هــي الــتـي عـلـمـتـنـي كــيــف اعــشــقــهــا

Part 13

سبحان الله وبحمده سبحان الله العظيم ♡
(بـعـد شـهـر)
بعد شهر من اختفاء نوره !وعائله بهاج تقبلت اختفأء نوره وام سحاب لازالت بالمستشفى وعندها ام عبدالله وبهاج لازال بمداهمه باقي اسبوع ويخلص مداهمه ويعرف اخبار نوره بالتفصيل الممل ولاعلم احد انه يعرف مكان نوره
وهيام تعيش عند اهلها وصيته في حاله خذلان من نوره
وزيد حزيننن جدا بأختفاء نوره وعمام نوره من مركز شرطه لشرطه يدورون نوره
____________________________________
(نــوره)الشرقيه
نوره بعد ماحست انها تحسنت وتحس انها تخلصت من المشاكل قررت ترجع لجدتها الي ماتدري عنها شي !
نوره : نوري قبل ماترجعين ل الديره دلعي نفسك وقصي شعرك
________________________________
(الـمـستـشـفى )
ام عبدالله جالسه لها شهربالمستشفى عند اختها تعبانههه حيل
ام سحاب بتعب :ياجوهره هو انتي عرفتي وين مكان النوري
ام عبدالله بكرهه لنوره وهمس:جعلها ماترجع
ام عبدالله:لاوالله ياختي ماعرف مكانها لكن خليها تروح ماحنا بحاجتها الي باعك ياختي بيعيه !
ام سحاب :لاتكفين الانوره لاتقولون لها شي
ام عبدالله بحزن على حال اختها : الله ييسر الحال ارتاحي ارتاحي انتي بعد يومين يسجلون لك خروج
ام سحاب هزت راسها برضى
___________________________________
(نــوره)
نزلت من مطار الرياض وخذت تنهيدة سعاده ومشتاقهه لجدتها وصيته ولابد انها تشتاق لبهاج بس ماتبي تقابله
نوره بسعاده: اخخ يازينن ريح الرياض واتصلت على خالها زيد يجي ياخذها من المطار لبيت جدتها
نوره:الو سلام عليكم
زيد مايعرف للرقم: هلا وعليكم السلام تفضلي اختي بغيتي شي؟
نوره بأستغراب : تعال خذني من المطار
زيد وهو يحس انه عارف الصوت لكن ماقدر يحدد من صوته :اختي غلطانه
نوره :لالا ياخالي هاذي انا نوره
زيد بفرحههه:نورهه؟تقولين صادقه انك نوره
نوره بضحكه: اييه اييه انا نوره محمد سعود ال*** ههههههههههه
زيد:يالله حي النوري ،جايك جايك العن خيرك على هالقطعه ههههههههه
نوره :هههههههههههه
جاء زيد وخذا نوره وعلى طريق الديره
__________________________________
(بـهـاج)
العسكري الموكل على تحركات نوره :العقيد بهاج
العقيد بهاج:نعم
العسكري :البنت الي قلت لي تعقب تحركاتها طلعت من الشرقيه
بهاج قام وبخوف:وين راحتت؟
العسكري:والله يالعقيد بهاج البنت اختفت تحركاتها ماقدرت احدد مكانها
العقيد بهاج:تمام تمام
العسكري دق تحيه وراح
بهاج بتفكير وهمس:وين رحتي يانوره؟لكن معليه كلها اسبوع واتفرغ لك
__________________________________
(خــط الديـره)
زيد بعتاب :ليش ليش يانوره تسوين لي كذا وخواتي كذا والاهم صيته وبهاج
نوره:ياخالي والله اني اسفهه مره ومدري شلون اراضيك
زيد : معذوره،بس سوال ليش سويتي كذا
نوره بهمس: تحدي لبهاج
نوره: اءء اتخلص من همومي ومشاكلي
زيد:لا والله تخلصين همومك طيب عادي شاركيني همومك تتخلصين منهم !
