هــي الــتـي عـلـمـتـنـي كــيــف اعــشــقــهــا

Part 18

سبحان الله وبحمده سبحان الله العظيم ♡

نزلت نوره من السياره والعصبيه والغيره والزعل مليون
مسكها بهاج من عضدها:نوره اسمعي السالفه اول بعدين احكمي
نوره بعصبيه:طيب مابغى اسمع !
بهاج بيأس:طيب ليش
نوره:ماله تبرير شفته بعيوني
بهاج:والي شفتيه غلط
نوره فكت يدها:عيوني ماتكذب!
وراحت
بهاج :اففف من هالبنت كيف نقنعها الحين ان الي شافته غلط!
_______________________________
(مخيم الحريم)
دخلت نوره والزعل واضح بوجهها
نجلاء مسكتها:نوره شفيك
نوره:مافيني شي
نجلاء:مزعلك بهاج؟
نوره:لا
نجلاء:طيب شفيك؟
نوره:مافيني شي
وراحت نوره لغرف النوم حقت المخيم
ام سحاب:نجلاء شفيها نوره معصبه
نجلاء:مدري
ام احمد:الله نجول ماتعرف!
نجلاء:والله يايمه رفضت تتكلم
ام عبدالله:خلوها تجلس لحالها وتفكر وياخلصت تجي
ام سحاب:لاياختي نوره ماتترك لحالها
ام نايف :ليه
ام سحاب: تسافر مره ثانيه
ام عبدالله:غدير روحي لنوره واجلسي عندها
غدير:ابشري
_______________________________
(مخيم الرجال)
العيال كلعاده يلعبون بلوت
ابو عبدالله:ياعبدالله وين اخوك بهاج ماجاء للحين؟
عبدالله:يايبه هاذي سيارته موجوده اكيد بيجي بعد شوي يمكن عند امي
ابو عبدالله:ايه دامه جاء الحمدلله
ابو نايف : بعد يومين ابوي بيجي
ابو رائد:ابوي؟غريبه رفض بالبدايه يجي
ابو عبدالله:اكيد عنده علم كايد بيقوله
ابو نايف:اكيد
_______________________________
(بهاج)
بما انه متضايق قرر يبعد عن المخيم عشان مايأذي احد
جلس وقاعد يفكر ويفكر مليونن مره كيف يفهم نوره ان الي شافته غلط ونوره مستحيل تصدق كلامه وريم متى طلعت وخربت حياته
_______________________________
(مخيم الحريم)الساعه ٢باليل
طلعت نوره برا المخيم بعد ماتأكدت ان الجميع نايم
جلست بمكان قريب مرهه من المخيم ضمت رجولها(يكرم القارى)وتبكي
بهاج كان راجع لمخيم الرجال وسمع صوت بنت تبكي تقدم شوي وعرف انها نوره جلس جنبها بهدوء وضم نوره ونوره توقعت انها نجلاء اوغدير
نوره استوعبت ان العطر الي شمته عطر رجالي رفعت راسها لقت بهاج
بهاج رجع راس نوره لحضنه : كملي كملي بكى
نوره استسلمت ورجعت لحضنه وتبكي بصمت
وبهاج يمسح على شعرها ويقراء عليها قرأن
نوره تفكر وتبكي هل تسمعه ولا تتركه ولاتصدق عيونها؟
بهاج استغل الفرصه :اسمعيني نوره عارف انك ماتبغين تسمعيني لكن ترى الظلم شين وانا قبل خمس سنين كنت مدرب خيول وادرب البنات والعيال وكلهم اعاملهم معامله وحده الين بدا قلبي يلين الي احد المتدربات عندي بالاسطبل وهي كانت تقول انها تحبني ومن هاذا الكلام وجاء اليوم الي استجمعت فيه قواي وقررت اعترف عن حبي لها تدرين وش قالت؟قالت تحبني؟انا ماحبك انا مخطوبه م خ ط و ب ه بالحرف الواحد وانا من بعد ذاك اليوم وانا مو على بعضي ومن بعدها ماحبيت ولابنت بالعالم وقرر جدي يزوجني هيام وانا اعتبرها اختي وبعد خمس سنين طلعتي لي انتي وفعلآ حبيتك وانتي اعتبرتيني اخوك لكن ماتركتك وكل يوم يزيد حبي لك والين جاء قبل امس دخلت حياتي ريم من جديد يوم عرفت اني حبيتك وغيرت اسم الخيل من ريم لنوره وخطتها انها تخرب علاقتي معك وتمشي وجت ذيك الساعه وشافتك وتقدمت حضنتني وانا مابادلتها اتمنى تفهميني
نوره بحزن:ماهمي حبك قبل سنين همي تضاحيكك معها
بهاج : والله ويشهد علي الله اني كنت استهزئ فيها وحتى قلت لها"انتي هنا متدربه مافي شي بيننا قبل"
راحت نوره بلا رد
بهاج:نوره واعرفك ماراح تفهميني !
وراح ينام
اما نوره جلست تفكر هل يكون صادق ولاكذب بحرف ولاتصدق عيونها وهي ماتحب الظلم وتخاف تظلمه
_______________________________
(بعد يومين )
بهاج يحاول يراضي نوره الصاده عنه وماتسمع كلامه
_______________________________
(الصبح )
ابو عبدالله:يلا ياعيال ابوي بيجي قومو
ابو نايف:قوموووو يلا
عبدالله:قمت قمت
ابو رائد:قوم الثيران الي عندك
ابو هيام:بروح ازبط القهوه
عبدالله:ابشر الحين اقومهم
_______________________________
(مخيم الحريم)
ام احمد:ياعالمم قومو ابوي بيجي قومو
ام عبدالله:قومو لعنبو حيكم
سهام:يلا بنات قومو مو طبيعي نومكم
غدير :ها اي زين زين الحين اقوم
ام سحاب:يانوره وراك توطوطين عند الباب باليل!؟
نوره نايمه
غدير سحبت نوره: نوروههه شتسوين برا المخيم امس ؟
نوره بصوت مليان نوم : ايه زين
غدير:وش الي زين ؟اسالك تقولين زين
نوره هزت راسها بنوم بمعنى ايه
وقامو وغسلو ورتبو
_______________________________
(مخيم الرجال)
ابو عبدالله :ترو بكرا بنمشي
ابو نايف:ايه زين
رائد بهمس لبهاج:جدي بيجي الله يستر
بهاج :ايه هو ماجاء الا ويقول علم كايد ويخبصنا ويمشي
رائد:بيقوم الدنيا ويقعدها علينا
بهاج:الله يستر
دخل الجد عبدالرحمن بعصبيه
الجد عبدالرحمن بعصبيه:بالله تجمعو بخيمه وحده ماني بفاضي اعيد كلامي هنا وعند الحريم
ابو عبدالله:ابشر
رائد بهمس:هاذا حتى سلام ماسلام ناوي شر اليله
بهاج:ايه ياشيخ شوف نظراته كيف هههههههههه
_______________________________
(مخيم الحريم)
ام عبدالله :يلا ياحريم ويابنات البسو عبيكم وامشو لخيمه الرجال الجد عبدالرحمن يقول كذا
نوره: حتى انا؟
ام عبدالله:وليه لا منتي زوجه بهاج؟يعني من العايله يلا روحي البسي نقابك
نوره:تمام
وراحت نوره تلبس عبايتها ونقابها والبنات كذالك
_______________________________
(مخيم الرجال)
الجد عبدالرحمن:اففف وين هالحريم
ابو نايف:هاذهن جو
ودخلو الحريم والبنات بكامل حشمتهم
بهاج شاف عيون نوره من تحت النقاب واضح انها نامت والدمعه على خدها وجلس قبال نوره والجد واقف بالوسط
الجد عبدالرحمن:قم يااحمد قم قهوي الكل
وقام احمد وقهوى الكل
الجد عبدالرحمن بعصبيه:ببدا الموضوع بدون مقدمات واتمنى محد يقاطعني !
