سبحان الله وبحمده سبحان الله العظيم ♡
(خط الرياض)
بهاج وام سحاب يسولفون ويضحكون ونوره جالسه تهوجس في مرض جدتها
بهاج شاف نوره من المرايه وواضح عليها الضيقه: ياخالتي بسألك سوال الحين ليش اذا تضايق شخص نحبه نضيق معه؟
ام سحاب:لانه شخص غالي عليك وحزنه من حزنك وفرحته من فرحتك
بهاج:الله يفرجها على الي متضايق ورا
نوره عرفت انه يقصدها ف عدلت جلستها وحاولت ماتفكر ف ماقدرت ماتفكر بمرض جدتها
بهاج:نوره توها الرياض يبيلها نص ساعه على الاقل نامي مانمتي اليوم
ام سحاب:ايه نامي عويناتك عوينات الي مانامت
نوره:لانمت والحين ماحس بالنوم
بهاج:نامي عيونك شوي ويسكرن نامي
نوره:لاعادي
بهاج:براحتك
وفعلا نوره ماخذت نوره دقيقتين الا وهي نايمه بالسياره
بهاج بضحكه: ماتحس بالنوم وانصرعت ونامت ههههههههههه
ام سحاب:هاذي نوره خابزتها على يدي تقول الجاحه وتسوي عكسها
بهاج بضحكه:الله المستعان هههههههههه
______________________________
(سياره ابو عبدالله)
جايه معهم هيام تتوقع ان بهاج هو الي يسوق فيهم لكن خاب ظنها
هيام :ياعمي وبهاج هاذا ليش يودي نوره ليش هو بالضبط؟
ابو عبدالله:عشان خالته ام سحاب تعبانه ومتوجهين للمستشفى
هيام :وليش مايخذني معهم ليش ياخذ نوره!!
ام عبدالله:ياهيام ياحبيتي خليك من الناس وركزي على نفسك
غدير: خذاها عشان نوره بنت ام سحاب وبعدين انتي وش تقربين لخالتي ام سحاب اذا تقربين لها ذاك الوقت قولي ليش ما ياخذني
هيام بغرور:اولاً نوره مو بنت ام سحاب ثانياً ام سحاب تصير خاله زوجي
غدير:امحق وجهه
هيام شمقت لغدير
______________________________
(المستشفى)
وصلو عند باب المستشفى ونزل بهاج وام سحاب تاركين نوره نايمه بالسياره
ودخلو وبهاج اتجهه للاستقبال
بهاج:اختي لو سمحتي في مراجعه عندكم اسمها مزون جابر
موظفه الاستقبال: ايه موجوده اليوم موعدها روح لغرفه١٨ هناك تحصل الدكتور المشرف على حالتها
بهاج:مشكوره ماتقصرين
موظفه الاستقبال: هاذا واجبي
وراحو متجهين لغرفه ١٨ودخلو
بهاج :السلام عليكم يادكتور
الدكتور:هلا وعليكم السلام ممكن اعرف اسم المريض؟
بهاج: مزون جابر
الدكتور :تمام ياخاله مزون ممكن تجلسين هنا
ام سحاب:هالحين نجلس يادختور
الدكتور:وانت مرافق لها؟
بهاج:ايه
الدكتور:اعتذر منك والله لكن لازم تطلع
بهاج:ايه مو مشكله
وطلع بهاج والدكتور بدا يشتغل شغله
جلس بهاج قال بهمس:وش يجلسني هنا ليش ماروح لوليفتي ؟
وطلع متجهه لسياره وفتح باب نوره لقها نايمه قرر يصحيها تاكل بالمطعم
بهاج :نوره
نوره بفزه:ها
بهاج:بسم الله عليك نوره امشي ناكل
نوره:مابغى وين جدتي ؟
بهاج:داخل عند الدكتور
نوره:ودني ياها
بهاج:بوديك بس قبل لازم تاكلين
نوره:بهاج تكفى مابغى اكل ابغى جدتي
بهاج بقله حيله:تمام يلا امشي
نوره:شكرا
بهاج: مابيننا
وراح ونوره وراه دخل المستشفى بهاج واغلب الي بالمستشفى يناظرون فيه
نوره استغربت ليش قاعدين يناظرون فيه معقوله بهاج جميل ؟ فجأه داهم نوره شعور الغيره وقاعده تحاول تخفي غيرتها وفعلا ماوضحت ل احد انها غيرانه وسكتت
وجلسو عند غرفه ١٨ ينتظرون ام سحاب
فجأه بدون مقدمات جتهم بنت متجهه لبهاج:العقيد بهاج صح ؟
بهاج:ايه
البنت بفرحه وابتسامه:اخيرآ قابلتك
نوره بصدمه قالت بينها وبين نفسها : قابلتك!!هاذا كم عنده حبيبه؟!
