صَـهيل الفَـرَس طَـرب لا يَـعرفهُ الا الخـيال...
.......
جوري: حضنتها حيل وابچي وياها رجعت نامت بحضني اباوع لآدم واكف يم الباب وصافن عليه
خليتها عل چربايه ووصلت يمه ماتحرك خليت ايدي على صدره ودفعته بخفه وطلعت وياه وسديت الباب
نضرات تتجول من عيني اليمنى لليسرى حجه بخفوت: يحبج؟
غمضت عيوني بقله صبر واستغفرت: اي جان يحبني
آدم: بعدين احاچيج جاي يصيحوني محتاجه شي
جوري: لا
عافني وطلع صفنت بالبيت المفروض اليوم اول يوم الفاتحه شسووي واني وحدي؟
افتريت بالغرف خاف اخوها العار موجود ماهوه قفلت باب البيت ونزعت العبايه والشال رفعته وشديته على شعري شكلت الصونده وغسلت البيت كله ونضفته
لزمت الوصله ومسحت الغراض ورحت للمضيف مالتهم مفصول عن البيت وجان چبير شلت المدات وغسلته انكسر ضهري بي نشفته ورجعت فرشت المدات والمخاديد
واسمع صوت الزلم بره يمكن دينصبون الچادر خابرت آدم واجه للبيت مستعجل
جوري: منو يطبخلكم؟ منين تجيبون اكل؟
آدم: احنا نطبخ بالشارع
جوري: وللنسوان هم؟
آدم: اي
كشولت وجهي بتقزز: لا ايع شنو انتو تطبخون جيبلي جدوره اني اطبخ للنسوان
آدم: شلون وحدج؟ تتعبين
جوري: خاله ام وسام تجي تساعدني واذا شي ثكيل اصيحك وتعال
آدم: تمام
راح ورا شويه رجع شايل جدريتين كبار ووياه سيف علي شايل غراض هواي يخص الطبخ
شغلت الطباخ واجت اخت وسام شهد لان امها مريضه وماكدرت تجي
دااحمس البصل بالجدر وصفنت آدم حچه وياي ببرود عكس كُل مره
ماابتسم..
ماخله عينه بعيني..
عيونه باهته ولمعتهن اختفت...
ليش؟
فزيت على صوت شهد وهي تصيح بأاسمي ابتعدت بسرعه من شفت الطباخ كَب
خزرتها من كامت تعيط شلت الوصله وخليتها عل طباخ لاحت ايدي حروره وبنفس اللحضه دخل آدم يركض
علامات الخوف واضحه بوجهه سحب ايدي حيل ويحجي: احتركتييي؟ احجييي خوما احتركتي؟
حجيت بهدوء: لا مابيه شي
: چا ليييش ايديج حَمره؟
: لاحتها نار بس مااحتركت
غَمض عيونه بقوه وسحبني لحضنه فتحت عيوني مصدومه ودفعته عني بلعت ريكي
وباوعت على شهد حاطه ايديها على وجهه ودايره ضهرها خزرته وهمست
: شبيييك تخبلت؟
رجع هوَ خزرني: اييي تخبلت ماااشفتي صرختكم كلبي وكع عبالي احتركتي
: مابيه شي الطباخ كب وطفيته
باوعلي بنضره ماادري شلون افسرها بس يمكن جانت نضره غضب وقهر
YOU ARE READING
قلائد النار
Romanceاحـدثـكِ عَـن شُـعـوريّ عِـنـدَمـا ارىٰ عَـينـيـكِ؟ عَـيـنيـكِ عِـنـدمـا اراهُـمـا ارىٰ اروَع مَـا خَـلـق الـلـه فـيـهـا ...عَـينـيـكِ دِجـلَـة وأنـا الفُـرات ...لِـنَـلـتقـي مَـره اخـرىٰ لـكـي نُـكَـون شَــط الـعَـرب! عَـيـنـيكِ عِـراق وأنـا ... أ...