جاني خبر ان بهاج مايعدل بين زوجاته!وحفيدتي هيام اولى بزواجك ولاتهملها يابهاج عشان يتيمه ماتسوى ظفر من هيام
نوره شرقت بالقهوه الي معها وتجمعت الدموع بعيونها
بهاج:تكفى ياجد لاتقول هالكلمه
الجد عبدالرحمن:بقولها ياليتيمه يالساحر سحرتي بهاج
نوره طفح الكيل عندها وجت تبي تطلع من المخيم مسك عضدها الجد عبدالرحمن
الجد عبدالرحمن:لما اتكلم تسمعين الي اقوله يالساحره ياسراقه الرجال
نوره:هففف يالشايب العايب شكلك منت معديها على خير !
الجد بدون مقدمات اعطى نوره كف قوييي بس بقت واقفه صامله
بهاج الكف الي جاء نوره كانه جاء في قلبه وقام وصار بين الجد ونوره
بهاج بحنان:خلاص نوره تقدرين تروحين
ام سحاب قامت:خيرر يالطيب وين عايشين تمد يدك على بنتي اكسرها لك والله وبالله تمدها ثاني مره ماتشوف خير اهب ياذا الشايب المتعافي
نوره والدموع عالقه بعيونها قالت بصراخ :خيرر شايفني وحده من حفيداتك تمد يدك ياعلها للكسر مدها ثاني مره وشوف وش يصيرابك انت حرامم تتسمى جد انت شايب النار يالعايب
بهاج خاف على نوره لايجيها كف ثاني تفقد الوعي ومسكها واشر لغدير تجي تاخذها
وجت غدير خذت نوره الرافضه تطلع وطلعو برا المخيم ونوره انفجرت بكي
رائد بهمس:يااحمد وربي حرمه بهاج قويهههه هههههههه
احمد:جداا قويه
الجد عبدالرحمن:ايههه هنا تأكدت ان ولدكم مسحور !
بهاج:ماني بمسحور ولا شي
الجد عبدالرحمن:المهم بقول الي بقوله وبمشي ،بهاج ان وصلني علم انك هملت هيام ياويلك وياسواد ليلك !
بهاج بعصبيه يخفيها:ياجد انت تعرف انك مزوجني هيام اجباري وتجي تطلبني اعاملها معامله زوجه لاياجد معليش هيام ماهي بزوجتي !
ابو هيام:لاياشيخ اجل وش هي؟
بهاج بعصبيه : هيام على عيني وراسي لكن اعتبرها اختي وانتم تعرفون انكم مزوجيني غصبآ عني!
هيام: لا والله تعتبرني اخت ليش ماني بماليه عينك؟!
بهاج:منتي ماليه عيني !
مشى بهاج بيطلع لكن وقفه جده
الجد عبدالرحمن بعصبيه:بهاجج عاملها زين ترى هيام حفيدتي المفضله تهملها ياويلك
طلع بهاج يدور نوره بعيونه
_______________________________
(مخيم الحريم)
نوره جالسه تبكي :اخخ ياحر كبدي ياغدير قهرنييي ياخيي
غدير:معليه شايب وهاذهو هاذا طبعه
نوره ببكي : بنهايه عمره يسوي كذااا
دخل بهاج وتقدم لنوره الي قاعده تبكي
بهاج فك النقاب والطرحه عن نوره يشوف الكف قوي ولالا
نوره ببكي:بهاج بعد عنيي تكفىى
بهاج مسك فك نوره يشوف اصابع جده على خدها الناعم: الكف قوي
نوره ببكي: تكفى رح لهيام وفكني شر جدك
بهاج ضم نوره وغدير طلعت
بهاج شاف ان وضع نوره هنا خطر عليها بوجود جده وسمع ان جده بيجلس لين المغرب مسك يد نوره ومتجهه لسياره
نوره بصدمه :بهاج فك يدي
وركبو السياره ومشو
_______________________________
(مخيم الرجال)
راحو الحريم لمخيمهم
الجد عبدالرحمن:عاد انا قلت الي جاي بقوله وعلمو ولدكم المسحور يترك الساحره ويحط عينه على حفيدتي هيام !
ابو نايف:عين خير يابوي الولد ماهو بمسحور ولاشي لكن الولد طاح بهالحب والله مايرفع راسه دامه طاح بالحب
ابو عبدالله:يابوي انت تدري اننا اجبرنا بهاج على هيام وهو رافض فكره زواجه من هيام خصوصاً
ابو رائد:يابوي الله يهديك الحين لو اجبرناك على شي ماتبيه بتوافق؟؟
الجد عبدالرحمن:لا
ابو عبدالله:خلاص نفس سالفه بهاج اجبرناه وهو مايبي طبيعي يتصرف ببرود مع هيام لانه مجبور عليها وهو لقى نوره وحبها حب طاهر وتزوجها
ابو هيام:انا اشوف الحق مع بنتي!
ابو عبدالله:اي حق الله يسهل دربك اذا الولد مجبور يتزوج بنتك اساساً زواجهم مستحيل يكمل سنه واذا كمل بيعامل هيام ببرود وكره ،طيب كلنا نتفق ان بهاج مستحيل يمد يده على بنت ولاراح يمد يده على هيام لكن راح يجرحها كثيرر ويكرهاا عيشتها لانه مجبور عليهااا!
الجد عبدالرحمن:انا قلت الي قلته يترك هالساحره ويرجع لهيام وهيام اولى ببهاج من هالساحره ،وانت يارائد قم صب لي قهوه
رائد:سم
_______________________________
(خط الرياض)
نوره طولل الطريق تبكي بصمت وهدوء بس عيونها دموع وبهاج مبتلش مايعرف يتعامل مع بنت متضايقه وتبكي وارسل رساله لغدير
بهاج:سلام غدير بسألك البنت اذا تضايقت وش اسوي؟!!
