قلائد النار

بارت 18

هَـلي کْلَ تٌعٌبًـيَ مًـنِکْمً
........

1987/6/1
ساعه 6:40 م

جا اتمشى بالبستان ولاف الغتره على ركبتي و قطرات العرك تنزل من جبيني بسبب حراره الجو

انداريت من سمعت صرخه قويه جايه من وسط البُستان خليت ايدي على عيوني حتى اعاين زين شفت وحده جاي تركض ووراها بقره

رفعت دشداشتي وخليتها بالسروال ركضت للجهه الي هيَ بي جاي وفازع علمودها شو هاي شمرت نفسها بحضني صرخت وياها واستغفرت بعدتها عني

وهي لازكه بيه وتبجي: ش شووووف بقرررره دتررركض وراااايه وخرررها ررررح تضربنيييي عليييك العباااس

دفعتها وهي مجلبه بدشداشتي: يااختييي وخرري هساااع اوخرها عننج بس عوفينييي خن اشوف دربي شمااالج چلبتي بيا صبغ خمااا صبغ

وكفت ورايه ولازمه بيه حيل سحبت البقره من الحبل وصحت لواحد من المزارعين يجي ياخذها

انداريت عليها وهيَ فحطانه بچي والعيون متورمه: شمالچ؟ وين اهلج وچ كافي بچي عيونج راحت

ورده: اني مو منا اجيت زياره للبصره وضعت مااعرف وين اهلي... خليت ايدي على وجهي وكمت ابجي

حيدر: هوووش وچ هوووش هدي شهالبچي ماتعرفين بيا منطقه كاعده؟

ورده: ك كلشي مااعرف ضعتتتتت هئئىئ
ابتسمت من فتحت حلكها وكامت تبجي مثل الطفل عاينت منا ومنا لا يشوفني احد ويوصل الخبر لأبوي

شلت غترتي وخليته على شعرها: تستري يبنت تسترري شو تعاي خن اسويلج چاره

اخذتها وهي لازمه ردن دشداشتي وتمشي وياي كعدت على ضفه النهر غسلت ايديه واشرتلها تجي تغسل

غسلت وجهه الصاير احمر من الشمس: شسمج انتِ؟
حجت وهي تنشف وجهه بالغتره: ورده اسمي عفيييه رجعني لبيتنا هسه ماما خايفه عليه

حيدر: ورده حافضه رقم اهلج؟
ورده: ماعدنااا موبايل... فتحت حلكي وطكيتها بجيه
حيدر: ويهدددد شكد تبچين

ورده: مداافتهم على حچيك شنوو ويهدد اريددد امييييي هء هء
حيدر: هههههه اصبري يا عويناتي اصبري بس فهميني شلون وصلتي اهنانه؟ وين چنتِ؟

ورده: جنت طالعه ويا اهلي دنشوف بساتين البصره ورحت اشتريت من المحل ماادري اختفوووو وضليت امشي وطبيت لهذا البُستان وهااي البقرره المتوحشه ضلت تركض ورايه

ضحكت واعاين عليها وهي خايفه وكفت وهي وياي طلعنا من البستان وانه مغطي وجهي بأايدي عسى ولعل مايعرفني احد وصلتها لأسواق

: هذا المحل الي اشتريتي منه؟
: اي اي هذا
: واهلج منين راحو؟
: منا منا عفيه امشي سريع رح يصير اليل