هــي الــتـي عـلـمـتـنـي كــيــف اعــشــقــهــا

Part 12

سبحان الله وبحمده سبحان الله العظيم ♡
(بهاج) الفجر
صحى من النوم وصلى وفكر ودعى وفكر وفكر وش يسوي بحياته؟!
فا فكر بفكره مايظلم هيام فيها وراح للفندق لقى هيام نايمه وهو جلس بالكنبه ينتظرها تصحى وجلس تقريبا ساعه وطلع من الفندق ماقدر يتقبل هيام
_________________________________
(الديره)الصبح
صحت نوره من النوم وتفكر هل تنفذ وعدها ان اذا جت العرس بتختفي؟
واتخذت القرار انها تختفي عن انظار بهاج واهله حتى لو يحفر الارض كلها ماراح يلقاها قامت كتبت رساله لجدتها تعتذر وهي رح ترجع ماراح تطول الاختفاء المفاجئ بس حبت تغير جو ترجع
_________________________________
(رساله نوره)
جدتي انا اسفه .
جدتي سامحيني انا بختفي عن العالم سامحيني ماقدرت اتقبل الحياه ماقدرت اواجهه مشاكلي ماقدرت اسوي شي غير اني اهرب من مشاكلي وياجدتي بغير رقم جوال ولاتعطينه احد ايااا كان حتى بهاج وصيته جديده استودعتك الله ماراح اطول الغيبه ان شاءالله جديده لاتتضايقين اني اختفيت ماراح ارجع الا اذ تخلصت من مشاكلي ♡
استودعتك الله يابعد روحي
جهزت اغراضها وخذت اهم شي بالحياه القطوه (قطه) وسافرت لمكان غير معلوم
_________________________________
(الظهر)
ام سحاب صحت واستغربت ان نوره ماصحتها !قامت تدور نوره
ام سحاب:نورههه ياالنوريي وينك يابعدي انتي
هدوء البيت مرعب
ام سحاب :اكيد عند صيته خليني اتصل على صيته اتأكد
صيته قالت ان نوره ماجتها اليوم وشوي وتجي صيته
جت صيته تتطمن
ام سحاب:الله يستر
فتحت الواتس ام سحاب لقت رساله من نوره وقامت تصارخ :ياويلي ويلاه وش سويت بالبنت انا انا الي دمرتها
صيته:اهدي اهدي ياخالتي اهدي
ام سحاب ببكى:اتصلي اتصلي على اختي علميها ان نوره اختفت يمكن نوره عندها او يمكن بهاج يعرف مكانها!
صيته بصدمه: نوره اختفت
ام سحاب بحزن :ايه
صيته :الو ام عبدالله شلونك
ام عبدالله: صيته! الحمدلله لكن ليش تتصلين بجوال اختي ؟اختي فيها شي؟
صيته:لاياخاله مافيها الاالعافيه لكن بقولك شي
ام عبدالله بخوف:الله يستر
صيته:ياخالتي نوره اختفت وخالتي ام سحاب تقول اكيد بهاج معها
ام عبدالله بصدمه:اختفت!!! لحضه اتصل على بهاج يجيبني عند اختي
صيته:تمام
_________________________________
(بهاج)
يدور عن استقبال الفندق يفكر ويفكر وجواله يتصل رفع جواله قراء الاسم
بهاج:هلا يمه
ام عبدالله: بهيج ياوليدي نوره معك؟
بهاج تاكد ان نوره نفذت وعدها: لا يمه وينها
ام عبدالله بتنهيده : اختفت البنت وابيك توديني الديره الان !