غدير:ياهلا شوف البنت اذا تضايقت ماتكون صعبه عليك تهديها اولاً الحضن يهدي من ضيقتها خصوصاً حضن الام !
بهاج:حضن الام !طيب واذا ماعندها ام ؟
غدير:انت احضنها! ثانيآ اعطها بطاقتك البنكيه وودها المول ممكن انك راح تخسر ثروتك من بعدهاهههههههههه لكن تستاهل نوره تدفع كل شي عشانها ثالثا الكوفي اهم شي البنت تحب الكوفي رابعآ عاملها بلطف وحنان مو تجرجرها من يدها
بهاج:تمام شكرا يعطيك العافيه
غدير:مابيننا
وفقل جواله ووقف السياره على جنب ونزل وفتح باب نوره ونزلها من السياره وحضنها حضن حنان ونوره انهارت بحضنه وهو قاعد يمسح عليها ويسمي
بعد دقيقتين نوره استوعبت انها زعلانه عليه ولابد من الثقل ابعدت عنه واعطته نظره عتاب وبهاج منلخم من استيعاب نوره البطيئ
بهاج:شفيك؟
نوره:مافيني شي لاتكلمني
بهاج بضحكه:ابشري ههههههههههههه
ركبت نوره السياره وحست بشعور غريبب اتجاه بهاج لكن تجاهلت هاذا الشعور ورجعت لدوامه سالفه ريم وسالفه جد بهاج
وركب بهاج السياره وبيروح للمول عشان نوره
_______________________________
(مخيم الحريم )
ام سحاب:اخخ ياختي لو انا متوطيه ببطن هالشايب وش بيصير 
ام عبدالله:عيني خير ياختي
ام سحاب: فقع كبدي الله يفقع كبده بس سوال يومنه يحط حيله بذي المسيكينه النوري ويجرحها بالكلام المروح !وينها نوره الحين
غدير:لاتخافين عليها بهاج خذاها
ام سحاب:لاإله الا الله راح يكمل عليها
غدير:لاياخالتي راح يغير جو لنوره
ام سحاب:ياحبيبي يابهيج يراضي النوري الله يسعده
ام عبدالله:امين
_______________________________
(البنات) ماعدا هيام
جتهم غدير
نجلاء:ارحب ارحب يانقال علوممم
غدير:مافي علوم ولاشي
سهام:افف غميضه
نجلاء:بناتت ماتوقعت جدي كذا
وداد:اوكي كلنا نتفق انه يهاوش ويخرب الجو بس غريبه يمد يده
الهنوف:غريبتين
غدير:ياعمري يانوره لما جاء بهيج وشاف مكان الكف شفته كان مرهه قويي
نجلاء:ياعمريي عاد هي خدودها تنجرح من الهواء كيف اجل الكف
سهام:الكف حفر خدودها
الهنوف :يوههه
وداد:نوره وينها؟
غدير:مع الحبيب
نجلاء:الله يرزقني زوج يراضيني كذا حتى لو ماسوى هو شي هههههههه
غدير : هههههه
_______________________________
(المول)
وقف بهاج السياره والتفت ل نوره :امسكي هاذي البطاقه روحي خوذي الي تبين
نوره :مابغى عندي
بهاج:خوذي يابنت الحلال عن الكبر وعزه النفس الي فاهمتها غلط !
نوره:لاوالله عشان تنطبق الاشاعه صدق علي!
بهاج:اي اشاعه؟
نوره:اغلب الناس تقول ان نوره طمعانه بفلوس بهاج
بهاج بصدمه: وشووو!
نوره:الي قلته
بهاج :امسكي البطاقه ومعليك من الناس انا زوجكك فلوسي فلوسك افهميي
نوره :مابغى
بهاج مسك يدها وحط البطاقه فيها :انتي روحي خوذي راحتك وانا بجلس هنا على ماتخلصين
نوره بفرحه تحاول تخفيها:الله تخيل تشتري بفلوس غيرك وانت ماتدفع ريال الله وناسه شعور حلوووو ههههههههههه
بهاج بضحكه:حلالك هههههه
نوره تحمست وقامت وباست خد بهاج بدون لاتحس على نفسها وبهاج منصدم مو مصدق ان البوسه صدقيه وصار في حاله انصهار ماع الاخ مو مصدق يتوقعه حلم
نزلت نوره وفتحت باب بهاج :انزل
بهاج:ليش
نوره مسكت يد بهاج:انزل وانت ساكت رجاً
نزل بهاج ونوره ماسكه يده :نوره انتي روحي اشتري الي تبين وانا بجلس هنا
نوره :لا ليش تجلس؟
بهاج:عشان تاخذين راحتك
نوره : لاماراح تجلس بتروح معي
بهاج بقله حيله:هههه تمام
دخلت المحل الاول ماجاز لها والثاني والثالث دخلته وراحت قسم البلوفرات
نوره ماسكه بلوفر لونه بيج:بهاج شرايك فيه؟
بهاج:بطللل
نوره خذت ٢بلوفر والمقاسات تختلف واحد كبير واحد صغير
بهاج:طيب ليش ثنين نفس اللون غيري اللون
نوره:شوف هاذا لك وهاذا لي
بهاج بصدمه :لي؟!
نوره:ايه ليش ماعجبك؟
بهاج:حلو واعجبني بس منصدم هههههه
نوره نزلت البلوفر :خلاص روح خذ اللون الي اعجبك
بهاج خذا البلوفر الي نزلت نوره:لالا حلو هاذا
نوره:اكيد؟
بهاج:اكيدين
نوره بضحكه:حلووو هههههههههههه
بهاج بهمس:اخخ يالضحكه الي تسلب العقل والقلب
نوره:وش تقول؟
بهاج :اسمعي انا تعبت بجلس هناك واذا خلصتي تعالي تمام
نوره:تمام
وجلس بهاج يهوجس بالبوسه الي جته من نوره
ونوره من محل لمحل
_______________________________
(البنات)
جتهم هيام فرحانههه
نجلاء:مضيعه ياختي مو وقت فرح هاذا
هيام:لاحبيبتي وقت فرح هاذا
سهام:سبب؟
هيام:حبيبي بهاجي رجع لي
نجلاء بهمس لغدير:غدير هاذي تقول بهاجي وبهاج ماعطاه وجهه ونوره تقوله بهاجوهه اعطاها وجهه هههههههههه
غدير بهمس:اييه هههه هاذي شلون لو تدري ان بهاجيي على قولتها طالع مع نوره
نجلاء:احسن خلها تعرف عشان تموت قهرر
غدير:نجول شيطانك مو وقتها
نجلاء بصوت عالي:حبيبتي هيام بهاجيي حقك مع نوره هههههههه
سهام بصدمه:نجلاء خلاص اسكتي يرحم والديك
نجلاء:ولا بزودك من الشعر بيت راحو للمول وللكوفي حبيبتي ضفي كرامتك احسن لك
هيام بصراخ:ايشش ايشش الساحره مع بهاجي !!!!
