العمليات وانصدمت من كال الدكتور مضروب طلقتين

خلوه بالعنايه المركزه وبقى اسبوع كامل واني اجي واروح ومره سيف يوصلني ومره شهم تبهذلت تبهذل لحد ماكتبوله خروج