نوره: سامحنييييي
زيد :مازعلت لكن انتي راضي صيته الي زعلت منك مرههه
نوره:اوهه صيوته اشتقت لها
زيد:حبيت اسم صيوتهه هههههههه
نوره:ههههههههههه
زيد:والله يانوره ان الديره من بعدك ماهي بخير
نوره : لاني نور الديره هههههههههههه
زيد:اشهد بالله هههههههه
وصلو الديره ونوره خايفه من رده فعل جدتها ومشتاقه لها  دخلت البيت مالقت احد بالبيت التفتت ل خالها : زيد وينهم؟
زيد بتنهيده: اختي مزون بالمستشفى واختي جوهره عندها
نوره بخوف:ليهههه شفيها؟
زيد بحزن:والله ماودي اقول ان انتي سبب دخولها للمستشفى
نوره بخوف:يلا ودني المستشفى
زيد:يلا
__________________________________
(الـمـستـشفـى)
ام عبدالله بهمس: الحمدلله نامت ،يابعدهم ياختي الله يبعد عنك الهم والحزن
دخل زيد:السلام عليكم
ام عبدالله:وعليكم السلام وياهلا ويامرحبا
دخلت نوره من ورا زيد: وشلونك خالتي
ام عبدالله من شافت نوره قدامها تجمعت جنون الارض كلها براسها وجت واعطت نوره كف طير وجهه نوره لدرجه ان نوره طاحت بالارض من قوه الكف
ام عبدالله بصوت عالي وعصبيه:انتي وش جابك يملا الهم وش جابك محد جاب لنا الهم والغم غيرك اطلعي برااا اطلعييي
زيد خذا نوره وطلعها برا وقال :اعذريها معصبيه شوي
نوره وعيونها تهل دموع:طيب بشوف جدتيي
زيد انكسر قلبه عليها:معليك راح تشوفينها
نوره هزت راسها بحزن يجتاح قلبها
__________________________________
(عـرفـه13 بالـمـستـشفـى )
ام سحاب صحت من النوم :جوهره وش هالاصوات؟
ام عبدالله:لالا مافي شي بس العرفه الي بجمبنا صاير فيها مشكله
ام سحاب تحس ان في شي مخبيته اختها عليها:اييه زين
__________________________________
(زيــد و نــوره)
زيد يحاول يهدي نوره المنهاره بعد ماعرفت انها سبب بمرض جدتها
زيد حضن نوره :نوري امشي للبيت نريح وبعد يومين تجي جدتك للبيت
نوره ببكى: ماقدر ماقدر يازيد ارجع البيت وجدتي حالها كذا وخالتي كارهتني
زيد:الحين انتي امشي للبيت بعدين يصير خير يابعد قلبي يابنت بنت اختي
نوره بأنهيار :لالا مابغى ارجع ابغى جدتي مابغى البيت مابغى
زيد بمحاوله تهدئه لنوره: نوري اختي تطلع بعد يومين ماهي طايره امشي امشي يلا يابعدهم كلهم
نوره بجديهه:بدخل الان عند جدتي والي يصير يصير !
زيد خايف على نوره من ام عبدالله :لا يانوره لاترو....
ماكمل كلامه الاودخلت نوره الغرفه
زيد بنتهيده :عنيده هالبنت الله يكون بعونك يابهاج على عنادها ههههه
__________________________________
(غـرفـه 13 بالـمستـشفـى)
دخلت نوره وشافت جدتها بحال لايحسد عليها
ام عبدالله بأنفعال: خير خير ياطيبه وش جابك بعد ماتسببتي على اختي وضيعتي ولدي بهاج
نوره نفذ صبرها قالت بدون ماتستوعب ان الي قدامها خالتة امها:والله ماضيع ولدك الا انتم زوجتوه هيام وهو مايبغى !وبعدين جايه لجدتي !مالك حق تمنعيني
ام عبدالله:اشوف طال لسانك بعد ماهربتي !
