سبحان الله وبحمده سبحان الله العظيم ♡
(بـيـت ابـو عـبـد الله - الــلـيل )
بهاج جالس بينهم ولكن روحه وتفكيره كلها بـ "نوره" والتنفس عنده صعب بعد ماانعدمت رئته
شافته ام عبدالله ولزمت إلا لترجع نوره له لانها ماسمعت منه !
وابو عبدالله قلبه منكسر وخاطره ، وغدير تحاول تغير جوهه وتسولف بس هو مايرد عليها لانه يهوجس
بهاج قام : برقد تعبان
ام عبدالله : بسم الله عليك ياوليدي من التعب
بهاج ابتسم وراح لـ غرفته
وابو عبدالله ماتحمل وطلع من البيت بضيق وتنهدت غدير بضيق : يارب يسر حالهم
ام عبدالله قامت واتجههت لـ غرفتها تدعي وتصلي
والبيت كان متشتت
______________________
(غـرفـه بـهـاج )
لقى جواله على الطاوله وسحبه بفرحه يدور رساله من نوره لكن اختفت فرحته من شاف اخر رساله لهم قبل اسبوع وتنهد بضيق وتردد يرسل بس تشجع وارسل : نواره العمر ...
أبيك تنتبهين لنفسك وابيك دايم تختار الشخص الصح ومابيك تتضايقين ولا ابيك تبكيين خليك دايم مبسوطه ابيك تنتبه لحياتك وصلاتك ومستقبلك وابيك تحققين حلمك ابيك تتذكرني ما تنساني ابيك تعرفين اني اكثر انسان احبك واتمنى لك كل خير ، ابيك بالطريق الصح وتنتبهين لروحك
بهاج ..
وقفل جواله واتجهه للحمام (يكرم القارئ ) وخذا شور وطلع وصلى وقراء القرآن الكريم ودعى لـ نوره ونسى نفسه كلعاده
وتنهد بضيق وطلع ومر من عند امه وكان بيطق الباب بس تردد ورجع بس سمع شهقات امه وخاف عليها وطق الباب وقال بضيق : يمه
ام عبدالله بدموع: ادخل ياعين امك
بهاج دخل وشاف امه تبكي على سجادتها وتقدم وجلس ومسك يدين امه : يمهه تكفين لاتبكين عشاني
ام عبدالله بدموع : ياوليدي وش كثر تعبت بهالحياه عشان تكسب قلب نوره
بهاج نزل راسه بضيق وتنهد
وسحبته ام عبدالله لـ حضنها لعله يفضفض لانه كتوم وحطت راسه بهاج على فخذها وتمسح على شعره وتقرا عليه
وبهاج حس بسكينه وطمئنينه بحضن امه وسكر عيونه بأمان
وام عبدالله تقرا عليه وتواسيه وهو مسكر عيونه الين نام على فخذ امه
ام عبدالله : بهاج يامك صاحي؟
بهاج فز : لبيه
ام عبدالله : يوهه نمت وقومتك يلا رح ارقد ياعين امك
بهاج هز راسه برضى وقام واتجهه لـ غرفته وانسدح ويناظر السقف بفراغ وراح النوم عنه
______________________
(غـرفـه نـوره )
نوره جالسه على السرير تفكر بـ "بهاج" هي ماتخطته بس تمثل انها تخطته وعشان نظرات الشفقه ! وخايفه على بهاج من سمعت انه مريض وتعبان
جت جوالها رساله وشافت الاسم " بهيج الروح " وتنهد بضيق وفتحت الرساله وقرت الرساله وعيونها دموع قالت بينها وبين نفسها : بهيج ماتوقعت انك تتخلى عني بهالسهوله
وارسلت : شف هالحين نفترق وكل منا بيروح بطريقه ويترك الثاني ماعاد اقدر انقذ علاقتنا اكثر من كذا نفذت طاقتي وشكلنا وصلنا لنهايه وكل بدايه نهايه
دايم ودي اسعدك بس ماعاد اقدر اكثر من كذا والحين ماقدر اقدم لك اكثر من كذا وبتركك وهاذي اخر رساله ...
نوره حبيبه بهاج السابقه
وقفلت جوالها لكن سرعان ماجتها رساله من بهاج
بهاج : لا يانوره لاتحسبيني بتركك بهالسهوله لاوالله بس ارسلت هالرساله كانت بخاطري بس ووالله وتالله اني ماراح اتركك لو على قصه رقبتي و بكرا وانا محضر عند وباخذك طرق عن خشمك وانتي تبكين بعد لاني خلاص ماعاد اقدر اتحمل بدونك وسلامتك وتجهزيي جايك
نوره اتسعت عيونها بصدمه : تخسي تاخذني وانا بنت محمد !
بهاج : نشوف من يخسي بكرا يالحب
نوره طلعت من المحادثه بعصبيه هو قاعد يتحداها ! وين الي يقولون تعبان ومريض هاذهو رجع جني ويتحدى!
نوره : ياربي عاد لايكون بيجي الحين! مجنون مو صاحيي بروح اقفل الباب لاجي
YOU ARE READING
هــي الــتـي عـلـمـتـنـي كــيــف اعــشــقــهــا
Randomحياكم الله البيت بيتكم اقلطو اقلطو💗 نبذه بسيطه عن الروايه نوره البطله التي تسكن عند جدتها المريضه بمرض شديد وتضطر الجده تزويج نوره لحمايتها من اعمامها✨ لااستبيح النقل💗✨
