هــي الــتـي عـلـمـتـنـي كــيــف اعــشــقــهــا

Part 5

سبحان الله وبحمده سبحان الله العظيم ♡

(طريق الرياض )
بهاج قاعد يهوجس معقوله هالبنت سلبت عقله بهالسرعه؟معقوله يابهاج لذي الدرجه خفيف ؟قاعد يتخيل اطياف نوره وهي تضحك وتبكي وتشكي
ووصل الرياض ماحس انه وصل وده يرجع لديره يشوف عيونها بس
وصل الرياض على اذان الفجر

___________________________________
(الديره)
نوره تبكي بصمت تام ماتبغى تصير زوجه بهاج حتى بالكتاب بس ماتبغى
ام سحاب جت تعبانه من المستشفى ونامت
اما نوره ابي محد حاس بالمها تبكي بصمت اتصلت على صيته تجيها تواسيها
نوره ببكي :صيته تعاليي
صيته بخوف :شفيك جايتك الجين
نوره ساكته وقفلت الجوال تنتظر صيته تجي
___________________________________
(الرياض)
وصل الرياض تعبان شاف ابوه قدامه وصلو الفجر بعدها قرر يقول له عن نوره
ابو عبدالله :زين ماسويت ياوليدي تحمي هالبنيه من عمامها الي مايسمون عمام
بهاج :يبه يعني تشوف تصرفي صح؟
ابوه عبدالله :ايه ياولدي غيرك مايقدر يسوي نص الي سويته ،رح يابهيج نم وجهك واضح تعبان من التفكير رح نم انا اقنع امك بمرض اختها
بهاج يحب راس ابوه:لاخلا ولاعدم منك يابوي ،تصبح على خير
ابوعبدالله بأبتسامه :وانت من اهله
___________________________________
(الديره)
جت صيته خايفه على نوره ماتدري وش فيها
صيته :نوره نوره شفيك ياروحي وش هالبكي
نوره بكلام متقطع:صيته زو..جج..وني ياص..يته (صيته زوجوني ياصيته)
صيته منصدمه :ايش!وش تخربطين انتي وش تهبدين
نوره ببكى :زوجوني بهاج غصبآ عني
صيته :وشو مابقى الا بهاج يتزوجك خيررر انا قايله ماجاء الا يبي ياخذك مني
نوره ساكتههه
صيته :نوري قولي لي السالفه من الالف الى الياء
نوره بدت تقول السالفه من الالف الى الياء
صيته :يعني خذاك عناد عشان بس مادخلتي البيت !
نوره هزت راسها بمعنى ايه
صيته بدت تواسي نوره
___________________________________
(الصبح -الرياض)
ابو عبدالله وام عبدالله جالسين بالحوش يتقهوون
ابو عبدالله :اسمعي يأم عبدالله اول شي انتي مايصير تعترضين على شي مقدر ومكتوب من رب العالمين وهاذا شي قضاء وقدر والله مايبتلي عبد الا ويحبه
ام عبدالله بخوف :ايه
ابو عبدالله :والله مدري شقول لكن يأم عبدالله ام سحاب مريضه بمرض خبيث وبمراحل متقدمه ممكن ماتتعافي ف ادعيلها ب الشفاء العاجل
ام عبدالله تبكي على حال اختها ،وابو عبدالله يهدي فيها ،هدت ام عبدالله
ابو عبدالله :ايه نكمل وبهاج تزوج نوره
ام عبدالله بفرحه لانها هي تبيها ماتبي هيام :تقول صادق
ابو عبدالله بأبتسامه:ايه
وبدا ابو عبدالله يكمل الاجزاء الباقيه من هالقصه
___________________________________
(الديره)
صيته نومت نوره بعد معاناه ونامت عندها
___________________________________ (الرياض)
ام عبدالله :انا اليوم ان شاء الله بروح لاختي
ابو عبدالله :وسلمي لي عليها
ام عبدالله: وصل
___________________________________
انتشر خبر زواج نوره وبهاج  بالقبيله الين ماوصل لعمام نوره انجن جنونهم
___________________________________
(الديره )
مصعب بعصبيه :كيف يالهطوف نوره تروح من بين يدينا كذا مستحيل
خالد:قلتلكم خلونا نخطفها قبل تزوج بس انتو ماتبون والحين اقعدو بها زوجها سمعت انه عقيد
حمدان بعصبيه:لامستحيل تروح شبيه القمر كذا يبه عمي ابيها ابي نوره
مصعب :خذلك توه يستوعب الولد انه يحبها
خالد :طيب ننتقل لخطه B
حمدان ومصعب :وش هي خطه B؟؟؟؟
خالد بمكر:نروح لبيت جدتها وندخل تعرفون جدتها عجوز ماتقدر علينا
حمدان ومصعب:ايه
خالد ب خبث:ندخل على نوره نعذبهاا لين تقول خوذو كل املاكي وانت ياحمدان ماتقدر تزوجها
فزت موضي :الا يقدر يتزوجها !
خالد ومصعب وحمدان :شلون
موضي ب شر :ابد والله اذا بهاج ونوره تعلقو ببعض نسوي فتشوب على صور نوره على انها طالعه مع حمدان شرايكم؟
خالد ومصعب وحمدان متعجبين كيف تجيها الافكار:كفووووو
موضي بفخر :كفوك الطيب
خالد :المهم ماعلينا من خطط المستقبل المهم العصر نروح لنوره
