هــي الــتـي عـلـمـتـنـي كــيــف اعــشــقــهــا

Part 60

سبحان الله وبحمده سبحان الله العظيم ♡

(بـيـت الـعـم مـصـلـح "الـشـيـخ" - الـصـبـح )
بهاج نايم وهو جالس وبحضنه نوره الي داخله بفروه بهاج .
قامت عمشه : اصبحنا واصبح الملك لله
والتفت وطاحت عينها على بهاج ونوره وابتسمت : ياحليلكم حليلاه
واتجهه للمطبخ تسوي فطور
قام مصلح وشاف بهاج ونوره واتسعت عيونه بصدمه وصرخ : ولد
نوره فزت لان نومها خفيف : هلا ياعم
مصلح : قومي رجلتس نبي نروح نحلب الناقه
نوره هزت راسها برضى : بهاج قم بسرعه
بهاج لاحياه لمن تنادي
نوره : شف شغلك ياعم ماقدر له
مصلح : زين روحي سوي الفطور مع عمشه
نوره هزت راسها برضى واتجهه للمطبخ تسوي فطور
مصلح : بهاج قم
بهاج بنوم : يانوره انا في وجهتس تكفين لاتخربين الحلم عليي
مصلح هبد بهاج : قم ياولد
بهاج قام منلخم ويحك مكان الضربه : هلا
مصلح : قم
بهاج : وين
مصلح : شايف الديره الرياض ؟ وين بنروح يعني؟
بهاج ابتسم بوهقه
مصلح : قم قم غسل وتلقاني بمراح النياق
بهاج مسح على وجهه بنعاس : سم
وراح مصلح وقرر بهاج يرقد ٥ دقايق بس ورقد
نوره جت تشحن جوالها واتسعت عيونها بصدمه من شافت بهاج راقد والعم مصلح يصارخ بأسم بهاج عند الباب
نوره : بهاج ورع اصحى جاك
بهاج بنوم : من الي جاء ، لالا ايمك فاشل! وراك ياهطف
نوره عقدت حواجبها بصدمه : ورعع قم جاك يلا
بهاج : لالا خذ هاذا السلاح اقوى الي معك فاشل
نوره هزت بهاج : بعاج ! قم
بهاج فتح عيونه على الخفيف وابتسم من شاف نوره : ارحبي يادهر قلبي
نوره : بهاج وربي ماقمت بروح اقول العم مصلح!
بهاج فز : وينه ؟!
نوره : قم معصب عند الباب يناديك من الصبح
مصلح من عند الباب بصوت غضب ونفاذ صبر : بهاج قم ياورعع
بهاج : هلا هلا ياعم جيت جيت
وقام بهاج وغسل وطلع ولعله لقم تهزيئ من العم مصلح
نوره هزت راسها بأبتسامه وشحنت جوالها ورجعت للمطبخ .
وخلصو الفطور
عمشه : نوره البسي شرشفتس وصوتي لرجلتس ومصلح يجون الفطور جهز
نوره : تمام