بهاج:اعذريني ماعرفتك
البنت بدلع متصنع:مو مشكله حبي
نوره جلست تهدي نفسها لاتقوم تفرش هالبنت الي مضيعه قاعه الافرح
البنت وهي تلعب بشعرها:بهاج حبي ممكن ماتذكرني لكن تتذكر قبل سنتين لما كنت مخطوفه من عصابه وانت داهمت المكان وانقذتني
بهاج متوهق يخاف يرد عليها ونوره تفرشها وتهبدها
بهاج ببتسامه وهقه: ههه ايه تذكرتك
نوره تهدي نفسها وتشرب ماء
البنت: اءء الصراحه جيت بعترف لك اءء انا الصراحه حبيتك من يوم انقذتني
نوره شرقت بالماء وقامت : ايش!
البنت:انا حبيبه بهاج من انتي!
نوره برفعه حاجب :مين انا ها؟ انا نوره بنت محمد بن سعود ال***
بهاج عارف ان نوره بتتوطى ببطن هالبنت:نوره خلاص
نوره بعصبيه مع برود: لو سمحت ابعد عني خلني اشوف شغلي
البنت مسكت يد بهاج:حبيبي بهاجيي بعدها عني
وبهاج مستمتع بغيره نوره
نوره لاحظت ان بهاج مستمتع وفهمت ان هاذي البنت حبيبه بهاج وحطت في بالها ان بهاج بلاير وتنهدت وطلعت برا المستشفى تهوي على نفسها
بهاج عرف انها فهمت غلط وطلع وراها تقدم ومسك يد نوره
بهاج:نوره
نوره تحاول تمسك الدمعه قدر المستطاع :بهاج بعد عني ورح لم حبيبتك!
بهاج:مو حبيبتي هاذي بنت عابره
جتهم البنت :بهاجيي وين رحت
بهاج:عز الله كملت
نوره:طيب شبغيتي؟
البنت:انتي مين
نوره:اخت بهاج
البنت:اوهه اخته يعني انتي غدير الي ينتخي بأسمها يقول وانا اخو غدير ههههه
نوره :ايه انا غدير
بهاج منصدم من الي تسويه نوره :خلاص تقدرين تروحين شهد
نوره بهمس:اخخ ويعرف اسمها بعد!
حور:هايي غدير انا شهد حبيبه بهاج
نوره مدت يدها وابتسمت ابتسامه مزيفه: تشرفنا حبيبتي شهد
بهاج :انا بروح لخالتي وانتو تصافو
وراح بهاج
شهد:روح حبيبي بهاجيي
نوره حطت يدها على كتف حور :حبيبتي شهد ممكن ماتعرفين مين انا
شهد :اخت بهاج او اخت زوجي المستقبلي
نوره: اولا انا مو اخت بهاج انا نوره بنت محمد
شهد بأستفزاز:طيب ومين نوره
نوره بعصبيه:انا زوجه بهاج
شهد:تخسين انا زوجته
نوره:حلوو حلوو روحي لمه يازوجته شهد
شهد:طبعآ بروح لمه بايي
نوره راحت لسياره وشهد دخلت للمستشفى تدور بهاج
نوره جلست بالسياره معقوله بهاج كذا ؟معقوله كل ماتحبه يطلع له حبيبه ؟هل هو غامض محد يقدر يعرف ماضيه؟ حست بحراره بكبدها ماتدري ليش وتحاول تحبس الدمعه والافكار نزلت نوره من السياره واتجهت لحديقه ورا المستشفى
______________________________
(عند غرفه ١٨)
جت شهد وبهاج من شاف شهد متجهه له تنهد بضيق
شهد:حبيبي بهاج في وحده اسمها نوره تقول انك زوجها
بهاج:ايه انا زوجها
شهد بصدمه: ايشش انت متزوج! ليكون ذيك الي اسمها نوره
بهاج ببرود:ايه نوره عندك اعتراض لامسح الله ورجاً ضفي وجهك
شهد بعصبيه:بهاجج وش قاعد تقول !! كيف متزوج !
وراح بهاج تارك شهد بصدمتها اتجهه بهاج لسيارته يشوف نوره
تقدم بهاج لسياره بس ماشاف نوره اتصل عليها ماترد تنهد بضيق عرف انها زعلانه منه قال بهمس:اففف وين رحتي يانوره
وراح يدورها بكل مكان ومابقى الا الحديقه وراح للحديقه مافيها احد مافيه الابنت وعرف انها نوره شافها جالسه تقدم وجلس جنبها
بهاج:نوره شهد ماتعني لي اي شي صدقيني
نوره ببرود:تمام
بهاج:طيب تكلمي فضفضي عاتبي هاوشي سوي اي شي لاتصيرين بارده معي
نوره:خلصت جدتي؟
بهاج:نوره وش فيك ووين غيرتك وين زعلك ؟
نوره:بهاج انت مجرد اخ لي لااكثر ولا اقل سو الي تبي تزوج حب مالي دخل فيك
بهاج بعصبيه:نوره وش قاعده تقولين !!!!
