قلائد النار

بارت 36

کْلَ خِــوٌفُيَ
نِتٌلَآکْــهّ بًـــــــدٍربً
کْلَ آلَمًشُآعٌر طِآفُــــيَهّ
..........

كناري:

ها علووول؟؟

باوعلي بطرف عينه ودار وجهه: يااااا زعلان مني؟
علول: اي
رحت وكفت بصفه: ليش شمسويه؟

باوع بوجهي وعيونه دمعت: انتِ صايره متحبيني ومتحجين ويايه وحتى يم ماما مدتجين

لميت شفايفي داخل حلكي وتقربت يمه حجيت بهمس: اكلك شي؟
علول: اي؟

كناري: اكو واحد شغيغ ميخليني اشوفك ويغاغ منك
علول: منو هذا؟ ليش يغار مني؟
كناري: تعغف حسان العاغ؟
علول: اي هذااا الحيوان العايش وياج مو؟

كناري: بالضبط مايقبل اشوفك يغاغ منك
عكد حواجبه ضايج: وهذا النعال شنو بس هذا بقه مايحبني وسم وزهر بعافيته

كناري: عندي خطه واغيدك تساعدني
دنك عليه وهمس بمرح: شنو شنووو نكتله؟
كناري: لا مو هسه اكتله بعد هواي عندي شغلات اغيد اسويهن قبل موته

علول: مو تكتلينه بدون متكوليلي اني هم اريد اشارك وياج
ضحكت: تعااال تعااال امشي نغووح يم امك مشتاكتلها

ابتسم: اييي واخيرااااا هي هواي تحبج واني هم احبج
كناري: واني هم احبك انتَ احسسسن صدييق اليه

مشينا سوه ودخلنا بالدرابين القديمه وصلنا لبيتهم جانت مره دتاخذ الخياط من ام علول راحت وهي ابتسمتلي

: يمممه هلاا هلااا بالحبيبه شكد مشتاقتلج وينج ولج علوول يكول زعلانه مني شمسويلج دااملص اذانه

علول: لا مااااماااا طلع هذا الحيواان ميقبل تشووفني يغااار منييي لان احلى منه

ضحكت ودخلت لبيتهم شميت ريحه عدس سحبت نفس عميق وحجيت: الله عمممه مسويه عدس؟

ضحكت وجاوبتني هي وتلم بالوصل مال القماش: ايي كعددي اكلي ويانه

نزعت حذائي وركضت غسلت ايدي وتربعت علول طب يسبح اجت حطت صينيه وكعدت وياي اكلت بشهيه لان احس الاكل مصنوووع بحنيه وطييب حيل

: الله عمه عاااشت ايديج يجنن
: بالعافيه يمه تعاي سولفيلي شبيج؟ منو هذا الوياج ومندك بيج؟

تنهدت وحجيت: واحد عاغ عمه لا تشوفيني اضحك وفالته من بيت البيت مجغد منهزمه من العايشه بي

لزمت ايدي وطبطبت عليها بحنيه: الله يكون بعيونج يا بنيتي التزمي بصلاتج ودعائج حتى الله يوفقج ويبعد عنج كل سوء

كناري: بس انه ما اصلي؟
طلع علول من الحمام وصاح: يمممه كااافره كش كشش
ضحكت: إنجب انتَ لا اكوملك

جاوبتني: صلي يمه شناقصج؟ تردين اعلمج؟ حتى علول بعقله علمته يصلي ومايفوت فرض شجاج وانتِ الله ناعم عليج بكلشي