سبحان الله وبحمده سبحان الله العظيم ♡
*تذكير للاحداث البارت الفات *
• كانو بالشاليه يعزمون العائله عشان يبشرونهم بحمل نوره
• بهاج انا حاملل
• هوشه الحريم
• طرده بهاج لهيام وامها
( بـيـت بـهـاج الظـهـريه )
بينهم القهوه والشاهي والضحكات الي ماليه البيت
ام سحاب : ايي بالله يالبناخي بردت تسبدي وانت تجرجرها وتطردها من هالشاليه
بهاج ضم نوره على جنب : الي يضر النوري اضره
صيته ونجلاء ابتسمو كانو موجودات عند نوره من رجعو من الشاليه صيته متغطيه ونجلاء حاطه الطرحه على راسها
زيد تنهد وحط يده على خده : اتمنى اصير حرمه ولو مرهه عشان عندكم فعاليات
صيته تحمست : تمم تعال نحط لك ميكب وحركات وندخلك
نجلاء تناظر نوره ونوره تناظر لها وتغمر
بهاج لاحظ نظراتهم لبعض وضحك : الشر مكوم بعيونكم هههههههههه
نوره التفت لبهاج وهمست : نجمع راسين بالحلال !
بهاج همس : ازهليني اذا رحتو للديره نخوف صيته وتلتجى لزيد
نوره : وتبي صيوت تخاف ؟
بهاج: مدري شفت امس بالفلم حقك لقطه كذا !
نوره : بس صيوتت غيرر ماتخاف من الجني !
بهاج ضحك: ذيبه هههههههههه
نوره ابتسمت وغمزت لنجلاء : ونبي لريودي
نجلاء تشتت انظارها
بهاج عارف ريودي بس يستهبل : زيزو وعرفناه ريودي من
ام سحاب : ابك انتم وش تتساررون به ؟
زيد : نحش بك ياوخيتي
ام سحاب سحبت علبه المناديل ورمته على زيد : يهالموذي
زيد يحك راسه مكان الضربه : سنايبر لااله الا الله
بهاج بضحكه : وانا اقول نوره طالعه قناصه على من ؟ طلعت من خالتي
صيته : اوهه نوره قناصه الحاره
نجلاء : اقعددد ، بهاج لزوم تحطها عسكريه عندك ترمي المجرمين
ام سحاب : يابعد هالوجيه نوري
بهاج التفت على نوره وضحك : اخاف تبكي اذا ذبحت مجرم
نوره : خيرر!
زيد : اييي تلقاها تقلبه يمين يسار وهي تبكي وتبيه يقوم
صيته ضحكت واسرت قلب زيد وناظرها بذوبان ناسي الموجودين
بهاج تنحنح : ياهوو
زيد ادرك الموجودين وعدل جلسته واكله الحياء
بهاج التفت لنوره : تغطي
وهمس وقال : ريودي بيجي
نوره : اهاا مشروع جمع روس بالحلال؟
بهاج : نستغل الفرص ونكسب الاجر
نوره هزت راسها بضحكه ورن الجرس
بهاج التفت لنوره : تغطى
والتفت لنجلاء: يابو سالم انا افداك اظهر شف من عند الباب
نجلاء تكت : مو انا راعيه البيت رح انت
زيد : قومي بس اصغر القوم خادمهم يلا
صيته: قومي لاسطرك
تأففت نجلاء وقامت ومكشره وجهها وطلعت تفتح الباب
زيد التفت لبهاج : سويتها يالخبيث؟
بهاج هز راسه : اييي
ام سحاب : وش تهربدون انتم ، وانا تقل الاطرش بالزفه !
نوره نكبتهم ونطقت : ياجديده مشروع جمع روس بالحلال هنا
زيد وبهاج حطو يدينهم على جبهتهم من غباء نوره
ام سحاب عدلت جلستها : ايي على طاري هالخطبه بخطب لك يازيد
صيته عدلت جلستها بصدمه وعضت على شفايفها
بهاج التفت لنوره بوهقه
نوره تغير الموضوع : ايي تتوقعون النونو بنت ولا ولد؟
ام سحاب التفت لنوره : خلينا من موضوع ورعتس لاحقين علاه حنا نبا ورع زيد
زيد بلع ريقه : بس ياوخيتي توني ماستعديت
ام سحاب بجديه : لا شنباتك خاطه ومتوظف ومستقل يعني البخ وتتزوج !
بهاج : ياخالتي هو يبي بنت ما.....
قاطعته ام سحاب بالفنجان الي رمته على بهاج: تقلع ولاتتدخل انشغل بحياتك
بهاج مسك الفنجان : سمي
نوره : جدتي يبي صي...
قاطعها بهاج وهو يحط يده على فم نوره ونطق: لاتنكبين الولد
ام سحاب : ابيك تتزوج صيته
بهاج وزيد تنهدو براحه
نوره : لو اني داريه انها صيوت ماكان خفت
صيته تجمدت مكانها ماقدرت تنطق بكلمه من الصدمه قامت واتجهه للمغاسل ورمت شرشفها تتنفس وتستوعب الي قالته ام سحاب !
بهاج ناظر زيد ورفع حاجبه بمعنى" رح الحقها "
زيد قام وكل تفكيره بصيته لايكون ماتبادله بالحب؟!
بهاج التفت لنوره : زيد وصيته بجهه ونجلاء ورائد بجهه وانا وياك بجهه
ام سحاب قامت : هاه عاد انا برقد قيلوله العصر
نوره وبهاج ابتسو ونطقت نوره: نوم العافيه
وراحت ام سحاب
YOU ARE READING
هــي الــتـي عـلـمـتـنـي كــيــف اعــشــقــهــا
Randomحياكم الله البيت بيتكم اقلطو اقلطو💗 نبذه بسيطه عن الروايه نوره البطله التي تسكن عند جدتها المريضه بمرض شديد وتضطر الجده تزويج نوره لحمايتها من اعمامها✨ لااستبيح النقل💗✨
