هــي الــتـي عـلـمـتـنـي كــيــف اعــشــقــهــا

Part 56

سبحان الله وبحمده سبحان الله العظيم ♡

(غـرفـه نـوره - صـلاه الـفجـر)
نوره صحت على الاذان وشافت صيته نايمه تقدمت وسحبت البطانيه وغطتها وقالت بهمس : ياربي لاتحرمني منها
ودخلت الحمام (يكرم القارئ ) وتوضت وطلعت وفرشت سجادتها وصلت ركعتين الفجر وركعتين سنه الفجر وسلمت وجلست وفتحت القرآن الكريم  وقرأت سوره من سور القرآن الكريم وسكرته ورفعت يدينها ترجي الله
نوره بدموع : ربي لقد أصابني من التعب ما يكفيني ، وما رأيت ثقلاً على قلبي مثل ثقل هذه الأيام ، اللهم هون ثم هون ثم هوّن ثم أرح نفساً لا يعلم بحالها إلا أنت ، و هون علينا ما لا تستطيع تحمله يالله واجعل لنا من كل ضيق مخرجاً و من كل هم فرجاً ، يا رب كن لي حبيباً ، و كن لي قريباً و كن لدعائي مجيباً ، اللهم إني أحسنت بك الظن فاجبرني .
وانسدحت على السجاده بجلال الصلاه والدموع مو راضيه توقف كل ماتهدى تتذكر بهاج وتبكي زياده ونامت على السجاده بتعب يرهق نفسيتها

_________________
(فـي ديـره غـير مـعـروفـه )
بهاج جيعان ومن امس ماطب بفمه شي غير حليب النياق يوم قفطته نوره
دخل بهاج الديره على رجوله مايدري وش هي الديره ومن هم الناس هل يسكنها جن او انس! شاف مسجد واتجهه له يبي يصلي صلاه الفجر
ودخل المسجد وصلى جماعه  مع الرجال وسجد وقال : ربي أوصيك بها خيرًا و أنت خير من أوصي، اللهم أجعل سعادتها في الدنيا والأخره و التوفيق حليفها يارب أعنها في كل شيء اللهم وفقها و يسر أمرها وحقق لها ما تتمنى ، و أحفظها بعينك التي لا تنام .
وسلمو وخلصو وطلعو الا بهاج الي حاط ظهره على الجدار بتعب ويدينه على وجهه
شافه شيخ المسجد وجلس قباله : وش فيك ياوليدي
بهاج بفزه عدل جلسته: هلا
شيخ المسجد : وش متعب نفسيتك ياوليدي اعتبرني ابوك وقل لي كل الي بقلبك
بهاج كان محتاج احد يشاركه همومه او يعطيه حل بما ان ابوه وامه زعلو عليه من له غيرهم يعطونه حل تنهد بضيق : شف ان......
سكت تردد يفضفض
شيخ المسجد : ياوليدي لاتخاف ولاتتردد اعتبرني ابوك ولااخوك وسرك ببير ومحد بيعرفه
بهاج بضيق : اهخخ ياعم والله بهالسالفه كلها محد متضرر غير وليفتي
شيخ المسجد : الولايف مابينهم زعل
بهاج: اي مابينهم زعل بس انا غلطت بحقها ومااظن بترضى علي ياعم
شيخ المسجد : قل لي قصتكم من إلي
تنهد بهاج بضيق : انا حبيت لي بنت مافي مثلها لابطيبتها ولابحنيتها ولا بكل شي مافي مثلها يشهد علي الله اني حبيتها من اعماق قلبي بس اذيتها كثيرر وفوق هاذا كله الا انها سامحتني ورجعنا احلى من قبل جاني خويي الله يسامحه قال سالفه بسكت عنها لان الدعوى سر وفعلاً تزوجت عليها حطيت البنت فوق راس الوليفه وسكت ليتني قلت لها عشان ماتكبر السالفه وعرفت وزعلت وعادها كرهتني ولا بتكلمنيي
تنهد الشيخ بضيق : ياوليدي الله يحفظك انا اقول عطها يوم يومين تاخذ راحتها ولا احد من اهلها او انت لاتضغطون عليها ترى تنفجر وبعد يومين حاول اشد المحاوله انك تراضيها وتكسب قلبها
شطح الشيخ عن الموضوع وقال: البنت لها اب او اخوان ؟
بهاج هز راسه بمعنى " لا "
الشيخ : حلوو اسمع البنت فاقده حنان الاب وخلك اب لها اخو لها والله بتكسب قلبها وبترجع احسن من اول بس ترى يبيلها وقت
بهاج بضيق : صرت لها اب واخ وعم وجد بس كسرت ثقتها فيني وماعاد تثق خلاص
الشيخ : اكسب قلبها ترى اذا هي طيبه مرهه الحضن يرضيها وقت الضيق
بهاج نزل راسه بضيق : ماتبي قربي ياعم ماتبي
الشيخ : حاول لاتجلس مكتف الايادي ماقدرت ؟ ادع ربك ياوليدي لاتيأس قم صل وتصدق وادع
بهاج هز راسه برضى
الشيخ : انت جديد بالديره؟
بهاج: لاضايع مادري وش هالديره
الشيخ : حنا بالديره ال **
بهاج بصدمه : ويش!!
الشيخ : ليش
بهاج : انا جاي من الديره ال** على رجليني
شهق الشيخ : هاا وش جايبك لهنا الديره بعيدهه مره عن ديرتنا كيفف ؟!
"ديره نوره بعيدهه مره عن ديره الشيخ "
بهاج بضيق : ضيعت دروبي من بعدها ياعم
الشيخ : تعال ياوليدي نم عندنا وبكرى نرجعك لديرتك
بهاج هز راسه بنفي وضيق : بروح افطر من امس مافطرت
الشيخ : ياوليدي اجلس عندنا هاليومين بس
بهاج هز راسه بنفي وقام ومشى وفجأه وقف من شاف الارض تدور فيه وماحس بنفسه وطاح من طوله مغمى عليه من قله الاكل
تقدم الشيخ بخوف : تسمعنيي
بهاج مايستجيب مع الشيخ