بهاج بخوف:اختفت؟ جايك جايك
_________________________________
(العصر)
بهاج وام عبدالله عند مدخل الديره
وام سحاب منهاره وصيته وام صيته يهدونها
دخلت ام عبدالله وبهاج
ام عبدالله بخوف :ياختي وش فيك  ؟
ام سحاب وهي تمد الجوال لبهاج:اقراء اقراء يمكن اني معرف اقراء
بهاج قراء مره مرتين ثلاثه مو قادر يستوعب الي كتبته نوره وسكت 
ام عبدالله وهي تنادي :بهاج بهاج وش مكتوب؟
راح بهاج لسيارته وحرك على الرياض تارك امه وخالته وكل شي وراه ويفكر بنوره بس
ام عبدالله خذت الجوال تقراء الرساله وانصدمت ان اختفاء نوره حقيقي
_________________________________
(نوره)
نزلت من الطياره تنهدت تنهيده حزن عميقق كيف تفترق عن جدتها الي عاشت معها٢٣ سنه كيف تتركها واسأجرت فندق ونامتت
_________________________________
(خط الرياض)
بهاج ماتوقع انها بتختفي توقع انها بس تختفي عنه عن الناس لاعادي
قال بهمس: ياحبيبتي يانوره لاتنسين اني العقيد بهاج بطلع مكانك من تحت الارض!
_________________________________
(الديره)
مصعب بعصبيه:هيا خذلك البنت اختفت وحنا ماخذنا فلوسها!
خالد:والله ياخوي ودي اسوي شي لكن انا وحمدان علينا تعهد من الشرطه
حمدان: لاحول ولاقوه الابالله البنت اختفت لازم ادور حبيبه ثانيه غير نوره
مصعب هبد راس حمدان:انا يارب وش سويت عشان يبلاني بولد عليه قل صح
موضي:ياعم انت والله الي شكل عليك قل صح معقوله تبي تاخذ حلال نوره وتقول يارب وش سويت!!
حمدان:اسكتي
موضي:اسكتي انتي؟؟؟خيرر ياروح امك انت وش شايفني عندك يالمخفه!
خالد هدا موضي لانها مو قليله شر
_________________________________
(الديره)
ام سحاب ماهي متقبله فكره ابتعاد نوره عنها وكل ماتتذكر نوره تنهار زياده وام صيته وام عبدالله يواسونها
وصيته في حال مايعلم فيها الا الله معقوله نوره تركت حبيبه قلبها وصديقه الطفوله وجارتهم معقوله تركتها!
ام عبدالله:اسمعو !العلم لايطلع !
ام صيته: صادقه اذا طلع العلم بيفكرون بتفاكير ثانيه اذا احد سألكم قولو راحت سياحه !
ام عبدالله:ايه والله
_________________________________
(الفندق)
هيام بتفكير عروس ويتركها زوجها بالفندق ولا يجي كيف تجي هاذي؟
وتتصل مليون مره ومره على بهاج ولايرد عليها
دخل بهاج وهو مقرر يقول الكلام هاذا عشان مايظلم هيام
خذا تنهيده بسيطه:اسمعي يابنت الأوادم اجلسي قبالي
هيام جلست قبال بهاج:هلا
بهاج:بتكلم بدون م تقاطعيني او تزعلين او تسوين سالفه ،اسمعي يابنت عمي قبل لاتصيرين زوجتي على سنه الله ورسوله ف انا ماحبيت اظلمك معي واتمنى تتقبلين فكره طلاقي منك بس يعني مستحيل اطلقك الحين عشان الناس مايفهمون غلط ف اتمنى انك انتي تديرين امر طلاقي منك وتقولين ل اهلك مابغى بهاج!انا مقدر اقول كذا ل اهلي لانهم مستحيل يطلقوني منك !
هيام بأنفعال: نعم وش قاعد تقول وليش ماقلت هاذا قبل زواجي منك !!!
بهاج بهدوء:قلت لك ولمحت لك لكن شسوي اذا ماتفهمين وبعدين بالاساس تدرين اني مجبور عليك
وقام بهاج بيروح
هيام جلست بالارض منهاره :اكيد اكيد نوره الي غسلت راسك وقالت لك طلقها الله ياخذك يانوره سودتي حياتي
بهاج بعصبيه:لاتجيبين طاري نوره على لسانك وبعدين نوره مختفيه!