نوره: طيب قاعده اسوي الي اتفقنا عليه ببدايه زواجنا نعتبر بعض اخوان!
بهاج بعصبيه مسك عضد نوره وسحبه له:اسمعي يابنت الحلال انتي زوجتي على سنه الله ورسوله
نوره بألم من مسكه يده عليها: بهاج يرحم والديك حنا اخوانن هاذا الي اتفقنا عليها بالبدايه
بهاج بعصبيه بانت عروق جبهته:نوره انتي زوجتي !مو اختي
وسحبها لسياره
نوره :بهاج فكنيي
بهاج ساكت ومعصب وفتح باب السياره وحط نوره وقفلها وحط فيها امان
وراح ل ام سحاب
دخل غرفه ١٨ يدون مقدمات قال:يلا ياخالتي مشينا
ام سحاب:جيت بوقتك ياوليدي
الدكتور:اخوي بهاج بعد يومين موعد الخاله مزون
بهاج هز راسه بمعنى تمام ومسك يد ام سحاب ومشى
ام سحاب:بهاج ياوليدي وش قومك مرتبش
بهاج يحاول يخفي العصبيه:مافي شي ياخالتي
واتجهو لسياره
بهاج:ياخالتي بروح للمطعم قريب من هنا بطلب لكم وش تبون؟
ام سحاب:اي شي
بهاج :والي ورا وش يبي؟(يقصد نوره)
نوره ساكته ومتجاهلته
بهاج بعصبيه من تجاهلها له:وش تبين اكل!!
نوره طالعت فيه من فوق لتحه ولفت وجهها
بهاج من العصبيه نزل من السياره وسكر الباب بقوهه
ام سحاب:النوري يابنيتي وش قومك عليه
نوره:هو كذا يعصب متى مايبغى ويرضى متى مايبغى
ام سحاب:يابنيتي بهاج من النوع الي ياعصب ماعاد يشوف الدرب ف انتبهي تعصبين فيه ويسوي فيك شي وتكرهينه ويندم عقبها
نوره:مثلا وش ياجديده؟
ام سحاب:ممكن من العصبيه يمد يده عليك ولايجرحك بالكلام و إلى آخره.
نووه :يعقب يمد يده علي
ام سحاب:هو مايمد يده بس انتبهي
نوره بينها وبين نفسها:اففف يضغط يزعل وهو عليه الخطاء المفروض انا الي ازعل مو هو
جاء بهاج ومعه اكل واعطاهم الاكل
نوره خذت الوجبه حقتها ونزلتها عند بهاج:قلت مابغى
بهاج:احسن
ام سحاب:خلاص لاتقعدون تعاندون بعض تقل ورعان
بهاج:خالتي امي تقول والله ماتطلعين لديره اليوم تجين عندها
ام سحاب:لاياوليدي بنروح لديره
بهاج:اعذريني ياخالتي امي حلفت الا وتجين
ام سحاب بقله حيله:الشكوى لله
واتجهو لبيت ابو عبدالله
نزل بهاج ومسك يد ام سحاب عشانها تعبانه والسياره مرتفعه ونوره وراهم تمشي
ام عبدالله:كفو يابهيج جبتهم لي والله انك كفو
بهاج بضحكه:لاداعي لاداعي
غدير:ارحبووووووو
نوره ابتسمت
غدير:افاا نوره وجهكك مو معجبني منو مضايقك ليكون بهيج اهبده لك
نوره ناظرت لبهاج الي ينتظر اجابه :لا محد مضايقني الحمدلله
غدير هبدت بهاج :عارفه ان هالسوسه بهاج مضايقك بس ماتبين تتكلمين
بهاج يحك مكان الضربه :وشش دخلني اناا
غدير:اسكت واحترم اختك الكبيره
بهاج بضحكه:ابشري نحترمك بس مو الحين ههههههههههه
نوره بهمس: تقل ضحكه عنز
بهاج سمعها ورفع حاجبه:وش تقولين؟
نوره:سلامتك
بهاج:بسوي نفسي ماسمعت
نوره بينها وبين نفسها: خيررر الحين وجهه وقبل شوي وجهه الحين يضحك وقبل شوي معصب
غدير:خلاص يهيج رح وانا باخذ زوجتك منك
بهاج بضحكه:لاترجعينها ههههههههههه
غدير مسك يد نوره ودخلت الغرفه
غدير:وش فيك منتي على بعضك
نوره:مافي شي
غدير:نوره لاتجحدين علي مهما كان السبب زوجك اخوي واعرف حركاته ومضايقاته لك وتعصيبه بدون سبب انا اخته تكلميي
نوره:مافي شي بس صار نقاش بيننا واختلفت ارائنا وتهاوشنا هوشه بسيطه
غدير:مدري ماقتنعت بس بمشيها
نوره بضحكه:تسوين خير اذا مشيتيها هههههههه
غدير بضحكه:ياحلوكك هههههههههههه
______________________________
(قسم الرجال)
دخل بهاج بالمجلس:السلام عليكم
ابو عبدالله:هلا وعليكم السلام
بهاج:وين ربعنا؟
ابو عبدالله:عمامك ببيوتهم وعبدالله ببيته مع زوجته
بهاج:ايه الله يوفقهم
ابو عبدالله:بهيج ياوليدي الليله بروح مع اخوياي وابيك تجلس بالبيت الحريم ماعندهم احد
بهاج:مو مشكله خذ راحتك
ابو عبدالله بحب : يابعد كبدي انت
بهاج ابتسم
______________________________
(بيت ابو هيام)
هيام بضراخ :يبه يمه مو طبيعي انا للحين جالسه ببيتكم بهاج وينه عني !!!!
