قلائد النار

بارت 11

آدم:
آنِـهّ آلَکْآتٌـلَنِيَ آلَبًـچيَ مًـنِ غُيَر دٍمًعٌـهّ
آنِـهّ آلَکْآتٌلَنِيَ آلَحًچيَ آلَمًحًدٍ يَسِمًعٌهّ....
...........

نزلت دموعي بخوف وباوعت عليه: مُستحيييل مااقبل ماااتزوووووج
شهم: اهدي

باوعتله ومفرفحه وابجي: عفيييه لااا ماريددد ماريدد اتزوووج

حجت عمه بحركه: كتلتوووو مااات ابنيييي راااح رجال البييييت وهسه تزوجوون وتعيشووون حيااتكم وابنييي بالتراااب

جاوبها بهدوء: ترا مو بكيفي دتشوفين ابنج بلسانه كايل شهم ياخذ جانيت
: الله ينتقمممم منك ومنهااااااا
شهمّ: حجيه عُمرج چبير عيب اتجاوز عليج احترمي كُبر سنج

اندار عليه واني همست ودموعي تهل:  ل لا عفيه

شهم: استاذ احمد اكدر احجي وياها على انفراد
احمد: تفضل
جانيت: ماريددد احجي
احمد: جانيت كومي وبلا عنااد

باوعت عليه وهمست: احمدد عليك الله حاچي ماريدد
همسلي: جانيت الرجال محترم وخلوق ومكايل شي غلط احجي وياه وفهمي وكوليله مااريد امبين هادئ ومُتفهم واكيد مايجبرج على شي

مسحت دموعي وهزيت راسي دخلت للاستقبال وهو ورايه

بس باوعت على طوله وشكد ضخم رجعت دموعي نزلت وتخيلت من يضربني شكد رح اتوجع وايده ثكيله

كعد كبالي ونبره صوته هادئه: لويش تبجين؟
: ماريد اتزوج
: ماتردين تزوجين لو مترديني اليه بشكل خاص
: أنتَ دمرت حياتي

فتح عيونه الخُضر بقوه واشر على روحه وحچه بهلجه تختلف عَن لهجتنا: انـه؟؟؟

: اي انتَ بشار چان يتهمني ويشك بيه على علاقه وياك
: انه شدخلني بيج؟ شايفج اعرفج حتى اسوي علاقه وياج؟

نزلت راسي بحزن: مااعرف
: هسه هذا مو موضوعنا عوفي على صفحه لازم تنفذين وصيه بشار

رفعت راسي وباوعت عليه: ل لا عفيه حباب
غمض عيونه حيل وفرك وجهه: لتسوين هيج
: شمسويه؟ ماريددك افتهم

شهم: بس اني اريد انفذ وصيه بشار
جانيت: واني مااريد
شهم: يبقى ذنب بركبتج وتتحاسبين عليه

خليت ايدي على وجهي وكمت ابجي بصوت عالي حسيت بي كرفص كدامي وحط ايديناته عل قنفه منا ومنا صرت بالنص

شهم: شو نزلي ايدج دااباوع
جانيت: نزلت ايدي وباوعت علي شفايفي ترجف

: شنو هالبچي؟
: ماريدك افتهم والله ماريد اتزوج اكتفيت بالتجربه الاولى وهاهيه كارهتكم كلكم

: تنذلين اذا ماقبلتي
بستهزاء: علساس چنت عايشه بنعيم هوَ اني مذلوله من يوم يومي

شهم: ما عـاش اليـذلج وانـي اشتَـم الهوه