نجلاء اعطت هيام كف طير وجهه هيام :الساحرهه انتي وامك نوره مو ساحره
البنات كلهم بصدمه:نجلاء خلاص !
هيام قاعد تستوعب الكف الي جاها دفت نجلاء:خير تمدين يدك !
سهام:بنات نجلاء قلبت ابو سالم صدق!
نجلاء تقدمت لهيام وهيام تقدمت لنجلاء وقعدو يتهابدن
والبنات يفكون بينهم
غدير وسهام والهنوف ماسكين نجلاء ووداد ووئام ماسكين هيام
_______________________________
(المول)
بهاج جواله مايسكت كل دقيقه (تم سحب المبلغ الفلاني ) ويضحك على نوره وهي من محل لمحل واخيراا جت نوره ومعها اكياس ومعها عاملين وراها ماسكين اكياسها بهاج استغرب من العمال الي يمشون ورا نوره
بهاج:خير يالطيب تمشي وراها ؟
العامل: هادا مدام يبقى كدا
بهاج:خلاص يعطيك العافيه نزل الاكياس بالسياره ورح
العامل الثاني:لا بابا لازم يدفع انت فلوس
بهاج :خلاص امسك هاذي ورح لسياره
وراح العامل وبهاج التفت على نوره المبتسمه بوهقه
بهاج:وكل هاذا لك!
نوره:لا اي
بهاج:شلون اي لا ؟!
نوره: شريت لي وشريت لك
بهاج:وليش تشترين لي؟
نوره بوهقه: كذا اعجبني ملابس رجاليه وخذيتها لك
بهاج بعصبيه خفيفه:ياخبله ماقصدي ليش تشترين لي ماعندي مشكله
نوره:اجل ليش تسوي سالفه
بهاج بعصبيه خفيفه: ليش دخلتي قسم الرجال وانتي بنت!
نوره :عادي خذيت ملابس وطلعت مافيها شي
بهاج بعصبيه تنهد:هفف قدامي يلا على السياره
نوره:رجعنا على امشي قدامي
بهاج مسك معصم نوره بقوه ومشى
نوره تضرب يد بهاج بخفه: بهاج فك مو قدام الناس تسوي كذا
بهاج ساكت
نوره:طيب ترى توجع!
بهاج شد زياده على يدها بدون لايحس
نوره بدموع من الالم :بهاج يدي بتنكسر فك
بهاج:اسكتي وامشي
نوره بألم:بهاج يدي يدي بتنكسر فك تكفىىى
بهاج لازال شاد يده على يد نوره الناعمه وفتح باب السياره وركب نوره وركب ونوره تفرك يدها
بهاج مسك يد نوره وهو يشوف مطابع اصابعه على معصمها
بهاج:معليش
نوره هزت راسها بمعنى تمام
_______________________________
(البنات)
نجلاء:فكوني بنات اسطرها الحيوانه
وئام :نجلاء تبعين بنت خالك عشان بنت غريبه !
نجلاء:ابيعها وابيعك وراها !
غدير بصراخ:خلاص وئام طلعي هيام ماتشوفين حال نجلاء
سهام مسكت هيام وطلعتها
وهدت نجلاء :اففف بنات لو باركه عليها
الهنوف: هي لو باركه عليك بتموتين عاد هي ماشاء الله ضخمه
وداد:ايه ماشاء الله
_______________________________
(مخيم الرجال)
الاوضاع عندهم متوترهه خايفين على بهاج من الجد الي مو ناوي خير الليله
عبدالله بهمس:يلا ياعيال نطلع اذا جلسنا هنا بيفصلون علينا
نايف:اي بالله لازم نطلع
احمد :يلا ي رائد امش نطلع
رائد هز راسه برضى
طلعو من المخيم وجلسو بعيد عن المخيم وقعدو يسولفون وكذا
دخلت هيام على عمامها وجدها تبكي
قام الجد عبدالرحمن:شفيك ياهيام !
هيام ببكى:بهاج
الجد عبدالرحمن:وش فيه ؟
هيام ببكى :طلع مع الساحره نوره وخلاني هنا ونجلاء قامت تضربني
ابو نايف :كيف نجلاء تضربك وبنيتك انتي ماشاء الله دبل نجلاء
الجد عبدالرحمن:اخخ يابهاج وينكك والله ماتمسي اليوم الاوانا معكر مزاجك روحي خلي نجلاء تجي !
هيام بفرحه:تمام جدو
_______________________________
(في زحمه الرياض )
بهاج معصب ويلعن ويشتم السيارات ونوره خايفه ينزل يذبح البشريه
بهاج:يابهيمه سوق زين لاتلف عليي
الرجال:انا بهيمه؟
بهاج بعصبيه:ايههه امش يلا
الرجال:عيد كلمتك الاولى
نوره مسكت بهاج بخوف:خلاص بهاج طنشه وامش
بهاج نزل بعصبيه: حلووو تبيها مضاربه يعني !
الرجال:ايه
تقدم بهاج واعطى الرجال لكمه بفك الرجال وبدو يتضاربون وبدو الناس يتجمعون ويفكون بينهم جاء الرجال انسحب من المضاربه وانحاش وبهاج ركب السياره لقى نوره خايفه
بهاج بخوف على نوره:نوره شفيك ؟
نوره بخوف:ليش تضرب الرجال الحين تدخل السجن !
بهاج:لاليش
نوره:انت ضربته
بهاج :عادي 
نوره:اففف بيجلطني هالولد
بهاج حرك السياره: عادي كنت سابقاً مصارع الحاره هههههه
نوره بضحكه:حلووو قناصه الحاره ومصارع الحاره ربي جمعهم هههههه
بهاج:ايههه هههههههههههههههههه ،طيب وين نروح ؟
نوره:في كوفي قريب من هنا جديد توه فاتح
بهاج بينه وبين نفسه:حلو نفس كلام غدير البنت تحب الكوفيات
بهاج:تمام نروح له
_______________________________
(مخيم الرجال)
جت نجلاء ووراها هيام
الجد عبدالرحمن:نجلاء صدق الي سمعته
نجلاء:ايه
الجد عبدالرحمن:يعني صدق انك ضاربه هيام؟
نجلاء:ايه ضربتها ورفستها بعد
الجد عبدالرحمن:ليه عشان هاساحره؟
نجلاء:ياجد احترم نفسك ولاتقلط بنيه نوره انتبهى الاالظلم !