ام هيام:بهاج عند العقرب نوره !
ابو هيام:خلاص طفح الكيل نطلقكم من بعض
هيام ببكى:لايبه تكفى الا الطلاق مابيه
ابو هيام:شي ماتبينه ماجبره عليك لكن بكرا ان شاء الله بروح لبو عبدالله وبخليه يشوف تصرفات ولده
ام هيام بشر:سمعت ان العقرب نوره موجوده ببيت ابو عبدالله بروح بكرا اوريها شغلها العقرب
هيام:كفو يمه يبه
______________________________
(بيت ابو عبدالله)
غدير:يمهه ابوي يقول ان الليله عنده كشته مع اخوياه مايقدر يحضر العشاء
ام عبدالله:مو مشكله نسوي عشاء لام سحاب والنوري
وئام:الله اكبر عاد وشهي نوره تسوون لها عشاء !
ام عبدالله قرصت اذن وئام :نوره زوجه اخوك ياوئام وبعدين انتي من طالعه عليه بكل هالخباثه والنذاله ! ابعدي عن هيام خربتك
بهاج دخل المطبخ:اف اف في ساحه مقاتله هنا ليش يمه تقرصين اذا العنقود
غدير بتصريف: ههه تبي تروح لصديقاتها وامي معاقبتها
بهاج:ايه كفوو يمه شدي عليها وبعدي صديقاتك عليهم ملاحظات
ام عبدالله:ايه والله مارتحت لهم
غدير بهمس: انا من عرفت ان صديقتها المقربه وبنت عمها المقربه هيام وانا غاسله يدي منها
وئام:خيرر تتكلمون عن صديقاتي!
بهاج كش بوجهها :امحق صديقات هيام والخمه الي معها
غدير بضحكه:شله عقارب ههههههه
بهاج مد يده لغدير بمعنى كفك :ايه ههههههه
ام عبدالله:بهيج راح ابوك ؟
بهاج بضحكه:اي راح لكشته تعدل بالمزاج وانا حاطني حارس عندكم ههههههه
غدير بهمس :طيب يالحارس في موضوع لازم اتكلم لك فيه بعيداً عن الناس
بهاج بهمس:تمام
غديربهمس:شوي وتعال لي بغرفتي
بهاج هز راسه بمعنى تمام
______________________________
(غرفه غدير)
دخلت ودخل بهاج وراها
غدير:بهاج يرحم والديك لاتضغط على نوره ولاتعصب عليها
بهاج:والله انها ضغطتني اليوم وانفجرت عليها
غدير: وش مسوي لها؟
بهاج:ماقالت لك السبب ؟
غدير:نوره وتعرفها ماتتكلم
بهاج:مشكله
غدير: يلا رح راضيها
بهاج:والله مادريت انها زعلانه هالكثر بروح لمها وينها هي؟
غدير:عند خالتي ام سحاب
بهاج:افففف ماقدر اراضيها وخالتي موجوده
غدير :سهله بعد شوي امي تطلع من المطبخ وادخل انا وانادي نوره تجي وتعال انت
بهاج بضحكه:العقل المدبر هههههههههه
غدير بضحكه:لاداعي هههههههههه
______________________________
(المطبخ )
بعد ماطلعت ام عبدالله من المطبخ دخلت غدير ووراها بهاج
غدير:خلك هنا بنادي نوره تجي
بهاج:ازهليني
غدير:كفو
بهاج:كفوك الطيب
غدير بصوت عالي:نورهههه نورهه تعاليي بسرعهه
جت نوره بخوف:شفيك غديرر
غدير سكتت نوره تقدمت شافت بهاج ورا غدير بشوي يأشر بيده بمعنى هاي
نوره تنهدتت :هففف ردينا
غدير مسكت نوره ودخلتها المطبخ وسكرت الباب
بهاج غمز:وش عنده الحلو زعلان ؟
نوره:وضعك غريب
بهاج:ليه
نوره :شوي معصب وشوي تضحك فيك شي،شبغيت؟
بهاج تكى على طاوله المطبخ:طالبين العذر والسموحه منك
نوره:وشهد وين تصريفها؟
بهاج رفع حواجبه وقال بضحكه:غيرههه غيوره ههههههههههه
نوره:مااغار !
