سبحان الله وبحمده سبحان الله العظيم ♡
( لـنـدن - الـفـنـدق )
بهاج منسدح ونوره على صدره ويمسح شعرها وفرحان بحمل نوره
نوره : بيهج وش ودك بنوته ولا ولد؟
بهاج: شوفي هو الي يجي خير وبركه بس ودي ببنت كذا صغيروره وصعنونه دبدوبه لها زغود وعندها قرون نخله
نوره : ليش انت عكس بعض الرجال يبي ولد يشيل اسمه ؟
بهاج : البنت احب لـ ابوها
وسكت من تذكر ان نوره ماجربت شعور الاب
نوره نزلت راسها بحزن : اتمنى اجرب الشعور
بهاج عض على شفايفه بضيقه وضمها لصدره : ياعين ابوك انتي ابوك بيزعل اذا بكيتي لاتزعلين ابوك ياروح روحيي انتي
نوره دفنت وجهها بصدره وتدمع : بس اشتقت له
بهاج حس بشعور غريب يحس وده يزعل الكل ومايزعلها وشد الحضن وسكتت
نوره رفعت راسها شافت بلوفر بهاج كله دموع وضحكت
بهاج بأبتسامه: اييه خليك كذاا
نوره جلست قبال بهاج ومسكت يدينه
بهاج خاف عرف انه مخبيه شي عنه : اسمعك
نوره نزلت راسها : بهيج بقول لك شي خبيته عنك والمفروض ماخببه عنك
بهاج دب بقلبه الخوف : وش فيك ياعيونيي
نوره : تتذكر يوم ......
~ فلاش باك - قبل اسبوعين ~
نوره بعد ماعرفت ان بهاج تزوج عليها رهف "تتذكرون الاحداث ووش سوا فيها " وزعلت وراحت لديره !
صباح اليوم الثاني حست ببطنها يوجعها
صيته : نوري ؟ وش فيتس؟
نوره بألم : مدري ياصويت بطني يوجعني
صيته بشهقه : اخاف عادك حامل بضنى بهاج !
نوره بخوف : لالا بتطلق منه مستحيل في شي يربطني فيهه
صيته : نوره امشى نفحصتس !
نوره هزت راسها بالرفض : مستحيل اكون حامل مستحيللل خصوصاً منهه
صيته : نوره استهدي بالله واركدي وامشي
نوره : مابغى بهاج مابغاه
صيته : طيبب ولده ببطنتس !
نوره ببكى : مو ولده مو ولده ولديي
صيته : من حقه يعرف !
نوره ببكى : اذا عرف مستحيلل يفكني مستحيل يطلقنيي
صيته : طيب امشي نفحصتس ونتاكد يمكن منتي حامل !
نوره : ايي يارب
ولبست عبايتها وصيته شرشفها الاحمر وطلعو يمشون كعابي متجههين للمستشفى وجلسو بالانتظار
الممرضه : نوره محمد
صيته : يلا قومي
نوره : صيوت واذا طلعت حامل
صيته: ترى عاديي تتطلقين منه يجوز !
نوره تنهدت بضيق ودخلت وصيته معها وفحصتها الممرضه
ونوره تفرك يدينها بتوتر
الممرضه: متزوجه؟
نوره تنهد بضيق عرفت انها حامل :ايه
الممرضه : في نقطه صغيره ماندري اذا حامل ولا لا تعالي بعد اسبوعين نتأكد
نوره بفرحه: يعني مو حامل؟
الممرضه : لا انتي حامل ميه بالميه بس تعالي بعد اسبوعين نتأكد
نوره اختفت فرحتها وهزت راسها برضى وطلعت من الغرفه
الممرضه مسكت صيته: انتبهي لها اكيد بتجهض الطفل انتبهي لها
صيته هزت راسها برضى وطلعت تركض ورا نوره الي تبكي
صيته مسكتها : بنت ترى قضى وقدر !
نوره انهارت : ايي ادريي بس مابغى اجيب طفل من بهاج !
