سبحان الله وبحمده سبحان الله العظيم ♡
(بهاج)
طلع من غرفته ولخط الديرهه وصل الديره العصرفتح باب بيت ام سحاب معه مفتاح البيت وقعد يدور نوره والواضح من هدوء البيت انها نايمه ودخل الغرفه ولقى نوره نايمه وقعد يفكر وش يسوي فيها
نوره صحت لقت بهاج واقف عند راسها:بسم الله شفيك عندي اليوم عرسك
بهاج :ليش ماجيتي العرس !
نوره:تعبانه
بهاج:سبحان الله ماتعبتي الا يوم زواجي؟!
نوره:وليش هو التعب يعلمني قبل يجي ولا شلون !
بهاج: نوره لاتروحين وتفرين ليش ماجيتي العرس مو انتي اختي المفروض اول الحضور!
نوره:بهاج مو مستعده اسمع كلام الناس عنيي!!
بهاج:انتي وش لك بالناس يلا امشي للعرس
نوره :بهاج انا تعبانه ومو مستعده اقابل الناس وماجهزت شي !
بهاج بعصبيه خفيفه :لاوالله !ماجهزتي شي شلون مو انتي قلتي انت اخوي ومدري ايش وش الي تغير عرس اخوك اليوم وبعدين الفستان هاذا من له يعني اذا مو لك !
نوره:خلاص بهاج لاتضغط عليي
بهاج بعصبيه:نورههه لاتسنرفزيني تجين عرسي يعني تجين شأتي ام ابيتي
نوره :اسمع اذا رحت لعرسك ماراح تشوفني بعدها بختفي عن العالم
بهاج بعصبيه:معلينا من بعدين علينا من العرس تجين راح تجين
نوره:بحضر العرس لكن ماراح تشوفني بعدها!
بهاج بتسليك وعصبيه:ايه يصير خير
نوره :تمام بتجهز !
بهاج بفرحه يخفيها :كم تاخذين وتتجهزين ؟
نوره:دقايق بس
بهاج جلس يتأمل نوره الي تحط ميكب خفيف يبرز ملامحها مايخفيها
نوره لفت على بهاج:اطلع ببدل ملابسي
بهاج طلع لسياره بدون مايناقشها
نوره لبست فستان ماسك على جسمها المنحوت وميكب خفيف يبرز ملامحها واكسسوار بسيط
ولبست عبايتها نقابها وطلعت لبهاج
_______________________________
(القاعه) المغرب
اهل العريس والعروسه طبعآ يجون للقاعه بدري
ام عبدالله بهمس :غدير بهيج وينه
غدير:مدري قالي عنده شغل شوي ويرجع
ام عبدالله بهمس: غدير بهاج كاسر خاطري مجبور عليها وهي تحبه وهو يحب نوره
وئام سمعتهم وهمست :يمه خليك صريحه محد بيروح بها الا هيام الي تحب بهاج وهو مايحبها!
ام عبدالله :هي الي تبي بهاج وهي سوت سالفه عشان تاخذ بهاج وخذته وهي تدري ان العلاقه ماراح تستمر !
وئام :بس يمه ماتدرين يمكن يحبها بعد الزواج
ام عبدالله: ولدي وانا خابرته ماراح يستمر هالزواج وهاذا وجهي اذا استمر
وئام سكتت
غدير:يمه توي اتصلت على بهاج يقول انه ٥ دقايق ويجي
ام عبدالله :تمام
_______________________________
(الرجال)
عيال عم بهاج شايلين العرس
ابو عبدالله: يارائد ياولد جب الدله والقهوه وحطها هنا
ابو احمد: يا نايف تعال افرش الفرشه هناا
عبدالله: ياولد مو كذا تفرش تعال تعال ساعدني
وكذا هواش عشان فرشه ودله وتمر
_______________________________
(خط الرياض)
على منظر غروب الشمس يهوجس معقوله نوره تتركه بعد زواجه؟
هل يوم زواجه من هيام حلم ؟ هل نوره العروسه ولاهيام؟
وكانو طول الطريق ساكتين وكل واحد يهوجس بمصيره بعد هالزواج
ووصلو القاعه
نوره ماقدرت تدخل القاعه
بهاج التفت لنوره : شفيك؟
نوره بتوتر:لا مافيني شي
بهاج عرف انها متوتره اتصل على غدير تجي عند باب القاعه
بهاج:اسمعي نوره ادخلي تلقين غدير ورا الباب
نوره: تمام
ودخلت نوره لقت غدير
غدير بصدمه مع فرحه:نوره!
نوره:عيون نوره
غدير:خيررر وش القطعه هاذي شهر كاملل يالضالمه ماتجين ولاتطلعين من غرفتك!