الجد عبدالرحمن:انا اشوف بهاج طايح على وجهه وحبها !اكيد سحر
نجلاء:ياجد صرت انا اعلمك الصح والغلط وقلت لك بهاج حبها حب بس ماسحرته
وطلعت تاركه الجد عبدالرحمن منلخم
_______________________________
(الكوفي )
نزل بهاج ونوره وطلبو قهوتهم وجلسو بالطاولات
نوره:بهاج
بهاج :لبيه
نوره:بهاج ليش ماخفت يوم تضرب الرجال؟
بهاج:ليش اخاف
نوره:من السجن
بهاج:ماسويت شي
نوره:برودك يجلط
بهاج:بسألك انتي الحين خفتي يوم تسطرين هيام؟
نوره:لا ماخفت
بهاج:خلاص نفس الشي
وقعدو يسولفون
_______________________________
(المخيم ) بعد صلاه العشاء
اشتد عليهم المطر والعواصف والعجاج
ابو عبدالله:يلا ياعيال ادخل اشتد المطر وانت يابوي الظاهر ماتقدر ترجع للبيت بهاذي الاجواء
ودخلو الرجال الخيمه وسكروها
ام عبدالله:يابنات كلكم كاملين محد ناقص؟
سهام:نوره بس
ام سحاب:نوره ماجت؟
غدير:لا وبهاج مايرد اتصل عليه مقفل جواله ونوره كذاك
ام عبدالله بخوف :الله يستر عليهم
ام سحاب:ياويلي ويلاه لاحد يجي لاحد يجي اقعد فبيوتكم لاحد يجي
نجلاء بضحكه:ويلا ويلاه يوه يوههه ههههههههه
وجلسو ينتظرون من بهاج ونوره رساله على الاقل
_______________________________
(الكوفي)
نوره تصور وتنزل سناب وبهاج يحاول بنوره تمشي لان مو راضيه تطلع الين تضبط الصوره
بهاج:نوره مو كل شي تصورينه امشي
نوره لفت الجوال وحطته بعين بهاج:عانو(شوفو) ياستريك هاذا مادري وش قومه دابلن كبدي من الصبح امشي امشي اتمنى منكم ياستريك تشيلونه عني
بهاج يحاول يشوف بعد مانوره دخلت الجوال بنيته : نوره خلاص تصوير امشي
نوره رجعت لفت الجوال عليه:الله شكلك طالع صاروخ خلني اصورك صوره احترافيه
بهاج:امشي امشي
نوره وهي تصور :كما تشوفون ياستريك هاذي حياتينا امشي وامشي
وقفلت التصوير
بهاج :ومن معك بالستريك؟
نوره:معي مو كثير غدير ونجلاء وسهام ووداد والهنوف وخالي زيد وصيته وسهى بنت ام حمد و انوار بنت ام معاذ ومرام بنت....
قاطعها بهاج:بس بس خلاص كل هاذولي عرفونيتي
نوره بضحكه:باقي ماكملت هههههههههه
بهاج:امشي يلا تبيننا نرجع للمخيم
نوره:تمام
_______________________________
(مخيم الحريم)
ام سحاب :اخخخ وينك يانوره لو لقيتك هبدتك لين تقولين امين
ام عبدالله:اخخ وينك يابهاج وينكك
ام نايف :لو لقيتهم هبدتهم
ام وائد:عز الله عقوبه يومهم يقفلون جولاتهم ليش
ام احمد:استهدو بالله الدنيا امطار وعجاج طبيعي يقفلون جولاتهم
جتهم غدير تركض:يمه خالتي نوره ترسل
ام سحاب:وريني
اعطتهم جوالها وقاعدين يشوفون ستريك نوره
ام عبدالله بضحكه:ياحليلهم ههههههههه
ام سحاب بضحكه:وهالنوري دخلت الجوال بعين الولد ههههههه
غدير:يقولون بالطريق شوي ويجون
ام عبدالله:بالطريق؟!كيف يمشون والدنيا غرقانه
ام سحاب:وهه الله يستر عليهم
غدير :انقطع الاتصال وش الدبره؟
ام عبدالله:ننام واذا جاء الضحى نمشي
غدير:حلو
ونامو
_______________________________
(بهاج ونوره)
طالعين من الكوفي متجهين للبر او المخيم
نوره:بهاج المطر كل دقيقه يشتد شلون نمشي؟
بهاج دق الصدر:معليكك الطاره بهاج
نوره:الله يستر
مشو شوي
العسكري :لو سمحت ديور الطريق مسكر
بهاج:مسكر؟!كيف طيب اهلنا هناك
العسكري:العذر والسموحه منكم لكن مسكر الطريق بسبب السيول القويه
بهاج:طيب بدخل وانا اتحمل اخطائي
العسكري:والله مانقدر في سيول قويه وخصوصاً ان انت مو لحالك معك حرمتك
بهاج:تمام يعطيك العافيه
العسكري:هاذا واجبنا
ومشى بهاج بالسياره وهو مو عارف وين يروح
التفت لنوره الخايفه من السيول القويه والشوارع الغرقانه :طيب وش الدبره؟
نوره:مالي دخل ترجعني للمخيم !
بهاج:وكيف ارجعك للمخيم
نوره:مثل ماجبتني هنا ترجعني!
بهاج بضحكه:استغفرالله انتي الحين ميته خوف عشان الشوارع غرقانه وتبيننا نروح للمخيم وفي سيول قويه هههههههههههههههههه
نوره:طيب اذا مارجعنا للمخيم وين نروح! فكر
بهاج:وين بنروح يعني اكيد لفندق
نوره:مابغى
بهاج:رجعنا للعناد ،لاتبين غصب عنك
نوره:مابغى
بهاج:ايه ايه خليك على عنادك
ونزل بهاج لفندق واستأجر وخلص الامور وطلع لنوره
بهاج فتح باب نوره المتكتفه وزعلانه:يلا انزلي
نوره:مابغى
بهاج بأسلوب تهديد:اقسم بالله يانوره ان مانزلتي الحين اني لاشيلك وافشلك بين الناس ها تبين تنزلين ولا شلون؟!
نوره نزلت:بهاج ياورع قصر صوتك فضحتنا !
بهاج:احسن تستاهلين
نوره شمقت له وراحت
بهاج تنهد:اففف يالله تعين من هالخبله راحت وماتعرف رقم الغرفه
نوره استوعبت انها ضاعت بالفندق
بهاج شاف طرف عبايه نوره وتقدم واضح عليها الخوف
بهاج من ورا نوره:بوهه
نوره بفزه:بسم الله الرحمن الرحيم شفيك بزر انت؟!
بهاج بضحكه:تستاهلين هههههههههههههههههه
نوره:ايه ياالعقيد بهاج وين الغرفه؟
بهاج ببتسامه:اول مره احب اسمي
نوره بنعاس:بهاج بلا استهبال وين الغرفه بنامم
بهاج:فوق بالطابق ٥
نوره:تمام
بهاج بكذب: ياست نوره المصعد خربان ههههه
نوره بصدمه:ايششش!
بهاج بكذب:صدق مافي مصعد في درج بس
نوره:تكفى لاتقولها !