بهاج:اجل وش تسمينه؟
نوره:ماسميه شي
بهاج بضحكهه:تحسين بقلبك جمره صح هههههههههههه
نوره:لا ماحس بشي
بهاج:طيب رضيتي ولالا؟
نوره:ولاراح ارضى
بهاج:حلوو نحول لخطه ب
نوره:وش هي خطه ب ؟
تقدم بهاج وشال نوره على كتفه واتجهه للحوش
نوره بطفش من حركاته:لاحول ولاقوه الابالله ماتبطل حركاتك انت
بهاج:الحل الوحيد
بهاج حط نوره بالسياره(السياره كانت بالحوش) اتصل على غدير تجيب العبايه
جت غدير ومعها عبايه وشنطه نوره ونوره تناظر لغدير بنظره عتاب
غدير:سامحيني نوره
بهاج:لا ماسويتي شي
نوره:بهاج اسكت
بهاج:ابشري
نوره:غدير حبيبتي مابيننا مهما سويتي ابقى احبك
بهاج:اخخخ ياحظك ياغدير يجيك هاذا الكلام وانا مايجيني الا بهاجوهه
غدير بضحكه: معوض خير ههههههههه
نوره ضربت بهاج بخفه :بهاجوهه ليش انت خفيفف اثقل الثقل زينن
بهاج:ياحلوو اسميي بهاجوهه ههههههههههه
غدير:اخوي قلب خفيف هههههه بالعاده هو مثال الثقل ههههه
نوره:وش صار عليك يامثال الثقل
بهاج يتأمل نوره من تحت النقاب:اخخ راح مثال الثقل صار مثل الحب
نوره استحت وسكتت
غدير:نوريي هل يوجد حبء في قلبء نوره؟
نوره بضحكه:يوجد الله يقلعه استغفر الله
بهاج عدل جلسته:من الي يوجد بقلبك؟
نوره:ارتاح مو انت
بهاج كشر وكش بوجهه نوره:هه مالت على هالوجهه الخالي من مشاعرر
غدير :مع السلامه
نوره:الله يسلمك
______________________________
(مجلس الحريم)
ام سحاب:ايه والله ياختي مدري شلون هو وضعهم قايل
ام عبدالله:الي لاهم اخوان ولاهم متزوجين وش الدبره
ام سحاب:وكل علاقتهم مشاكل بمشاكل
ام عبدالله:ايه ياختي بهاج عصبي ونوره عنيدهه
ام سحاب:شكل الحل الوحيد لهم الطلاق!
ام عبدالله:الظاهر الطلاق حل
دخلت غدير مستانسه بس لما سمعت كلمه طلاق برد وجهها
غدير:ايشش؟مين الي يتطلقون!
ام سحاب:نوره وبهاج
غدير:حرام عليكمم ليش تهدمونهم ليش تقتلونهم وهم حيين ليش تفرقون حبايب عن بعض !!
ام عبدالله:مابينهم مشاعر وحب وخرابيط بينهم مشاكل وهواش وبعدين بعد بهاج متزوج هيام وحنا زوجناه نوره وهدمنا بيته واحلامه مع هيام
ام سحاب:قلت لكم الطلاق بيتم بينهم
غدير: بهاج يحب هيام ههههه هاذي حتى بالاحلام ماتصير المهم قلت الي بقوله راح تسئلون عنه يوم القيامه ليش تفرقون حبايب بالحلال
وطلعت معصبه
ام عبدالله:الله ييسرها
______________________________
(بهاج ونوره)
نوره:ممكن اعرف وين بتوديني
بهاج:لا مو ممكن
نوره:اففف صايرعنيد الفتره الاخيره
بهاج بضحكه: حسيتي بشعوري يوم تعانديني ههههههههههه
نوره:ماعمري عاندت
بهاج:ايه احجدي يالحجود
نوره :الحين انا صرت جحود؟!