نوره بضحكه: غدير كل هاذا بقلبك ههههههههههه
غدير:باقي بقلبي خليه بعد العرس
نوره: غدير بعطيك ياه على بلاطه انا مجبوره اجي وماودي اطلع عند الحريم واسمع كلامهم باختصار خبيني
غدير بضحكه:حركات بهاج هههههههههه
نوره بضحكه:امحق حركات ههههههههه
غدير :يلا امشي قدامي
نوره :حتى هنا امشي قدامي كيف عرفت انك اخت بهاج من كلاماته
غدير:هههههههههههههههههه
_______________________________
ودخلو للقاعه وانصدمت ام هيام بوجود نوره الي غطاء على العروسه
ام هيام تقدمت بعصبيه ودفت نوره:هيه هيه وش جابك بعرس بنتي منتي
معزومه وش جابك انتي!!!
نوره بثقه:اولا عرس اخوي ثانيا عرس ولد خالة امي ثالثا ازودك من الشعر بيت بهاج هو الي جاني بالديره جابني هنا رابعآ مالك دخل
ام هيام :ايش ايش بهاج هنا من اليوم بس انتي تحبين الكذب
نوره بضحكه:اسأليه هههههههههه
وراحت نوره تاركه ام هيام بقهرها
_______________________________
ام عبدالله بعصبيه :ياميري لالا مو هاذا الحلا الحلا هاذا حطي بالطاوله هذيك
نوره :فديت المعصبين انا
التفتت ام عبدالله لقت نوره:نوريي حي الله النوري حرام عليك خليتي اختي تضيق انك ماجيتي
نوره: ههههههههه بروح لجدتي اراضيها واجي اساعدكم
ام عبدالله هزت راسها برضى
_______________________________
(الرجال)
ابو عبدالله بعصبيه:بهاج وينك من اليوم !!!
بهاج بوهقه :رحت اخلص اشغالي واجي
ابو عبدالله:ايهه زين
_______________________________
(ام سحاب و نوره)
نوره:جديده سمعت انك زعلانه مني هو صدق الخبر
ام سحاب بفرحه من شافت نوره:اي والله اني زعلت لكن الحين رضيت يوم شفتك
نوره:ههههههههههههه
ام سحاب بأستغراب:نوره من جابك اذا خالك زيد عند الرجال؟
نوره بنتهيده:هو في غيره ؟
ام سحاب بضحكه: بهيج يملا العافيه عز الله هو الي عرف لك ثاني مره اجيبه اذا رفضتي تجين معي ههههههههههه
نوره بتمثيل الزعل:جديده ترضين علي ان بهاج يجيبني غصب علي
ام سحاب بضحكه: معليش يانوره لكن ارضى انه يجيبك غصب هههههههه
نوره: هههههههههههههههههه
ام سحاب بتنهيده فرح وهمس: يملا العافيه والسعاده يابهيج انك جبت لي نوره
نوره سمعت لكن ماحبت تقول شي
_______________________________
بدو المعازيم يجون بكثره الله يزيدهم
_______________________________
(نوره)
نوره جالسه بغرفه الميكب والبنات يحاولون بنوره تطلع تقابل المعازيم
نوره: بنات مستحيل اطلع
وداد :ليش وش الاستحاله انك تطلعين؟!
نوره: مابغى بس كذا
دخلت غدير ومعها صيته :مفاجأه
نوره فزت وحضنت صيته:صيتههههههه
صيته :نوريي لي شهر ماشفتك ليش وين اختفيتي
نوره:ماختفيت بس كذا مابغى اشوف احد
صيته ضربت كتف نوره بخفه:حتى انا يا ماني بقايله
نجلاء:هي هي خير غرت نوره تحب صيته اكثر مني
البنات:ههههههههههه
صيته:نوره جابتني غدير هنا عشان تطلعين تجلسين بجمبي ! ولابزعل
نوره اكثر شي تخاف تفقده صيته:لا معليك اذا هاذا بس طلبك ابشري
البنات يناظرون بعض
الهنوف:وحنا لنا ساعه نترجاها تطلع رافضه هههههههههههه
البنات:هههههههههههه
طلعو البنات من الغرفه بقت صيته ونوره
_______________________________
(الرجال)
بدت العرضه وقامو يعرضون
بهاج ماكأنه عريس وجهه الحزين وهواجيسه الي ماتخلص وسحبه ابوعبدالله يعرض معهم
_______________________________
(الحريم)
دخلت نوره بكل ثقه والانظار عليها وتسمع همس الحريم (شكل بهاج مسحور بالله في احد يتزوج على هالجمال -يععع ياشينها متكبره - والله ياغطت على العروسه - ليش يتزوج عليها؟ - ممكن فيها عيب عشان كذا تزوج عليها )
جلست نوره جنب صيته بتوتر:صيتهه شوفي الناس تناظر فيني
صيته بضحكه : ههههههه عادي عادي
_______________________________
(وقت الرقص)
شوط ام المعرس رقصت ام عبدالله