بهاج:يلا عادي رياضه رياضه
نوره:امحق
بهاج :يلا قداميي امشي
نوره:رجعنا
وفعلا مشت كذبه بهاج على نووه واتجهو للدرج وصعدو الدور الثالث كعابي
نوره جلست :اففف هاذا وانا ماصعدت الاشوي كيف والغرفه بالدور الخامس
يهاج بضحكه على شكل نوره المنهار على الدرج:قومي ي حياه الفهد هههههه
نوره :تكفى تصرف مقدر اكمل لدور الخامس
بهاج:تراني العب نادي واشيل اثقال اشيلك
نوره:لا شيل نفسك بالاول هههههه
بهاج بضحكه:لاتحديني اطبق
نوره :لاتطبق ولاشي شل نفسك واطلع
بهاج :حلووو انتي الحين تحديني على شيلك
نوره انحاشت
بهاج بضحكه:هياط هههههههههههههههههه
نوره تشأر بيدها:باي
بهاج:اشك ان عليك قل صح المهم تعالي بصارحك
نوره:الله يستر
بهاج:المصعد يشتغل هههههههههههههههههه
نوره:خير ورجولي (يكرم القارى)الي تكسرت !
بهاج بضحكه:وش اسوي اذا انتي تصدقين بسرعه هههههههه
نوره:لاتكلمني
بهاج :هههههههههههههههههه
واتجهو لمصعد الدور ٣ ودخلوه
نوره:حشى لو حنا مكملين ابرك
بهاج:وتحلطمك قبل شوي وش تصريفه
نوره:طيب باقي دورين ونوصل توك تتكلم
بهاج :ايه عادي رياضه
نوره:ترى ماراح تنام اليوم وتحمل خطاك
بهاج:ليه
نوره:رجولي(يكرم القارى) بتعورني ههههه
بهاج:هههه عادي
وطلعو من المصعد متجهين للغرفه
بهاج جلس على طرف السرير ونوره تفك عبايتها ونقابها
نووه تقدمت لبهاج وحطت يدها على خده:بهاج وش هاذا المضرب ؟
بهاج:مسرع نسيتي يوم اتضارب مع الرجال
نوره ضربت كاب بهاج : وتقولها بكل ثقه بعد
راحت تجيب ثلج وجابت وتقدمت لبهاج وحطت الثلج على خده وبهاج صدق عمره وقام يتشكى جسمه كله
بهاج بكذب:اخخ يانوره كل شي بجسمي يوجعني
نوره شالت الثلج عن وجهه:وش يعورك بالضبط؟
بهاج:ظهري وراسي ويديني وبطني وكل شي
نوره: بجيب حبه واجيك
بهاج مسكها:لالا مابي حبه مايحتاج كملي كملي شغل الثلج
نوره رجعت الثلج على خده وتهاوشه لايتهاوش مع الناس الغريبه وهو ذايب
نوره:طيب يالطيب وين انام؟
بهاج انسدح بالسرير :كيفك تبين تنامين عندي ماعندي مشكله  هههههه
نوره رمت عليه المخده:انام بالكنب افضل لي
بهاج:براحتك ههههههه
نوره خذت البطانيه والمخده وراحت تنام بالكنب
بهاج:نوره امزح معاك تعالي نامي بالسرير وانا انام بالكنب
نوره:لاعادي مو مشكله واساساً انت ظهرك يعورك
بهاج:لاصدق تعالي هنا وانا انام بالكنب
نوره:لاعادي معجبني المكان ونومه الكنب
بهاج:كيفك بس ترى راح يوجعك ظهرك
نوره:عادي عادي
بهاج بطفش:افف طفش مو راضي يجيني النوم
نوره :طيب بما انك طفشان قلت خليني اقرقر فوق راسك
بهاج بضحكه:اسلم يالراديو هههههه
نوره:بهاج تتذكر البنت الصغيره الي كنت تتنمرعليها وتقول لها ياليتيمه من بيتزوجك وجهك مو حلو يععع تتذكرها؟
بهاج:اوهه ذيك البنت الصغيره اتمنى تسامحنيي على تنمري عليها
نوره:بهاجج خلنا واقفين عند نقطه من بيتزوج البنت الصغيره؟
بهاج :الله يوفقها ويسر حالها
نووه:ممكن اعرف سبب تنمرك عليها؟
بهاج بضحكه:بصراحه كانت جميلهه جمال يشلع القلب وماكانت تعطيني وجهه وكان العيال كل ابوهم يجون عندها وتلعب معهم الا انا ماتلعب معي فاكرهتها هههههههههه
نوره:ههههههه ثقيله من يوم هي صغيره
بهاج :طيب كيف عرفتي اني اتنمر عليها ؟
نوره: طيب تعرف انك الان متزوج البنت الصغيره اليتيمه الي قلت عنها من بيتزوجك؟
بهاج عدل جلسته بصدمه:نوره!انتي البنت الصغيره!تكفين قولي لا
نوره:مع الاسف انها انا البنت اليتيمه
بهاج تقدم لنوره:تقبلين اعتذاري؟
نوره:مو مشكله كنا اطفال
بهاج ابتسم وهو كان يحب هالبنت من يوم هي صغيره ومن بعدها اختفت
_______________________________
(الصبح في المخيم)
ابو عبدالله:استانسو ترى بنمشي قبل صلاه الظهر
قامو العيال يدورون فعاليات لانه اخر يوم
والبنات كذالك يدورون فعاليات بالعاده المستشار نوره تعطيهم فعاليات
_______________________________
(بهاج ونوره)الصبح٦:٣٠
بهاج صحى على اتصال من دوامه عشان يجي في شغله مهمه لازم يجي يشوفها وقام غسل وصلاء والتفت لنوره الواضح ماهي متهنيه بنومتها تقدم وغطاها بالبطانيه وراح يجيب لبس الدوام من السياره وجاب معه فطور لنوره دخل الغرفه لقى نوره على نفس وضعيتها ولبس وافطر جاء بيطلع لكن تذكر نومه نوره الغلط على الكنب تقدم ونزل لمستوى الكنب وابعد خصلات شعر نوره الي على وجهها ويتأمل ملامحها الجميلهه ووقف وشالها وحطها بالسرير وغطاها بالبطانيه وحط الفطور على الطاوله وطلع
_______________________________
(مخيم الحريم)
غدير:اففف بنات مو طبيعي مافي فعاليات
نجلاء:صدق مستشار الفعاليات وين
سهام:صدق نوره تجيب فعاليات من تحت الارض
الهنوف بضحكه:نوره طايحه بالعسل ههههههه
غدير بحزن:مع الاسف مافي عسل ولاغيره علاقتهم علاقه اخوان
وداد:الصراحه نوره رافسه النعمه
نجلاء:صدق ،تخيلو احد يحبني مثل حب بهاج لنوره
غديربضحكه:يعني حتى باحلامك نجول ماتجيي ههههههه
نجلاء:ابصم لكم بالعشره نوره تحب بهاج لكن هي بنفسها ماتعرف تعبر
الهنوف:ايه واضح الحب يطلع بعيونها
وداد:ايه صح بنات ريم منين طلعت
سهام:عقب ماستقر بهاج بحياته تطلع من جديد
نجلاء:اخخخ يابنات تقل شوشه سكني
غدير:نجلاء تعالي ساعديني بشيل الماء
نجلاء عرفت ان غدير تبي شي :تمام
وكملو البنات سوالفهم
_______________________________
(برا الخيمه)
غدير :نجول نوره منهاره داخليآ ونفسيآ
نجلاء:افاا ليشش
غدير:مقدرت مااقول لك خصوصا ان انا وانتي اقرب لنوره ف نوره عرفت ب سالفه ريم
نجلاء بصدمه:ايششش!عرفت!