هيام سكتت بفرحه تخفيها وطلع بهاج من الفندق كله
هيام :حلو اقدر اجيب راسه ونوره مختفيه جعلها دوم اختفائتك يانوره
_________________________________
(نوره)
صحت من النوم وهي مرههه متضايقه تبغي جدتها شلون تتواصل معها والحين اكيد عندها بهاج وامه
نوره بهمس:افف يانوره يعني كيف مافكرتي ان بهاج عقيد بيطلع مكاني من تحت الارض اجل لازم كل يوم اغير الفندق عشان مايقدر يوصل لي
_________________________________
خلص اليوم المتعب على الجميع
_________________________________
(بهاج بشغله)
العقيد بهاج:اسمع ياعسكري ابيك تطلع لي معلومات هاذي البنت (يقصد نوره)
العسكري دق تحيه:حاضر
وراح العسكري
بهاج بهمس:طيب يانوره !
_________________________________
(الديره)
يالله يالله نامت ام سحاب
ام عبدالله:خلاص ياام صيته تعبتي روحي لبيتك ريحي نفسك انا اجلس عندها
ام صيته :لالا عادي لاتعب ولاشي
ام عبدالله:لاياختي عادي روحي ريحي نفسك ونامي وعقب تعالي
ام صيته قامت:اذا تبون شي ولا شي اتصلو علي
ام عبدالله:سلامتك
ام صيته:يلا ياصيته مشينا
صيته هزت راسها برضى
_________________________________
(نوره)
قررت تنقل من فندق لفندق عشان بهاج مايقدر يوصل لها وجمعت عفشها وخذت توتو (القطوه اسمها توتو 😭) ومشت لفندق ثاني
اشتاقت لجدتها شوق طاغي
نوره :سامحيني ياجدتي الحياه حدتني ،نوري ليش ماتطلعين ل الشاطي قومي قومي يلا
وراحت لشاطى تغير جو لكن مافاد مشتاقه لجدتها
_________________________________
(شغل بهاج)
العسكري دق تحيه:العقيد بهاج
العقيد بهاج: تفضل
العسكري: البنت اسمها نوره محمد سعود ال..... متزوجه وعمرها٢٣وفصيله دمها **وعايشه بأحد بقرى الرياض ويتيمه الاب والام  ورقمها القديم 050**** والجديد 055*******و عمامها خالد ومصعب وماعندها خواله وعايشه عند جدتها مزون وصاحبتها المفضله صيته وحاليا مسافره سياحه بالشرقيه وتتنقل من فندق لفندق وحاليا بالفندق ال***** وبس هاذا الي عرفت عنها
العقيد بهاج :مشكور ماقصرت
العسكري :واجبي
ودق تحيه وراح
بهاج بهمس:يعني بالشرقيه يانوره؟ معليه بخليك شهر كامل واذا مارجعتي اجيبك غصب عنك
العسكري طق الباب ودخل ودق تحيه:العقيد بهاج في مداهمه بعد يومين ولازم تجي تشرف على المداهمه
العقيد بهاج:والمداهمه كم مدتها؟
العسكري:من شهر لشهرين
العقيد بهاج:حلو مشكور ماقصرت
ودق تحيه وراح
_________________________________
(بعد يومين )
نوره مافي اي تجدد بموضوعها وام سحاب ارتفع ضغطها وسكرها ومرقدينها بالمستشفى
وبهاج يتجهز ويودع اهله بيمشي للمداهمه
وام عبدالله تتوعد لنوره لو جت ماتشوف خير امرضت اختها وضيعت ولدها بهاج هالنوره !
_________________________________
(نوره)
تعرف اخبارهم من بعيد وعرفت ان بهاج بمداهمه بس ماعرفت عن جدتها شي
وهاكذا حال الكل من اسبوع
_________________________________
انتهى البارت
(رضيت بالله ربًا وبالإسلام دينًا وبمحمد ﷺ رسولًا ونبيًا)، ♡
*اسفه جداا على البارتات الاخيره الحزينه لكن صدقوني رح تتعدل من حزينه لسعيده ان شاء الله *♡
النجمه تدعم الروايه✨