سبحان الله وبحمده سبحان الله العظيم ♡
(الـفـنـدق - الـصـبـاح )
الجد عبدالرحمن : يلا بننزل لرجال المع
ابو صيته: بالعقبه؟
ابو رائد: الله الله
ابو نايف : بس الي اعرفه ان عقبه الصماء تعدم المواتر
ابو عبدالله : الله يستر
بهاج : الشاص حيي عينه
احمد : بركب معك بضمن حياتيي
بهاج: كانك تبي بالحوض ماهي مشكله لكن عندي لا عندي واحد يخاف ولازم نشيله بسياره ثقه (يقصد نوره )
رائد: ياليلل من الخواف ذا
بهاج : هيه حدك عاد
زيد : مهما كان مانرضى على الخواف حقنا ولازم نشله مع بهاج
بهاج : نعم شهاده حق
ابو عبدالله : اييه بنتي النوري مع بهيج تخاف البنت
بهاج: يايبه لو تدري انها مصممه تسوق بالعقبه
ابو رائد: خلها تسوق عشان تكسر خوفها
ابو نايف : لابالله خطر عليها
رائد: هالمره بكيفك تبي تسوق سق ماتبي كيفك
بهاج: هههههههههه
الجد عبدالرحمن : يلا يلا شدينا
ابو صيته : يلا
وقامو الرجال والعيال
_____________________________
(الـفـنـدق - الـحـريـم )
ام سحاب : ايه والله واقولكم وانا الزم كشتها واطرحها وتجي صيته تكمل علاها
صيته : ايي كانت فريسه سهله اساساً
ام نجلاء: الله يكون بعون الي طاح بيديكم
ام سحاب: لايلعب مع ناس اكبر منه ويتوهق
نجلاء :اوهه كلام قويي من خالتي
ام رائد: وانتي صادقه
نوره : الي يتعدى الحدود يتحمل
سهام : ايي حطو حدود ضروريه بالحياه
هيام : حطينا حدود بس في ناس تعدت الحدود وسرقت رجالنا
نوره برفعه حاجب : عندك الجراءه تنطقين اسمها؟
هيام : هي تعرف نفسها
نوره قامت وجلست قبال هيام : نعم ياختي وش فيك عندك شي ماكله ضناك؟
هيام : ليتك كليتي ضناي بس انت كليتي ابو ضناي
نوره مسحت على شعرها وقرصت اذنها بدون لحد يدري : حبيبتي ماتخطيتي بهاجيي على قولتك بهاجي بح مافي بهاجي
هيام رصت على اسنانها بقهر : بيرجع لي !
نوره بأبتسامه : حبيبتي والله ضحكتيني الله يسعدك
ام نجلاء حست ان الوضع خطر قامت وسحبت نوره : خلاص يانوري تعالي اجلسي عندي علميني كيف الجامعه معك وكذا
نوره كانت حاطه عيونها بعيون هيام ولاشالتهم
ام عبدالله : تعالي ي نوره افطري عندي واتركيها
نوره خزت هيام وجلست جنب ام سحاب
ام سحاب بهمس: ليتس بردتي تسبدي وكوفنتيها
نوره بهمس : حشمتها وهي ماتستاهل الحشمه
ام سحاب : حصل خير
نوره هزت راسها برضى
نجلاء بصراخ : بناتتت دخلت عشرين متابع يسس
الهنوف : عشرين الف ؟
وداد : الله بنتنا مشهوره
نوره تصفق : بسوي حفل لدخولك 20k
سهام : ماشاء الله مبروكك
صيته غطت راسها بالطرحه : يويليي طلعت ٢٠ شخص بس موب عشرين الف
نوره : هاه؟
نجلاء : خسارهه صارو١٩ نقصو اففف
وداد : وين فرحتنا؟ عشرين شخص بس!؟
سهام: حلوه حلوه ٢٠ شخص حلوه هههههههههه
غدير قامت من النوم على صراخهم : وش فيكمم!
ام رائد: البنت دخلت ٢٠ بس مدري وين
غدير تنهدت براحه : خرشتوني عبالي صار شي لكم
ام نايف : ابو نايف يقول تجهزو بننزل على رجال المع
البنات : ليكون بالعقبه !
ام نايف : اي مع العقبه
البنات : لااا
نوره ماكانت فاهمه شي : ليشش بسوق فيكم بعقبه الصماء
ام عبدالله : تسوقينن؟
نوره : اييه وش فيكم؟
نجلاء: لاوالله ماركب مع نوره دام هي الي بتسوق
ام رائد : وكيف تبين تسوقين صعبه ؟من قالك؟
نوره : بهاج قال بسمح لك تسوقين فيها
ام سحاب : ياحبيبتي يالنوري ماتعرفين وش هي ؟
نوره : لا طريق عادي ونروح لرجال المع
صيته: ايه خليتس مع بهاجتس وحنا خلينا لحالنا يرحم والديتس لاتسوقين فينا
سهام : بهج اذا نوره تبي تسوق فينا
ام عبدالله : خليتس مع بهاجتس اظمن لتس وهو معتس اكيد يعرف يتصرف خلي البنات لاتقحصين بهم
نوره وقفت : لا بسوق فيهم وتمدحون سواقتي !
غدير : مستحيلل نوره العقبه تخوف تدمر كفر السيارات فما بالك بالانسان!
هيام : لاسوقي (تبي نوره تسوي حادث )
نوره : اول مره تعجبيني وبسوق يعني بسوق
ام سحاب :هه طقت براسها والله لتعاند الكل
ام رائد بهمس: عنيده هالبنت
ام نجلاءبهمس: ماظن بهاج يقدر علاها اذا هاذا عنادها
ام عبدالله بهمس: بهاج عصبي وهي عنيده ودايم يتخانقون
ام صيته بهمس: الله المستعان عاد صعبه نخليها تسوق
ام نايف بهمس: ايه العقبه صعبه وسواقه نوره فيها اصعب
ام سحاب بهمس : بقول لبهاج ياخذها معه لان مستحيل تترك قرارها اذا عندت
ام عبدالله بهمس: اي صادقه بهاج يتصرف
ام نجلاء بهمس: بهاج ماراح يسوي لها شي لانه طايح على وجهه ومغرم بها وبعنادها
ام سحاب بهمس: اي صح ان بهاج يحبها ويعزها بس مايحب عنادها يكرهه وهي كذا ولاكذا اذا شافت العقبه تنخرش وتهجد
ام عبدالله بهمس : املنا في الله ثم بهاج
نوره : وش تتساررون !؟
ام نجلاء بأبتسامه : تم يانوره سوقي بالبنات وحنا الحين بنمشي البسو عبيكم
البنات : ايشش؟ صعبه
نوره تلعب بحواجبها : انتصرت
وراحو يلبسون عباياتهم وقلوبهم ترجف خايفين من سواقه نوره ونوره متحمسه
YOU ARE READING
هــي الــتـي عـلـمـتـنـي كــيــف اعــشــقــهــا
Randomحياكم الله البيت بيتكم اقلطو اقلطو💗 نبذه بسيطه عن الروايه نوره البطله التي تسكن عند جدتها المريضه بمرض شديد وتضطر الجده تزويج نوره لحمايتها من اعمامها✨ لااستبيح النقل💗✨