بهاج:ايه
نوره:ايه صح انا زعلانه لاتكلمني
بهاج:مابي اكلمك ارتاحي
اتجهه بهاج للكوفي وطلب وسأل نوره وش تبي وطلبت وخذو القهوه وطلعو
ومشو وابعدو عن المدينه بشوي ووقف السياره على جنب
بهاج التفت على نوره:نوره ممكن اعرف شعورك اتجاهي ؟
نوره بتردد:ماقدرت احدده شعوري
بهاج بضراخ:نورهه انا احبكككك
نوره بتردد وصراخ: واناا بعدد احبككك
بهاج بأستيعاب:ها تكفين قوليها مره ثانيه
نوره:خلاص مره وحدهه
تقدم بهاج وحضن نوره ونوره بادلته الحضن
______________________________
(المطبخ)بعد صلاه العشاء
ام عبدالله: ياغدير تعالي ساعديني على العشاء
غدير:ابشريي
ام عبدالله:بهيج وين هو داج مع نوره ؟
غدير:يتصافون ويجون
ام عبدالله:ايه وش الجديد كل يوم هواش ومقاتل
غدير:يمهه طيور حب شفيك
ام عبدالله:اي طيور حب الله يسعدك هذولا طيور كرهه الله يسلمك
غدير بضحكه:هههههههههه حلو الذبه
ام عبدالله:ماعلينا اتصلي على بهاج خليه يجي يتعشى وبعدها يدج وين مايبي
غدير:من عيوني
ام عبدالله ببتسامه: تسلم لي هالعوينات
غدير باست خد ام عبدالله وطلعت تتصل على بهاج
______________________________
(بهاج ونوره)
راجعين للبيت وبهاج ماسك يد نوره ويسوق والفرحه مو سايعته نوره تبادله الشعور اخيرااا ونوره مستحيه وساكته
اتصل جوال بهاج وشاف الاسم وابتسم ورد
بهاج:ارحبييي
غدير:هلا
بهاج:في علم كايد صح
غدير بحزن بينها وبين نفسها:ياحبيبي يابهاج لو تدري بسالفه طلاقك من نوره وش تسوي
غدير ببتسامه:بهيج ياحبيب اختك امي تقول وين داج انت؟
بهاج بتنهيده فرح:احلى دجه دجتها بالحياه
غدير بضحكه:سبب ؟هههههههه
بهاج ببتسامه:ابد كذا بدون اسباب
غدير:هههههه المهم امي تقول تعالو تعشو بعدين كملو دجتكم
بهاج:يلا انا عند لفه الحاره
غدير:حلوو ننتظرك
بهاج:مع السلامه
غدير:هلا
وقفل الخط والتفت لنوره:نوره حبيبتي بكرا العصر بنروح المول نشتري لك ملابس للجامعه
نوره:تمام
بهاج برفعه حاجب:وش عندها الجنيه نوره هاجده شياطينها ؟هههههههه
نوره:شدعوا هاجده شوي وتطلع
بهاج:انتظرها بفارغ الصبر اشتقت لشطانتك هههههه
نوره بضحكه: تطلع مع الوقت ههههههه
بهاج ارتخى: اخخ يلبى الضحكه ياناس
نوره بضحكه:خفيف يامثال الثقل هههههه
بهاج قدر يغير اسلوبه180 درجه وقال بحده:خلاص بصير ثقيل
نوره:حبيتت متعدد الوجوه هههههه
بهاج بثقل: ماشفتي شي يلا انزلي وصلنا
نوره نزلت ونزل بهاج بعدها ودخلو للبيت
______________________________
(بيت ابو عبدالله)
ابو عبدالله راح لكشتته مع اخوياه ووئام راحت عند هيام ومافي بالبيت الا ام عبدالله وام سحاب وغدير
دخل بهاج:سلام عليكم
الكل: وعليكم السلام
ام عبدالله :زين جيت مابغينا ذبحنا الجوع
بهاج بضحكه: ههههههههه وعد مانتاخر ثاني مره
ام عبدالله: كلعاده تقول كذا وتدج
بهاج :هههههههههههههههههه
ام عبدالله:يلا يلا اقلطو على العشاء
وفعلا قلطو وبهاج تعمد يجلس جنب نوره وبدا ياكلون عقب ماسمو بالله
بهاج بأستغراب:نوره ماتاكلين فلفل ؟
نوره:لا مأكله
بهاج :حلوو
بهاج كتف نوره وقال لغدير تجيب الفلفل يوكلها ونوره تحاول تفك نفسها وجابت غدير الفلفل وحاول بهاج يوكل نوره فلفل بس مو قادر لانها مقفله فمها ومكتفها وقال لغدير تفتح فهمها وتحط الفلفل بأفم نوره وقدرو يفتحون فم نوره وحطو الفلفل فيه ويقطعون الفلفل ويحطونه بفم نوره وهي صراخ وهواش
وام سحاب كلعاده تصور وترسل وام عبدالله تضحك على اشكالهم
بهاج وهو مكتف نوره :غدير حطي فلفله ثانيه بسرعهه
غدير بضحكه:مسكر فمها كيف احط ؟ههههههههه
بهاج :دقيقه
بهاج كتف نوره بيد وبيده الثانيه يفتح فم نوره وغدير تحط فلفل بفم نوره
كذا تقريباً حطو ٥حبات فلفل بفم نوره وفكها بهاج وهي تقوم تركض تشرب ماء بارد وتبكيي من الحراره وبهاج جاء وراها
بهاج بضحكه: حتى باسواء حالاتها تبكي هههههههه
نوره ضربت بهاج بخفه:وجع هاذا تسميه مزح !
