قلائد النار

بارت 46

شُدٍهّ وٌتٌنِتٌهّيَ وٌآلَعٌآفُيَهّ تٌعٌوٌدٍ
مًآمحًتٌآجّيَنِ آحًدٍ وٌآلَلَهّ مًوٌجّوٌدٍ
..............

جوري

دفعته وطابكه حواجبي: شبيييك ماااشايف مو هيج أذيتني
ابتسم وسحبني لحضه: يول وعلي داحي الباب اعشگج

ضحكت: بقالك بس طلب واحد واخلص منك
آدم: ماتخلصين مني لو شيصيررر

رجع باسني واني ادفع بي خزرته: اذاااا بستني مره ثانيه شووف شسوووي بييييك مستهترر مايصدك واحد يسوي شغله ويلزك بي

آدم: ههههههههه مشكلتج بعد محد كلج بوسيني هيجتي مشاعري بتوالي اليل
جوري: غير تطلبني اربع طلبات وهاي خلصن ثلاثه ضل بس واحد

سحب البطانيه وغطانه واني نايمه على ايده: جوري
: همممم
: انتِ كلتيلي ابوسك بالوكت المناسب من احسك تستحق يعني هساع شفتيني استحق

ابتسمت وباوعت عليه: اي
آدم: شنو اي؟
جوري: تستحق على وگفتك ويايه

عكد حواجبه وصفن بعيوني: أهاااا يعني هاي البوسه جانت هيج رد شُكر؟
ضحكت: هيج شي

دفعني من حضنه ودار وجهه: شُكرج عوفي الج مااريده
ضربته بوكس وضحكت بصوت عالي: زعل المزنجر شبيييك

آدم: خيبتي ضني وانه فكرت غير شي
جوري: شفكرت؟
آدم: هيج
عصرت خده واضحك: شفكرررت لك

جاوبني وهوَ يسوي نفسه زعلان: عبالي حبيتيني
جريت شواربه واضحك: ومنو كال ماحبك؟

شهك شهكه قويه وسحب نفس عميق مثل الغركان وطلع من المي كعد على حيله وصاح: شنهيييييييييييي؟؟؟

رفعت راسي وضحكت بكل قوتي: شبيك شبيييك اثكل خزيتنا
لزم وجهي وهو يباوع بعيوني يرمش سريع: جوررري لا تخليني ادفرررج شحجيتيي هسااع خاف حلمت خاف توهمت احجي شبيج؟

لزمني ضحك هستري حجيت بلهجه جنوبيه: يول آدم شمالك شمااالك فضحتنا عاين حالتك

صفن بوجهي دقايق واني اضحك شهكت من تخربط ووكع عل فراش

: عزااااا آدم آددددم شبيييك عزا بعينج جوري بسلا انجلط

كمت ركض جبت مي وغسلتله فتح عيونه باوع عليه ورجع غمض دكيت على خده: كوم كوم اسفه بعد ماعيدها شبيك كلبك رهيف ماتتحمل

حجه بصوت هامس ويسحب بالحجايه: جبوري حلمت شلون حلمممم جنت مستهتر وكمت تحجي جنوبي

ضحكت: مجان حلم ياعيني كوم خاف صار عندك هبوط بالضغط لحظه اروح اجيبلك خيار وملح

حجه وهو مغمض: اي اي هواي اكلت حلو قبل شويه هبط الهبوط
كمت واني ميته من الضحك لدرجه دموعي صارت تنزل ميعرف شيحجي

خليتله خيار وملح ورجعت للغرفه اكلهن وشويه صحصح ورجع يصفن بوجهي: شبيييك رح اموت من عيونك