قلائد النار

بارت 43

يـا قسمـه ونصيب التـسولفلي بـيها
انتَ المـاردتني القـسمه شعليها
............

سيف علي

طخيته وهو نايم همست: سرمد سرمد
فتح تك عين: ها؟
سيف علي: بردان
ضحك: تعال اخذك بحضيني ادفيك

ابتسمت: إنجب
دفرني: شو ماتحترم لك انه سيدك
: چا موش تكلي وكت سيدي رح نموت
: بكيفي

سيف علي: احس البرد دك عضامي
سرمد: شنسوي هذاك الجينكو روح جيبه وتغطه بي
سيف علي: اوووف شوكت تخلص هالمُده
سرمد: تخلص تخلص وتصير ذكرى

طلعت موبايلي مابقه شي ويخلص شحن طبيت عل استوديو وطلعت صوره جنت ابد مااطك صور وياها وبس هاي الصوره اخذته بجهازي بدون ماادري وحتى مامعاين وياها

مـنو چـان متـوقع تالـيتي اتحَـسر عل صـور؟

طلعت ضحكه من سرمد رفعت عيوني عليه وهو متمدد بالكاع وحاط ايده على حلكه حتى لا يطلع صوت

سرمد: شبيييك شبيييك رح تبجي فضحتنا
سيف علي: عبالك مابجيت؟ ههههه
سرمد: طاحظ شواربك

سيف علي: اكبر جُهل من تربطون الدموع بالشوارب شني الزلمه مو آدمي؟ ماتشوف هاي الزلم واحدهم غادي نار وماينطاقون من حالاتهم النفسيه هلكد مايكتمون بسبب انتَ رجال عيب تبجي

سرمد: صح السانك
سيف علي: هههه كميه تناقض عندك مو طبيعيه
سرمد: انشر انشر اقتباس عليها

سحبت نفس عميق ورديت بصوت مليان خيبه
: دَمـعتي مـا هَـزتهـا يهـزها إقـتِـباس؟

صوفر بصوت ناصي: وعلي من تحجي احسك فد شاعر هيج كلماتك تطلع مرتبه مو مثلي اخوط واخربط من احجي خو من اصيرن عصبي اكوم احجي صيني

سيف علي: ههههه لا طيب طيب
سرمد: بعدك بردان؟
سيف علي: احترك كلبي ودفيت
سرمد: شكد يحترك كلبك ماصار معلاك؟ ترا جوعان بلكت تشويلي شويه من كلبك صارلي يومين حتى حصو اكلت من الجوع

سيف علي: لا بشرفك؟
سرمد: وعلي ضكت الحصوايه وبلعتها بالغلط جوعااان
سيف علي: عندي هاي نستله بجيبي دب... بعدني اريد اكمل الجمله كام واجه زحف هجم عليه

سرمد: عندددك نستله وماااتحجييي يااا خاااين
سيف علي: اااخ دهر صابك سيدي شبييك انجلبت هاك اخذها
سرمد: مو خيلت حتى عل جثث والريحه خنكتني

فتح النستله وخلاها بحلكه مره وحده ضحكت بتعب وتمددت عل كاع جسمي يرجف من بروده الجو

همست بتعب: سيدي رح نطول اهنا؟ اخاف نموت
سرمد: ان شاءالله يجينا الدعم
سيف علي: صارلنا يومين واذا ماانكتلنا نموت من الجوع
سرمد: الله كريم

بقيت نايم وهو مستند عل حايط وماد رجله حجه بهدوء: سيف شكد عمرك؟
سيف علي: دخلت 26
سرمد: چاي ليش لحيتك بيها شيب؟ حتى راسك مليان شيب