غدير:مع الاسف وفهمت غلط وحاولت اخليها تتكلم بالموضوع بس شكلها بلحين زعلانه على بهاج
نجلاء:دقيقه دقيقه كيف عرفت
غدير: الحين لما بهاج اخذ نوره من المخيم للاسطبل عشان عمام نوره مايأذونها وراحت معه ولما راحت تجيب مشروبات وجت لكن كانت بعيد شوي بس تشوف حركاتهم وبذا الوقت بهاج ضحك بأستهزاء لريم وفهمت غلط نوره وريم شافت نوره وتقدمت وحضنت بهاج تحت انظار نوره !
نجلاء: اخخخ ياريم تقهررر وش تبي بناس عايشه حياتها الجنيه !
غديربضحكه:وبهاج يقول ان نوره اعدمت وجهه ريم هههههه
نجلاء بفرحه: علي الطلاق ان نوره كفوو بنت كفوو اشهد بالله انها بنت محمد ووصلي العلم لريم قولي تكاليف عمليه التجميل حقتك على نجلاء هههههه
بردت كبدي نورهه الله يبرد كبدها
غدير:هاذا كله كلام بهاج نوره رفضت تتكلم اوانها تفضفض لي
نجلاء:نوره اعرفها مستحيل نفضفض او تتكلم عن شي مضايقها ف سهله الدعوى
غدير:طيب وش نسوي ؟
نجلاء: نتصل على صيته هي اقرب وحده بيننا لنوره
غدير:ايه صيوت تجبر بالخاطر لازم اتصل عليها اعلمها السالفه عشان نوره ماتكتم
نجلاء:ايه صادقه
_______________________________
(الديره)
صيته جالسه بالمجلس تاكل رغيف وشاهي وتتابع مباراه معاده
صيته:افف يانوره الديره من بعدك طفشش بهاج هذا خذاك مني لازم اشوف له حل
اتصل على جوالها رقم غدير
قالت بهمس: شكلها عرفت اني سبيت اخوها ههههه
صيته:ارحبييي تراحيب المطر يالدوله المستقله
غدير:البقى يابعد قلبي
صيته بضحكه:اصبري اصبري بكح طلع غبار منك ههههههه
غدير:ههههه لدرجه مغبر
صيته:ههههه مو ذك الزود
غدير:والله ياصيته جايتك بعلم يخص النوري
صيته:شفيها نوره !
غدير قالت لها السالفه من الالف الين الياء
صيته:ايشش!!!نوره ماتكلمت ليشش
غدير:نوره حتى ماقالت لي قال لي بهاج
صيته:تمام تمام متى ترجعون لبيوتكم عشان نوره ترجع لديره استفسر معها ؟
غدير : اليوم بنمشي بس ماظن ان نوره ترجع لديره اليوم
صيته:ليش؟
غدير:في موعد اليوم لخالتي ام سحاب بتروح معها
صيته:طيب وينها حماره القايله نوره؟
غدير:مع بهاج بس مقفله جوالها ماترد علينا من امس
صيته:تمام اوريك يانوره تجحدين علي علم كايد هين هين يانوره
غدير:كفخيها ماوصيك
صيته:لاتوصين حريص
وقفلت الخط وراحت تلبس نظارات امها تدرس حال نوره واسباب جحدها للخبر
_______________________________
(نوره)٧:٠٦ ص
صحت من النوم لقت نفسها بالسرير وهي نايمه بالكنب وش الي صار
قامت تستوعب ان بهاج حطها هنا وراح هنا بهاذي اللحضه تمنت الارض تنشق وتبلعها
قالت بهمس:اففف نوره الحين وين تودين وجهك من بهاج
قامت تهوي نقسها وتهدي نفسها
قامت غسلت بدلت ملابسها وافطرت وفتحت جوالها اخيراا وماوقف رسايل لمحت رقمه بين الناس كلها فتحت الرساله كان مكتوب فيها
"نوره شوفي حطيت لك فطور على الطاوله افطري واذا مااعجبك قوليلي اجيب لك وتراني بتأخر شوي عليك يعني بنتأخر على المخيم اعذريني "
قالت بهمس:حنون الله يقلعه حنون هههههههههه
ردت عليه:مشكور ماتقصر الفطور كويس ودام الدعوى شغل ماهي مشكله تتأخر بس ها مو تتأخر مره !
رد عليها بسرعه:اساسا خلصت شغلي بس بقى شوي ولا انا مرسل الرساله الساعه٦ هههههههه تمام تجهزي واجيك ونروح للمخيم نودعهم ونمشي للمستشفى
نوره:مستشفى؟لمن؟
بهاج:لخالتي ام سحاب اليوم موعدها
نوره تكتب والدموع بعينها:تمام
وقفلت الجوال وقعدت تبكي وتفكر هل تقدر تعيش بدون جدتها ؟ مسحت دموعها وتنفي فكره مرض جدتها !
_______________________________
(المخيم )٧:٣٠ ص
غدير ونجلاء ورا الخيمه يتكلمون عن موضوع نوره
البنات كلعاده يحشون بخلق ربي
هيام ووئام يدورن سبب يفرق نوره وبهاج
العيال لقو فعاليه والي هي فك وركب بالسياره
والجد عبدالرحمن ينتظر بهاج احر من الجمر
والرجال متوترين من الجدوعبدالرحمن
والحريم ينضفون المخيم
_______________________________
(بهاج)
طلع من دوامه بعد ماخلص اشغاله ومتجهه للفندق ودخل الغرفه لقى نوره بحاله لايحسد عليها جالس تعض اظافرها وتهز رجلها(يكرم القارى) ومعرقه وتفكر والدموع بعيونها 
تقدم بهاج بخوف عليها:نوره شفيك منتي على بعضك !