نوره بعصبيه وجديه: ماهربتت! رحت سياحه وغيرت جو ورجعت وبعدين انتي شدخلك فيني متى اروح ومتى ماأروح مالك دخل انتي وولدك بهاج مالكم دخل فيني وبعدين لساني هاذهو من قبل لأعرفكم لكن اسكت احترام لكم لكن الصبر له حدود
ام عبدالله بصدمه :نوره! احترميني تراني خالتك وام زوجك!
نوره بعصبيه وصراخ:ماعندييي زوج ماعندي زوج ماتزوجت!
دخل زيد على صراخ نوره :نوره شفيك تصارخين؟
ام عبدالله:ايه عقب ماخذيتي فلوس بهاج جحدتيه يالجحود
نوره قاعده تستوعب كلام خالتها ام عبدالله  ،نوره بحياتها كلها ماحتاجت فلوس احد حتى جدتها ماتطلب منها حتى خالها زيد من متى طمعت بفلوس بهاج
نوره حست ان النقاش مع خالتها عقيم ماله نهايه سكتت والتفتت ل ام سحاب المنصدمه:جدتي جديده
ام سحاب بوله لنوره:النوريييي
نوره ضمت جدتها وقعد تبكي بحضنها:ياجديده سامحيني اسفهههه
ام سحاب تمسح على شعر نوره القصير:نوره!!!
نوره:لبيه
ام سحاب بزعل: وين قرونس؟
نوره ببتسامه مسحت شعرها القصير: قصيت قروني هههههههه
ام سحاب :وراس عليه يومنس تجبعينه
نوره: اتعبني وبعدين يقولون قص الشعر يغير النفسيه
ام سحاب :ههههه يابعد روحي ياالنوري اجبعيه براحتس اذا هو مخرب نفسيتس
نوره:هههههههههههه
اما ام عبدالله طلعها زيد يهدي الامور
__________________________________
(بــهــاج)
يفكر نوره وين اختفت وين راحت ليش طلعت من الشرقيه؟ اخر مكان توقعه انها رجعت ل جدتها ماتوقع ولادرا انها رجعت
بهاج:معليه معليه اسبوع واطلعك من تحت الارض !
__________________________________
(بـيـت ابـو عـبـدالله)
ابوعبدالله عند اخوانه وعيال اخوانه يخططون لطلعه اذا رجع بهاج من المداهمه
ابوعبدالله:ايه على ماقال بقى له اسبوع ويرجع من المداهمه
ابو هيام:ايه ياصل بالسلامه ان شاء الله
ابو عبدالله:الله يسلمك
رائد:الاياعمي انت تقول ان نبي لنا طلعه مرتبه اذا رجع بهاج من شغله وش رايك نطلع مخيم مزبط ومرتب والاسبوع الجاي الاجواء امطار وخير وش رايكم ياعيال
العيال:والله فكره بطله
ابو عبدالله: اجل شورك وهدايه الله
اتصل جوال ابو عبدالله
ابو عبدالله:هلا بغدير
غدير:يبه كم تعطيني واعطيك بشاره؟
ابو عبدالله:الي تبين بس قولي هالبشاره
غدير بفرحه :نوره رجعت لجدتها
ابو عبدالله: في مليون نوره ايهم؟
غدير:نوره زوجه بهاج
ابو عبدالله:اسألك بالله
غدير:اي والله
ابو عبدالله بفرحه:ماشاء الله ،يلا سلام
(يحب نوره من حبه لبهاج)
ابو عبدالله:ابشركم يارجال نوره زوجه بهاج رجعت لاهلها
ابو نايف:ماشاء الله اخيرا رجعت البنت مابغت
ابو رائد:اي والله اخيرا رجعت قطعت قلب بهيج بغيابها
العيال:هههههههههههههه
__________________________________
(بـعـد يـومـيـن )