شوط ام العروسه رقصت ام هيام
شوط خوات المعرس رقصت غدير ووئام
شوط عمات المعرس وبناتهم
شوط خالات المعرس وبناتهم الي هو شوط ام سحاب ونوره
قامت ام سحاب ترقص جت غدير سحب نوره على المنصه ترقص ورقصت نوره
_______________________________
(الزفه)
طلعت هيام للمنصه بفستانها الابيض
ام عبدالله بصوت عالي: تغطو ياحريم
تغظوالحريم ماعدا خوات المعرس ونوره
دخل بهاج وابوه واول ماطاحت عينه على نوره وفستانها وضحكها مع غدير
والتفت ل هيام بحزن كان يتمنى نوره مكانها وجلس جنب هيام وتصور مع بعض وزفوهم وطلعوهم لسياره وراحو للفندق
وام عبدالله تقلط على العشاء وابو عبدالله كذالك
_______________________________
(الفندق )
دخل بهاج وهيام وقال لها:بجيب اكل واجي
وراح وتعمد يطول بالمطعم مايبغى هيام
ودخل بهاج على هيام : انتي خوذي راحتك هنا انا بطلع
سكتت هيام منجلطه من بروده معها
وطلع بهاج للبر شب الضوء وجلس يفكر بكلمه نوره (بروح العرس لكن ماراح تشوفني مره ثانيه) هل نوره بتسويها ولا لا؟
_______________________________
(البنات)
فقره الحش المفضله عند البنات،نوره معهم لكن بالها مشغول
نجلاء:بنات شفتو الحرمه الي لابسه تيفاني يفقع العين كيف تخز نوره!
الهنوف:ايي لاحضت نضراتها
وداد :احس نوره تعرفهاا
صيته:ايه هاذي حرمه عم نوره
نجلاء: استغفرالله وش لاقي فيها
صيته:مع الاسف كلهم نفس الطينه كلهم يتمنون ل نوره الشر
نجلاء بكشره:الله يكفينا شرهم
غدير:نوره نوره يتهنى الي اخذ بالك هههههههههه
نوره:هلا
غدير:وين البال مشغول ؟
نوره:ههههههه لا مافكر بااحد افكر متى ناصل الديره وانام
صيته: محمد يقول كذا ساعه بالكثير ونمشي
نوره هزت راسها بمعنى تمام
_______________________________
(بهاج)
بين الصحاري شخص مردغته الحياه ويلتجئ للبر يفرغ طاقه السلبيه فيها
جالس بلا هدف قدامه شبه الضوء وجواله بالسياره يتفجر تبريكات لزواجه يفكر ويهوجس بشكل نوره اليوم سلب عقله والود وده تجي تواسيه هنا معقوله نوره راح تنفذ وعدها ان اذا حضرت الزواج بتختفي عن العالم تسويها؟ ووين يهرب من الحياه وين يلتجئ اذا ضاقت به الوسيعه حاليآ يبغى نوره فقط مايبغى شي غيره ومن ناحيه شغله الي بعد اسبوع لازم يروح يداهم مكان حزين حزين جدا اليوم ماالمفترض يكون يوم سعيد يوم زواجه لكن العكس صحيح وهيام من جهه ونوره من جهه وشغله من جهه ومن عمامه جهه كأن هموم العالم كلها فيه
قال بهمس:مافي فايده التفكير انت الحين نم وبكرا يصير خير
قرر ينام بالبر تقلب يمين يسار مافي فايد النوم جافي عينه واخيرا غفى
_______________________________
(الحريم )
ام صيته:يلا ياام سحاب محمد ينتظرنا برا
ام سحاب وهي تسلم على ام عبدالله :يلا سلام توصين على شي
ام عبدالله:سلامتك
_______________________________
(البنات)
صيته:نوره يلا البسي عبايتك مشينا
نوره هزت راسها بهدوء بمعنى تمام
البنات مستغربات من هدوء نوره بالعاده كثيره كلام لكن اليوم غريبه قالو اكيد البنت تعبانه من زواج اليوم
_______________________________
(سياره محمد اخو صيته)
ركبو كلهم السياره ترتيب السياره
محمد يسوق وجنبه ام صيته ووراه ام سحاب وجنبها صيته وعند الباب نوره
ووصلو الديره بسلام وكل واحد راح لبيته
ام سحاب نامت ونوره نامت بفستانها
_______________________________
انتهى البارت
(رضيت بالله ربًا وبالإسلام دينًا وبمحمد ﷺ رسولًا ونبيًا)، ♡
النجمه تدعم الروايه✨
YOU ARE READING
هــي الــتـي عـلـمـتـنـي كــيــف اعــشــقــهــا
Randomحياكم الله البيت بيتكم اقلطو اقلطو💗 نبذه بسيطه عن الروايه نوره البطله التي تسكن عند جدتها المريضه بمرض شديد وتضطر الجده تزويج نوره لحمايتها من اعمامها✨ لااستبيح النقل💗✨