نوره التفتت:بهاج! بهاج جدتي بتموت؟
بهاج عرف ان جتها الافكار في موت جدتها:لالا بنعالجها ماراح تموت ان شاء الله
نوره بدموع :بهاج تكفى خلينا نسوي شي
بهاج جلس جنب نوره وحضنها على جنب:نوري يابابا كلنا بنموت وهاذي سنه الحياه كل مخلوق بالحياه بيموت سوى بمرض ولابدون كلنا بنموت انا وانتي وجميع الخلق
نوره شدت على تيشيرت بهاج وتبكي:بهاج
بهاج فهم ان ماعندها رد ومسح على شعرها: امشي امشي نروح للمخيم ونعين من الله خير
قامت نوره تلبس عبايتها ونقابها ولبستهم وتقدم بهاج ومسك يدها يهدي فيها
ونزلو لسياره وفتح باب نوره وركبها وسكر الباب وواح للبقاله يشتري مفرحات ل ملك وسلمان ولابد انه يشتري لنوره عشان تهدي من روعها
وجاء واعطى نوره الاكياس:هاذا ل ملك وسليمان وانتي هاذا كله لك
نوره:لاشدعوا كلها لي امسك امسك كل معي بعدين انا توي مفطره شبعانه
بهاج:لابس كليت بالدوام ،اسمعي نوره شرايك نرجع لبيتنا وهو اساسا بيمشون
نوره بوجهه حزين: تمام
بهاج رحمها:لاخلاص بنروح للمخيم
نوره بينها وبين نفسها:حلوو الامور تمشي بوجهه حزين
نوره:لاعادي خلينا نجلس
بهاج :الان بنمشي للمخيم
نوره بفرحه تخفيها :تمام
_______________________________
(المخيم )
كلن من الطرفين عيال وبنات يدورون فعاليات والرجال متوترين ولاخف التوتر والحريم ولاهمهم قاعدين ينضفون المخيم
______________________________
(خط متجهه الي المخيم)
الشوارع زحمهه وامطار وضباب وحوادث والناس حالتها حاله وبهاج معصب ونوره تفتح البطاطس وتاكل وحده وتعطي بهاج تاكل وتعطي وهو يصارخ على الناس ومعصب من الزحمه ونوره تصوره لغدير
نوره:بهاج هدي من روعك
بهاج بعصبيه:افففف شوفي شوفي هالثور مايعرف يسوق
نوره بتفاعل معه: صدق ثور
بهاج:ماتدرين اي سياره اتكلم عنها هههههه
نوره:استر على ماوجهت
بهاج:مستوره مستوره
واخيرا انفتح الطريق
تنهد بهاج براحه :اخيرااا، نوره بتكلم بموضوع اتمنى ماتفهمينه غلط
نوره بتفهم: ايه عادي تكلم
بهاج:لحضه بوقف السياره عشان هاذا الموضوع يبيله استفسارات
ووقف السياره والتفت على نوره
بهاج: ليش مادخلتي الجامعه ابي سبب؟
نوره نزلت راسها بحزن: والله يابهاج مدري وش اقول لكن عمامي يقولون اذا دخلتي الجامعه بنقتل جدتك وعندهم البنت عيب تدخل الجامعه
بهاج ببتسامه:انتي تحت حمايه العقيد بهاج وبهاج سجلك بالجامعه وخلص امورك وبتخصص الي انتي تبينه والاسبوع الجاي يبدا دوامك
نوره بفرحه حضنت بهاج: ياعيونيي مرهه شكرااا
بهاج بادلها الحضن:مابيننا شكر
نوره من الفرحه دمعت دموع فرح
بهاج ضحكه: حتى بالفرحه ماتوفرين لازم تبكين ههههههههه
نوره وهي تمسح الدموع:اسعدتني الله يسعدكك
بهاج بهمس:انتي سعادتي
نوره سمعته وابتسمت
كملو طريقهم الي المخيم
_______________________________
(المخيم)
الجد عبدالرحمن :اخخ وينككك يابهاجج وينك !
ابو عبدالله:استهدي بالله
ابو نايف :صل على النبي
الجد عبدالرحمن: لاإله الا الله ،اللهم صل وسلم على نبينا محمد
سمعو صوت سياره وعرفو انه بهاج
طلع الجد عبدالرحمن بعصبيه:بهاجججج
نزل بهاج من السياره مستغرب من جده:لبيه
الجد عبدالرحمن:ليش تهمل هيام وتطلع مع ذي الساحره
نزلت نوره بعصبيه بس مسكها ابو عبدالله
بهاج تنهد:هفف ماهملت احد ونوره ماهي بساحره نوره انا جيت لباب بيتها وخطبتها وتزوجنا محد سحر الثاني!
الجد عبدالرحمن صفق بهاج كف على وجهه
نوره شهقت :هيي الله يكسر يدك ان شاء الله
ابو عبدالله:باابوي لا
بهاج اعطى جده نظره حاده ومشى وخلاهم ونوره تركض وراه
الجد عبدالرحمن بصوت عالي:لمن اتكلم تسمع كلامي وتوقف !
بهاج كمل طريقه ونوره تصوت له بس هو مايرد عليها
ابو نايف:يابوي الله يهدك مو زين تمد يدك عليه قدامهم
الجد عبدالرحمن:يستاهل !
ورجعو للمخيم
_______________________________
(بهاج ونوره)
بهاج من العصبيه مو قاعد يشوف شي ويمشي خطوات كبيره ونوره تركض وراه
نوره:بهاجج وقف تكفى بقولك شي
بهاج التفت :نوره وش جايبك هنا؟
نوره :تكفى بهاج لاتهرب من المشكله فضفض صرخ سو اي شي لاتكتم
بهاج :بجلس لحالي
نوره تقدمت :مستحيل!اتركك
بهاج عرف ان الدعوى عناد ف ماقال شي
تقدمت نوره وحضنت بهاج لعلى وعسى يخفف من همومه وبهاج بادلها الحضن
نوره وهي تمسح على شعر بهاج:تقدر تتكلم تفضفض تصرخ اي شي سو
بهاج بحزن:وش اقول وش اخلي
نوره:عادي تكلم
بهاج:هيام ذي دابله قاعه كبدي مزوجيني ياه غصب ويبوني مااعاملها ببرود
نوره :عادي عاملها معامله عاديه مو لازم تشد عليها او تعاملها ببرود
سكت بهاج ونوره شدت الحضن ماتبغى تزعجه بالكلام
واتصل عليه عبدالله ورد والتفت لنوره:يلا نرجع للمخيم
نوره هزت راسها برضى
_______________________________
(المخيم)
راح الجد عبدالحمن بعد ماقلب العالم رجع لبيته
ابو عبدالله :يلا يلا مشينا مشينا وانت ي عبدالله اتصل على اخوك يجي
عبدالله:ابشر
واتصل على بهاج وتوزعو
نوره:احد يمشى في ذا الشموس؟
غدير بضحكه:محد هههههههههههه
نوره:هههههههههههههههههه
ركبت نوره سياره بهاج مع جدتها ومشو
والباقي الي راح مع اخوه او ابوه
_______________________________
انتهى البارت ♡
رضيت بالله ربًا وبالإسلام دينًا وبمحمد ﷺ رسولًا ونبيًا)، ♡
حسابي تيك توك :Ot348285
.
"اعتذر عن تأخير البارت هاذا " 💗
شرايكم اغير جدول التنزيل انزل كل جمعه او سبت والبارت  اليي ينزل لايقل عن١٠الاف كلمه ها وش رايكم؟

.