في اليوم التالى تحديدًا الرابعة عصرًا
مرت من امام صغيرتها لتجدها جالسة علىَ الأريكة مغمضة عينيها بهدوء شديد لتقول:
" بت يا دينا... انتِ يا بت أصحي يابت هو انتِ نمتي؟! "
لكن لم بأتيها أى رد من دينا لتضع يدها علىَ كتفها تهزها بهدوء قائلة:
" يابنتي لبستي حجابك علىَ أساس نازله تجيبي حاجة من تحت و قعدتي كده ليه؟! "
لتفتح دينا عينيها بهدوء قائلة:
" كسلت بصراحة هقوم اغير و هكلم كارما تجبلي الحاجة و هي جاية "
لتنظر لها فايزة ثوانٍ و تقول بقلق بينما تجلس بجانب صغيرتها:
" مالك يا دينا بقالك فترة كده كل ما اعوزك القيكِ نايمة يا اما قاعدة كده و مغمضة عينك أو قاعدة لوحدك مالك؟! "
لتنظر لها دينا ببسمة واسعة و تقول:
" لا عادي متخافيش أنا بس بحب اتخيل سيناريوهات و اعيش فيها "
نظرت لها فايزة ثوانٍ و ضحكت قائلة بينما تقف :
" ماشي ياختي كتك خيبة فكرتك مضايقة "
أردفت حديثها و تركتها و ذهبت للمطبخ
لتنظر دينا في أثرها و تبتسم قائلة:
" شوفتي قُلتلك حتىَ لو قُلتلها مش هتهتم "
أردفت حديثها و هي تنظر بجانبها ببسمة واسعة لتقول:
" خلاص زي ما احنا بليل هنروح نعمل اللي خططنا ليه "
•••••••••••••••••••••••••••
كانت متربعة علىَ الأريكة و مغمضة عينيها ليدخل هو قائلاً:
" جهزي نفسك هتدخلى معايا العم....انتِ نايمة؟! ولا انتِ مغمضة عينك كده عادي؟! "
فتحت عينيها بهدوء و نظرت له قائلة:
" أنا لو نايمة و متعمقة في النوم اكيد مش هرد عليك أقولك اه او لأ بس هو أنا فعلاً كنت هنام "
ليعقد حازم حاجبيه قائلاً:
" انتِ منمتيش كويس ولا ايه؟! "
هزت رأسها بنعم و نظرت له بنعاس شديد قائلة:
" ما بعد ما انتَ كلمتني كنت داخلة انام لكن زاد رنت عليا و قعدت تتكلم معايا لحد بعد الفجر عشان كده منمتش غير ساعتين بس "
ما إن اردفت حديثها حتىَ نظر لها بحاجب مرفوع قائلاً:
" زاد؟! هو مش المفروض مش بتحبوا بعض هل يعقل بقيتوا صحاب "
وقفت بينما تقول:
" لا لسه زي ما احنا بس قعدت تكلمني عن حاجات كتير تخص شغلها وبعدها قفلت في وشي بس قبل ما تقفل قالتلي يلا مش عايزة من خلقتك حاجة هروح انام "
لينظر لها حازم بشبح بسمة قائلاً:
" ياخرابي علىَ الكدب يعني حته الكاراميل دي هتقولك مش عايزة حاجة من خلقتك؟! "