صيته: نوري استوعبيي انتي صبرتي عليه بعد سالفه الفديو اصبري عليه وجيبي هالورع وارميه عليه خليه يتوهق فيه
نوره بحده مسكت صيته: صيته وربي لو عرفت ان العلم طلع ماتلومين الانفسك !
صيته : ماني معلمه احد بس من حق بهاج يعرف
نوره : لايعرف مابغاه يعرف
صيته: تمام الي ودتس بس مرده بيدري ويهاوشتس
نوره: يهاوش مين؟ ياكل تراب مابقى الا هو
صيته: عيني من الله خير وامشي يانوره
نوره مشت وهي تبكيي وبخطوات سريعه ودخلت البيت وعلى طول على غرفتها وجلست على السرير تفكر كيف تجهض الطفل !
صيته تكت على الباب: لاتفكرين بهالافكار
نوره تضرب بطنها وتصرخ : مابغاه مابغاهه اكرهه اكرهه
صيته اتسعت عيونها بصدمه وتقدمت بخوف ومسكت يدين نوره وصرخت بوجهها : لااا روح هاذي روح من الله
نوره فكت يدينها من صيته واستمرت تضرب بطنها
صيته رفعت يدها وسطرت نوره على خدها :بنتت
نوره وقفت بصدمه : صيوت
صيته بعصبيه: استوعبي يابنت الحلال ربي رزقتس بورع غيرتس مارزقه ربي احمدي ربك ناس من مستشفى لـ مستشفى يتمنون الي ببطنتس واذا عن ابوه فـ من حقه يعرف لكن حابه اطمنتس ان العلم مايطلع مني انتي بنفستس رح تقولين له انتس حامل وقولي صيته ماتهرجت !
نوره حست ان الدنيا توقفت بوجهها وانهارت بحضن صيته وصيته تطبطب عليها
صيته : طيب وشلون تخبين حملتس عنه؟
نوره : بتطلق منه واتزوج ولد عمي حمدان وانسب الولد لحمدان
صيته بحده : وجع نورهه وش هالعقليه نوره انتي مو طبيعيه شلون تحرمين ولد من ابوه وش جزاتس بالاخره يانوره شلون تحرمين ولدتس من ابوه شلون تضيعين ولدتس وكيف تفرطين بنفستس وولدتس وترمين نفستس بيدين حمدان السكير النكير !استوعبي ماش يانوره انا ماعرفتس اذا هاذا تفكيرتس !
~ نرجع للواقع ~
نوره بدموع : وفعلاً صيوت قالت لي بتقولين له بلسانك وقلت لك بلساني
اما بهاج الي تعقدت حواجبه بعصبيه وصدمه وهز راسه بالنفي : لاا ماتوقعت انك تخبين عني شي زي كذاا !
نوره بغصه: بيهج اسمع وربي كنت مظغوطه
بهاج بصراخ وعصبيه : ولازلتي تقولين بهيج انتي صاحيههه ! بتزوج حمدانن اجلللل ! روحي تزوجه وشتتي ولدي روحي يلا الله يقويك
نوره بدموع: بهاج اس...
بهاج بعصبيه : لاتتكلميننن !
بهاج مايبي يهاوشها او يضايقها تنهد بضيق وناظرها بنظره انكسار منها وطلع من الفندق
نوره كشت بوجهها : مالت عليك ليتك ساكتهه
وانسدحت تفكر بهاج وين بيروح؟
تذكرت يوم بهاج طلع من عندها معصب وسوا حادث!
نوره فزت بخوف :لالا لندن باليل خطرهه قومي قوميي دوريه
وقامت نوره ولبست شال بس من الخوف على بهاج مافكرت انها تلبس عبايه او حجاب
YOU ARE READING
هــي الــتـي عـلـمـتـنـي كــيــف اعــشــقــهــا
Randomحياكم الله البيت بيتكم اقلطو اقلطو💗 نبذه بسيطه عن الروايه نوره البطله التي تسكن عند جدتها المريضه بمرض شديد وتضطر الجده تزويج نوره لحمايتها من اعمامها✨ لااستبيح النقل💗✨