طلعت ام سحاب بالمستشفى وراحت لبيتها ونوره راحت لغرفتها تفكر هي بعقلها يوم تقول الكلام ل ام عبدالله؟ قررت تطلع تعتذر من ام عبدالله بعدها من صيته
نوره :خالتي
ام عبدالله بندم على ماقالته لنوره:عيونها
نوره :تسلمين،اسفهه ياخالتي على الي صار قبل يومين
ام عبدالله حضنت نوره:ماصار شي ، انا الي اعتذر منك
نوره ببتسامه:شدعوا تعتذرين عادي كنتي مضغوطه ذاك الوقت
ام عبدالله ببتسامه: ياروحيي انتي
نوره ابتسمت والتفتت على جدتها:جديده بطلع لصيته اراضيها
ام سحاب:الله معك
وجلسو يكملون سوالفهم الناقصه
__________________________________
(بـيـت ام صـيـتـه )
صيته مشتاقه لنوره شوق طاغي
صيته بتهديد: اخخخ يانوره لو القاس قدامي كوفنتس وسطرتس
نوره طقت الباب
صيته:اففف يامحمد متى تاخذ مفاتيحك وتفكني من فتحه هالباب
صيته بصدمه :يمهههههه اعوذ بالله انتي جن ولا انس؟
نوره بضحكه : انسس انس ههههههه
صيته:لعنبو ذا الراس يومنك تختفين ليش لالا ياحبيبتي تبيني امشيها كذا؟ مستحيلل ادخلي داخل اسطرس
نوره:ههههههههههه
صيته ماعت على الجدار:اخخ فديت الضحكه
نوره:صيوتهه اشتقت لك
صيته:كلي /زق
نوره: قلبي قويه ذي علي ههههههه
صيته.ادخلي ادخلي متعلمه مصارعه جديده بطبقها عليك
نوره:بهج اجل
صيته.تعالي تعالي ياروح امس
نوره.ههههههههههه
وصيته تجرب على نوره حركات المصارعه على نوره الناعمه ههههه
صيته:نوره اخشني شوي مو طبيعي ناعمه يعني ناعمه لدرجه اني اذا جيت امسك يدك تنزلق يدي اخشني وصارعيني يلا
نوره:يلا
صيته:ههههههههههههههههه
فجاءه صيته سكتت ومسكت جوالها :يلبى العيون المكحله
نوره برفعه حاجب :من العيونه مكحله؟
صيته :اخخ يانوره عيونه تفتن
نوره: ايه منهو ؟
صيته:عاني عاني الصوره زين
نوره: طيب صوره لاعب من الهلال
صيته:لا مو اي لاعب هاذا البليهي حبيب القلب
نوره: صيتهه هههههههههه
صيته :قومي قومي نسوي شاهي ونسمع خالد عبدالرحمن
نوره:جوييييي
يلا
__________________________________
(بـهـاج )
بهاج لازال يفكر بنوره الي اختفت من الشرقيه
__________________________________
(الـمـطـبـخ)
نوره:لالا ياصيته كثري ورق شاهي عشان يصير شاهي ثقه
صيته:شاهي ثقههه هههههه
نوره:ايه ههههه
صيته استوعب شعر نوره القصير:نورهههه وش مهببه بشعرس انتي!
نوره:على قوله جدتي جبعته
صيته:اي زين ماسويتي ظهر وجهس الشعرالطويل ضالمس
نوره:صادقه
وخلصو الشاهي وطلعو يتمشون بشوارع الديره ورجعو
وكملو سهرتهم ببيت ام سحاب
__________________________________
انتهى البارت
(رضيت بالله ربًا وبالإسلام دينًا وبمحمد ﷺ رسولًا ونبيًا)، ♡
هاذا بدايه البارتات السعيده ♡