بهاج بضحكه:اوهه ماشفتي شي
نوره:تراني بنت مو احد من اخوياك !
بهاج وقف جنبها وحط يده على كتف نوره الثاني وقال:خلاص عاد ترا مرده مقلب ههههههههه
نوره تحاول تشيل يد بهاج عنها:بهاج انا زعلانه ابعد عني
بهاج:افاا زعلانه ولا محترق افمك ؟
نوره:كلهم
بهاج بضحكه شر:بسيطه هههههههههه
خذا كوب ماء بارد كبير وكبه على نوره
نوره بشهقه:هيي ليش تسوي كذا
بهاج بضحكه :بسم الله عليكك بس كنت ببردك عشان تطفي الحراره هههههه
نوره:بهاجوهه حركات اطفال ترى شوف حنا بعز الشتاء تكب علي ماء بارد ليش؟!
بهاج مسكهاا واتجهه لغرفته ودخل نوره فيها
نوره بصدمه:وش قاعد تسوي
بهاج كان عند دولاب الملابس يدور لنوره بلوفر مناسب لها عشان ماتبرد او ماتمرض
نوره:اتكلم معاك انا!
بهاج يدور بلوفر وساكت حاب يستفز نوره
نوره:ياولد تراك قاعد تكب الملابس كلها بالارض
بهاج لازال يدور لنوره بلوفر وقاعد يكب الملابس كلها على الارض
نوره :انا بطلع
بهاج مد لها البلوفر:امسكي
نوره:لاليش؟
بهاج: البسيه وانتي ساكته رجاً
نوره:مايحتاج ينشف مع الوقت
بهاج كذا بدون مقدمات شال تيشيرت نوره (لاتخافون عليها بلوزه علاق😭)
نوره تجمدت مكانها بصدمه
تقدم بهاج ولبسها البلوفر تحت صدمه نوره
بهاج:بزر قسم بالله يعني هاذا الي انتي تبينه ليش مالبستيه من البدايه
نوره لازالت تحت صدمتها قامت ترجع خطوات لورا الين وصلت للباب وطلعت
بهاج حط يده على راسه استوعب انه جاب العيد :اففف شسويت انت
______________________________
(قروب البنات والحريم)
بعد ماارسلت ام سحاب الفديو
نجلاء : بهاج ونوره حفلهه ههه
الهنوف:علاقتهم جوييي هههه
ام نايف:ياحليلهم
ام رائد:ياعل الله يديمهم لبعض
غدير ردت على ام رائد:امين
وداد : ياحلوهم ههههه
ام احمد:كل واحد اخبل من الثاني ههههههههه
سهام: واي واي ياحلو طيور الحب
نجلاء:بجيكم الفجر ههههههه
غدير:حياك الله
نجلاء:معرف اقول لا ههههه
هيام:وع وع وع وهاذا الفديو راح ارسله لجدي !
