خرج من غرفته بعدما بدل ملابسه لبنطال منزلي أسود و قميص رسمي أبيض و شعره مبلل و كان يتمايل بطريقة مضحكة بينما يدندن بـ:
" من الاول جرجرتك، من خبتك خدرتك، و بقيت تعرف تكدب "ليُكمل صقر بينما يفعل ما يفعله حازم بينما يخرج هو الاخر من غرفته متردي بنطال منزلي اسود و قميص أسود رسمي:
" و بتلعب علىَ جارتك و بــتــلــعــب "أردف اخر كلمه و هو يحرك خصره بطريقة مضحكة لينظر له حازم و ينفجر ضاحكًا قائلاً :
" ايه يابني اللي انتَ بتعمله ده و بعدين هو في حد يلبس بنطلون بجامة اسود علىَ قميص بدله اسود؟! "لينظر له صقر بسخرية قائلاً :
" لا و حوش انتَ بقا اللي لابس شيك اوي ما انتَ مقلدني و عامل نفس الشئ بس علىَ قميص ابيض بدل اسود "و في ثوانٍ كان يضع حازم إصبعه السبابة امام وجه صقر قائلاً :
" ششش بطل كدب بقا بدل ما تولع مكانك و بعدين معروفة انا اللي في البيت ده بلبس قميص و بنطلون او تشيرت و بنطلون بينما انتَ يا متشرد بتلبس بدلة كئيبة زيك "ليبتسم صقر بوسع قائلاً :
" بس متنكرش حتىَ بعد ما غيرت الاستايل لسة زي ما انا فلة بنور و لايق عليا اكتر منك "ليضحك حازم بسخرية قائلاً:
" احسن مني ايه ياض ده انا اصلا مطلوب من شركات زي شانيل و كوتشي عشان ابقي عارض ازياء ليهم و مستنين إشارة بس مني "و في ثوانٍ صدح صوت ضحكة صقر في المكان بينما يقول:
" و ليه هو انتَ مفكرهم زي البنات الهبلة اللي هتموت عليك ولا ايه و أصلا انا مش عارف هيموتوا عليك ليه ده انتَ اخلاقك حاجة ما شاء الله نيلة خالص "
أردف صقر حديثه بينما يتحرك بعيدًا بعدة خطواتبينما حازم يقول بصوت مرتفع قليلاً ليصل لـ صقر:
" شوف يا اخي طول عمري اسمع عن البنات اللي بصرم و حقد بس اول مرة اشوف راجل عبارة عن صرم "ليستدير صقر بسرعة و ينظر له و كان علىَ وشك الرد لكن قاطعه صوت تكسير يصدح في المكان يليه صوت صراخ
لينظر الاثنين لبعضهما و يركضان بسرعة لمصدر الصوت حيث كانت فاتن تقف علىَ الأريكة هي و ياسمين و يصرخان بينما كارما تنظر لهما بملل
ليقول حازم بسرعة:
" هارسود انتِ مثبتاهم علىَ الكنبة كده ليه؟! "لتنظر له كارما بسخرية قائلة:
" انا؟! شكرا علىَ ثقنك الغالية بس هما بيصوتوا عشان الفار الطباخ قرر يتكرم من عنده و يجي يعمل أكل العزومه بنفسه "لينظر لها حازم ثوانٍ و يبتسم قائلاً:
" ايوا عشان طب بقا و كده قلبك بقا جامد "
![](https://img.wattpad.com/cover/343141690-288-k611478.jpg)