يــاربــــــي
نِخِوٌهّ ضيَجّ کْوٌنِ آرجّعٌ تٌرآبً
حًدٍبًتٌ
بًآلَعٌشُريَنِ هّمً آنِحًسِبً شُآبً
.........
كناري
مسحت الدم من حلكي اثر الراشدي الأكلته غسلت وجهي وطلعت
طلعت مركه باميه من ايد عمه مريم حميته وصبيتلي وكفت على راسي جمانه ورافعه حواجبها
جُمانه: منيين جبتي أكل؟
رفعت الماعون وشميت المركه غمضت عيوني مستلذه: غيحه البَصغه بهالماعون
جمانه: رحتي ***** اهناك مو؟
كناري: اي جطلت ويا زلمتين وبقى ابنج الثالث دااوكعه بشباك عيوني
دكت على صدرها: عزاااا بعينييي وچ ام الزلللم اختج ام عين وعين ماسوت سوايتج
اكلت لكمه ولفيت خصله على اصبعي: هذيج جانيت فاهيه اني كناغي حوبي العبج انتِ وولدج على اصبعي
جمانه: تخسييين وحده بلا شرف تلعبني على اصبعها خلي يرجع حسان حسابج عنده.
كناري: دولي ولي خليني استمتع بوجبتي البصغاويه لا تسدين نفسي
عافتني وهي تتوعدلي شيصير اكثر من الصار مثلا؟
غسلت ماعوني وطبيت للغرفه حضرت دروسي وسمعت هذا الخايس طب ينبح عليه ذبيت كتبي وكمت متحزمه
: خيييغ ياااا طيييغ شماالك؟
لزمني من زندي ويعت بيه: شسمعععت؟ شحاااجيه ويا امي انتِ؟
دفعته واني اخزر بي: وخغغغ لا تلمسني محاچيه شي
سحبني من شعري وعوج راسي: ووولج لا تلعبين بالنار لا احركج حرررك هاااي سوالف السا**** ماتسوينهااا يمييي
كناري: ماكو غيغك ساااقط وخغغغ عوووفني عاااااغ الزلم
فلتت روحي من ايده جسمي كله يرجف تفلت بنص خلقته وطيري يافرااشه طيررري
مالحكت اطير ايديناته التفت على بطني واني اتهسترت كمت ارافس طلعت جمانه تضحك وتباوعلي رفعت ايدي وصرخت بكل حيلي
: والله لأشغب ممممن دمكمممممم وحك ذااااااك المدفوووون بالنجف اطلععع حقييي من نص عيوووونكم وافكسهااااا عوفنييييي وخغ حسااااان إياااااك
شمرني بنص الغرفه وقفل عليه الباب تكورت على روحي وكعدت بچيت بچيت لحد ماارتاحيت مسحت دموعي وكعدت اقره
مافتحلي الباب لليل وصارت هدوء سمعت صوت خطوات وطكطكه كزاز عرفت باسم سكران
وكفت ورا الباب صحت بحسره: يا علي ساعدني
دكيت ثلاث دكات عل باب وهمست بصوت واهن: يا حلو
التفت بالصاله وهو يدور على مصدر الصوت: اهنا اهنا بالغغفه تعال
تقرب بخطوات ثكيله ورد بضحكه: منو انتِ؟
كناري: انه زوجتك شنو نسيتني حبيبي؟
طلعت الساني متقززه واغم بروحي ضحك وتقرب للباب: يااا طلعت متزوج؟ شوكت تزوجت؟
YOU ARE READING
قلائد النار
Romanceاحـدثـكِ عَـن شُـعـوريّ عِـنـدَمـا ارىٰ عَـينـيـكِ؟ عَـيـنيـكِ عِـنـدمـا اراهُـمـا ارىٰ اروَع مَـا خَـلـق الـلـه فـيـهـا ...عَـينـيـكِ دِجـلَـة وأنـا الفُـرات ...لِـنَـلـتقـي مَـره اخـرىٰ لـكـي نُـكَـون شَــط الـعَـرب! عَـيـنـيكِ عِـراق وأنـا ... أ...