غدير: يعني بتخوفيننا الحين لحضه برسل لك واحد ههه
نجلاء:جويييي هههههه
ام هيام:ايه بالله عليك ارسلي فديو ثاني برسله للجد عبدالرحمن
غدير:سمعتي بصر امها ؟ صري امها
نجلاء:يالعقرب زحلقيي بس
______________________________
(بهاج)
مافرقت معه انه جاب العيد وجاهه اتصال من الدوام وراح
______________________________
(نوره)
تحت الصدمه لازالت واقفه بصدمه
جتها غدير المستغربه من سرحان نوره:نوري؟شفيك؟
نوره:ها؟ لالا مافيني شي
غدير:لاتخفين علي شي قولي
نوره:ههه شدعوا اخفي عليك بس ان افمي يوجعني من الفلفل وقاعد استوعب وجعه
غدير:ويي حبيبتي انا اسفه
نوره: حبيبتي شدعوا مابيننا اعتذارات وكذا المهم الغلط مو عليك الغلط على الجني بهاجوهه
غدير بضحكه: جني من يومه مايعقل ويهجد هههههههههه
نوره بضحكه:اوهه شكلي بتعب معه ههههههههه
غدير :ايهه هههههههه
______________________________
(مجلس الحريم)
ام عبدالله:والله يأم سحاب عن الي شفته اليوم علاقتهم حلوه
ام سحاب:حلوتين غريبه بالعاده طق ومطاقق
ام عبدالله:شكل غدير قالت لهم شي او يعدلو علاقتهم
ام سحاب:لاياختي لو قالت لهم كان ينفرون من بعض لانهم هم اساسا مايبون الزواج
ام عبدالله:اتصلت على بهاج يقول شوي ويطلع من الدوام ونقوله طلق نوره ونزوجك ثانيه ولا نرجعه لهيام
ام سحاب:واساسا بعد نوره رافضته من البدايه
ام عبدالله: هاذهو جاء
دخل بهاج:سلام عليكم
ام عبدالله وام سحاب:وعليكم السلام
بهاج جلس وخذا الدله يقهوي :ايه قلتو لي موضوع مهم وجيت
ام عبدالله:موضوع مهم وجدي مو وقت مزح ىطقطقه
ام سحاب:وخذ الموضوع بصدر رحب
بهاج عدل جلسته بتركيز:اسلمو
ام عبدالله :بهيج وانا امك انا كأم ودها تشوف احفادها وعيال احفادها
بهاج بينه وبين نفسه:ياليلل بدينا بسالفه الورعان
ام سحاب:وانا كأم نوره ودي تشوف مستقبلها
بهاج:مستقبلها ؟طيب انا مسجلها بالجامعه الاسبوع الجاي دوامها
ام سحاب بفرحه:الله يسعدكك ياوليدي
بهاج ابتسم
ام عبدالله : يابهيج وانا امك انت ونوره علاقتكم علاقه اخوان الي متى؟ فا بطلب منك الان تطلقها وتتزوج ثانيه او ترجعع لهيام
ام سحاب:ونوره بعد ودهاا تتزوج وتشوف حياتها
بهاج العلم الي جاه كانه اسهم تدخل قلبه لدرجه ان طاحت الدله على يده واحترقت لكن ماحس
ام عبدالله بخوف على حال ولدها الي تغير:بهاج وش فيك ياوليدي
ام سحاب:بهيج يدك احترقت خلني اشوفها
وقف بهاج بعصبيه ورص على اسنانه وقال بحده: طلاق ماراح اطلق ولو طلقت نوره ماتتزوج بعدي واذا تزوجتت بدمر حياتها وحياتي معها!
نزلت نوره وغدير على هالهواش والصراخ وشافو بهاج يمشى بعصبيه ويطلع من البيت
نوره بخوف عليه :يمهه شفيه بهاج معصب ؟
غدير عرفت انهم فاتحوه بموضوع الطلاق وماتبغى نوره تسمعه:نوري امشي فوق الحريم عندهم مواضيع خاصه مايبوننا نسمعهم
نوره هزت راسها برضى
______________________________
(بهاج)
طلع من البيت معصب يعني يوم زانت العلاقه خربوها يوم اعترفت بحبه خربت !
واتجهه كلعاده للبر يفكر بموضوع الطلاق وهل نوره لها يد بهالموضوع؟
______________________________
(غرفه غدير)
غدير:اسمعي نوره الصباح بيجون بنات عمامي ونطلع نتمشى تمام؟
نوره:تمام مو مشكله
غدير: حلو
نوره:طيب وين انام انا ؟
غدير:عند بهاج
نوره حكت حاجبها بوهقه:اء شسمه
غدير استوعبت انها احرجت نوره:اوهه معليش والله لكن ترى عند بهاج غرفتين طبي وتخيري
نوره:وهو وين ينام؟
غدير:انتي نامي بغرفه وهو بغرفه ولا اقول بهاج الفتره الاخيره ينام بالمجلس
نوره بضحكه: ورع قسم بالله بكل مكان ينام هههههههه
غدير بضحكه:يجي من الدوام تعبان وينام بأي مكان هههههههههه
نوره:هههههههههههههههههه
وراحت نوره غرفه بهاج الثانيه
YOU ARE READING
هــي الــتـي عـلـمـتـنـي كــيــف اعــشــقــهــا
Randomحياكم الله البيت بيتكم اقلطو اقلطو💗 نبذه بسيطه عن الروايه نوره البطله التي تسكن عند جدتها المريضه بمرض شديد وتضطر الجده تزويج نوره لحمايتها من اعمامها✨ لااستبيح النقل💗✨