___________________________________
(نوره)
قامت من النوم وهي تتمنى حياتها حلم ،غسلت وقرت قرأن وتعوذت من ابليس
صيته جتها :نوري اليوم بتجي خالتك ام بهاج
نوره تذكرت طاريه وتنهدت بضيق:توصل بالسلامه
صيته:نوري الي عرفته ان بهاج يعدك اخته لاتسوين بنفسك كذا انتي اعتبريه اخوك بعد لاتطولين وهي قصيره
نوره بهدوء تام:يصير خير
ام سحاب وهي تصارخ :ياصيتههه يانوره وينكن قومن نظفن المجالس يلا
نوره قامت بهدوء تنظف وصيته قامت وراها وخلصو تنظيف وراحت صيته لبيتها
___________________________________
(الرياض)
جالسين بالحوش بأمان الله
وئام جت معصبه وزعلانه:خير خير مابقى الا المصيونه نوره تتزوج اخوي
ام عبدالله:اقصري الشر ياوئام ترى لو سمع اخوك عن الي تقولين عن زوجته يذبحك
وئام سكتت لانها تعرف اخوها اذا عصب مايشوف شي قدامه
ام عبدالله :يلا مع السلامه بروح مع بهاج ل الديره
وئام:بروح معك
ام عبدالله وهي تدري انها تبي تسوي شي لنوره
ام عبدالله:لا
نزل بهاج من الدرج:الله الله وش في العايله صاير بينها تشات
ام عبدالله :هههههه لاماصار شي يلا مشينا يابهيج
بهاج:يلا اركبي السياره وانا بجيب شناطك
ومشو لخط الديره
_________________________________
(الديره )
خالد : زي ماقلت لكم نروح انا و حمدان وانت يامصعب اجلس هنا
مصعب :ايه زين
ومشو متجهين لبيت ام سحاب
دخلو البيت كنها مداهمه
دخل خالد:مزون اظن انك اشتقتي ل مداهماتي لك
ام سحاب :عين خير يارجيلي ماشتقت لك ولا شي والحين شف الباب الي دخلت منه اطلع منه وسكره
خالد ماراح اروح الا تعطوني ورث نوره كله
اما عند نوره كانت حاطه سماعتها وماتسمع هواشهم
ام سحاب :تعقب وتخسي ماتلمس ورث هالبنيه ابوها سجله باسمها شدخلك انت
خالد :ويننننن نورهههه ويننن اذا ماجت الحين بدخل لها
حمدان :نورههه يانورههه
ام سحاب تدري ان نوره حاطه السماعه وما تسمع لهم :نوره مو في البيت نوره عند زوجها بهاج
خالد :لا عارف انها هناا حمدان رح دور حبيبتك المصيونه
ام سحاب :لالا ماتدخلون داخل
خالد دف ام سحاب وطاحت على ظهرها
خالد تقدم وراح ورى حمدان
حمدان دخل على غرفه نوره لقاها لابسه سماعات
حمدان :عمي خالد هاذي نوره !
خالد جاء
نوره التفتت لقت حمدان قدامها :خيررر بعد عني انا متزوجهه شتبغى من ماراح اتزوجكك
خالد:اوهه هاذي النوريي بنت اخوي
نوره:ماني بنت اخوككك
خالد: لاوالله نسينا انا اخو ابوك
نوره بصراخ :ماعنديييي عماممم عمامي توفو مع ابوييي
خالد تقدم وشد شعر نوره من ورى وحط وجهه بوجهه :تبين تحولين املاكك باسمي ولا لا
نوره تتألم :بعددد فك شعري ياحقيررر واملاكي ماراح احد ياخذها
خالد :حلوووو تبينها بالشر جوييييي
خالد غمز ل حمدان يبدون تغذيب لنوره
خالد دف نوره لورى نوره اخر انذار اعطيني املاكك بسرعههه
نوره بسرعه عطت خالد بوكس من انفه وقام يتألم وجاء حمدان الفيل دف نوره وطاحت وبدو يضربونها وهي تبكي وتصارخخ
_________________________________
(بهاج وامه)
وصلو بيت ام سحاب واستغربو ان البيت مفتوح بالعاده مايكون مفتوح
فجاءه بهاج سمع صراخ نوره ودخل بسرعه يدور مصدر الصوت ودخل غرفه نوره وشاف عمام نوره طايحين فيها ضرب !
بهاج ماعاد صار يشوف شي من العصبيه راح ل خالد واعطاه بوكس لدرجه الاغماء بقى حمدان الخواف من شاف بهاج فك نوره
جاء بهاج عنده: اها طلعت انت حمدان !
حمدان بخوف :تكفى يابهاج تكفى لاتسوي فيني شي
بهاج بضحكه :لا مابي اسوي شي بس بدغدغك
وصارت معركه
_________________________________
ام عبدالله تحاول تصحي اختها الطايحه على الارض
ام سحاب بكلام متقطع :نو ..ره
ام عبدالله تطمنها :نوره عند بهاج
_________________________________
بهاج دق على الشرطه
جت الشرطه حقتت معه وخذو خالد وحمدان
بهاج راح لغرفه نوره شافها مغمى عليها
بهاج يطبطب على خذ نوره بخفه : نوره نوري
بهاج دب بقلبه الخوف شالها وحط شرشف عليها وحطها بالسياره وعلى المستشفى
_________________________________

سبحان الله وبحمده سبحان الله العظيم ♡.
النجمه تدعم الروايه✨