سبحان الله وبحمده سبحان الله العظيم ♡
(الـفـنـدق - غرفـه الـرجـال - الـفـجـر )
ابو عبدالله يمد الفنجان: اييه تبون اليوم نروح السوده
ابو رائد خذا الفنجان : والله الي ودكم وين ماتهب هبوبكم
بهاج: نروح السوده ونجلس فيها للعصر ونتلها لشارع الفن
رائد: ايي جدول مضبوط
ابو نايف : اجل مشينا نشتري لحمه حاشي ونطبخه بالسوده
تنهد احمد بطفش : حتى وحنا مسافرين تبون لحمه حاشي
ابو نجلاء: البخ احسن من هالمطاعم الي كبرن صنادحك
احمد : وصل جرحك يالقائد
الجد عبدالرحمن: اجل ورا مانمشي الحين
عبدالله: احس بدري
ابو عبدالله: وش رايكم كذا على الساعه ٦ نحرك
ابو صيته : اي احسن من نمشي الحين
ابو نايف : اي زين
زيد : ومن بعد ابها وين وجهتنا؟
بهاج: الله والله اني مشتحن للحبله والتخييم
نايف : الله يالايام
رائد: لا والله اقشر ايام لاتنسى ان القرد سرق الدله وهج وقفدنا بها
محمد : هههههههههه
_________________________
( غـرفـه الـحـريـم )
ام عبد الله : هو ابو عبدالله يقول النوري منكسره رجلها بهاج جايبها امس وهو شايلها
ام صيته : يويلي بسم الله عليها
ام سحاب مسكت قلبها : يويلي وينها المطفوقه
ام نجلاء: اجلسي اجلسي هالحين ارسل لـ نجول تجيبها
ام رائد : اي بالله جيبوها احسن من تجلس عند البنات
ام نايف : اي بالله مايعرفن
وام نجلاء ارسلت لنجلاء تجيب نوره ورجعو الحريم يزينون العزبه والقهوه والشاهي والفطور
_________________________
(غـرفـه الـبـنـات )
نوره بالحمام تتروش ومطلعه راسها وتصارخ: بناتتتتتت ابغى منشفهه
الهنوف : شوي شوي ليجي رجلك ويفضحنا ليش نوره تصارخ
نوره بضحكه: يسويها الحيوان هههههههههه
الهنوف : وش تبين ست نوره
نوره: ابغى المنشفه
الهنوف : كم تعطيني
نوره بضحكه: مامعي الا ريالين كاش هههههههههه
الهنوف : تم امسكي المنشفه
نوره خذت المنشفه: تعجبني القناعه
الهنوف : تبين شي؟
نوره: سلامتك
الهنوف ابتسمت وراحت
نوره بأبتسامه : ياحليلها
وكملت الشور وطلعت
نجلاء تدبك : طلع الزين من الحمام
نوره: هههههههههه
غدير جت : بنات الاستشوار وينهو
نجلاء: وهاذي سالفتها من امس استشوار واستشوار
غدير: وش اسوي يضيع
نوره: شوفي حقي على التسريحه
غدير: يسعد جوك يازوجه الاخ البطله
نوره:هههههههههه
نجلاء: بنات برد والله
سهام: مرهه
وداد: تدفو اليوم بنطلع لسوده
نجلاء: ايي جبت عفش يدفيني سنه قدام
الهنوف : عادات وتقاليد نجول
صيته قامت من النوم معصبه : ابك انتم ماتسدون حلوقكم برقد زي الاوادم
نوره بشهقه : صيوتتت توتو وينها!
صيته : رجعنا لتوتو اخيراً تذكرتي راح راس مالي وانا اصرف عليه
نوره: لاصدق وش صار عليه
صيته: اعطيته بنت عمي على ماتجين تاخذينه
تنهدت نوره: الحمدلله
سهام : عمتي تدق
نوره: ردي
سهام : هلا عمتي
ام عبدالله: يا سهام البسو عبيكم تغيرت الخطه بنمشي الحين
سهام: تمام
وقفلت الخط ام عبدالله
سهام : مشينا
نوره وغدير : ويشش
نجلاء : وش فيكم !
نوره: شعري رطب
الهنوف : خلاص يلا نشفوها بالمجفف بسرعه
سهام : وانتو البسو يابنات
وراحو البنات يلبسون وغدير ونوره ينشفون شعورهم
نجلاء تعدل طرحتها الي حاطتها على شعرها بشكل عشوائي : بنات حلو؟
الهنوف : اييه
نوره : اففف
غدير: مافي وقت لتأفأف بهيج كسر جوالي اتصالات
نوره: وي ليش مايتصل علي
غدير: ايي والست نوره حاطه جوالها صامت
نوره ابتسمت بوهقه
واخيراً لبسو ونزلو
BẠN ĐANG ĐỌC
هــي الــتـي عـلـمـتـنـي كــيــف اعــشــقــهــا
Ngẫu nhiênحياكم الله البيت بيتكم اقلطو اقلطو💗 نبذه بسيطه عن الروايه نوره البطله التي تسكن عند جدتها المريضه بمرض شديد وتضطر الجده تزويج نوره لحمايتها من اعمامها✨ لااستبيح النقل💗✨