___________________________
(مـراح الـنـيـاق )
العم مصلح اعطى بهاج سطل
بهاج خذا السطل : وش اسوي به
العم مصلح : نبا نحلب الناقه نبا حليب نياق
بهاج قلبت تسبده من تذكر اخر هوشه بينه وبين نوره وكان بيده حليب نياق
العم مصلح : ولد وين سجيت ؟
بهاج : هاه؟ لا بس
العم : بسه تعرش راسك قم بس قم
بهاج : سم على خشمي
وحلبو الناقه والعم مصلح وبهاج يتلذذون بطعم الحليب الطازج
جت نوره : عمي ، بهاج
بهاج : لبيه
نوره : الله نياق دقيقه بهايط عليهم
بهاج : تهايطين على مين ؟
نوره : الناقه بهيمه ماتفهم عادي اهايط عليها
تقدمت نوره بتردد وتمسح الناقه : يمه ليش تعاين فيني كذا ؟!
بهاج بضحكه : تحسبك بسكوت هههههههههه
العم مصلح : هههههههههه انتبهي لاترفستس يابنتي
نوره هزت راسها برضى ووقفت جنب بهاج : عمي الفطور ج......
سكتت من شافت الناقه تتقدم لها
نوره ركضت
"الناقه اذا شافت احد يركض تركض وراه للمعلوميه بس "
وبدت الناقه تركض ورا نوره وبهاج والعم مصلح يتبادلون نظرات الصدمه
نوره بصراخ ودموع : بهاجج
بهاج بأستيعاب : وانا ابو مطلق
ووكض ورا الناقه والعم مصلح ورا بهاج
بهاج بصراخ: نورهه ادخلي البيت مايجيك شي
نوره بصراخ: بهاجج بموتت شكلها يخوف
العم مصلح بصراخ : يابنتي ادخلي البيت هي توقف اذا شافتس اختفيتي
طلعت عمشه على صراخهم: وش بلا......
قطعت كلامها من شافت نوره تركض ووراها الناقه وورا الناقه بهاج ومصلح
عمشه مسكت قلبها : وويلي وقله واليي نوره تعالي
بهاج بصراخ ونفاذ صبر : يابنت الاوادم اوقفيي
نوره بدموع : يمه يمه جت جت
وصارو يدورون حول البيت
بهاج وقف وعكس اتجاهه وصار بأتجاه نوره
وجت نوره ووراها الناقه وشافها بهاج وسحبها وحطها ورا ظهره
نوره تتفلت منه : بهاج اتركني جت جت الناقه
بهاج : خليك هاديه
نوره هزت راسها برضى وخوف :تمام
والناقه تتقدم لهم وهم يرجعون خطوات لـ ورا لين لحمو بالجدار نوره على الجدار وشاده ثوب بهاج وبهاج قدامها الدرع الحامي لـ نوره والناقه وقفت قدامهم وماسوت شي بس نوره شافتها وانتفضت وطلعت من ورا ظهر بهاج وبدت تركض
بهاج بصراخ: لا لاتركضين
الناقه ركضت ورا نوره
وبهاج يركض ورا الناقه
بهاج : سرى اليل وحنا ماسرينا
نوره ركضت بأسرع ماعندها وطاحت على وجهها ولفت جسمها وشافت الناقه فوقها تماماً والناقه رفست نوره
وبهاج اتسعت عيونه بصدمه من طيحه نوره ورفس الناقه لها
وصرخ وقال: نوره احمي راسك
نوره من الخوف ماسوت شي غير انها بكت
بهاج وصل اخيراً وقدر يهدي الناقه ويبعدها وراحت الناقه ونزل مستوى نوره وحضنها
نوره بألم : اهخخ
بهاج يمسح عليها : بسم الله عليك ، منين جتك الضربه عساها ماهي بقويه
نوره بألم : كتفي وبطني  
بهاج فتح بلوزه نوره من عند الكتف وكشر من شاف الكدمه : اوهه بسم الله عليك فيني ولا فيك
ورفع بلوزه نوره من عند بطنها وشاف الكدمه : الله ياخذك ياهالناقه علي الطلاق لا اذبحك
نوره عقدت حواجبها بعدم فهم : وش تقول ؟!
بهاج : باخذ حقك من الناقه الي اذت قلبي
نوره ابتسمت
بهاج مسح دموع نوره وقام وساند نوره
وتوه يوصل العم مصلح : ها عسى محد تأذى
بهاج : خفايف
العم مصلح : بسم الله على نوره عسى ماتأذيتي
نوره سرحانه وتناظر الناقه بنظرات كرهه وحقد
بهاج : ياعم بكم تبيع الناقه هاذي بشتريها منك
مصلح : وصل السوم ٧٥ الف
بهاج : تم ٨٠ الف ؟
مصلح : تم الله يبارك لك فيها
بهاج ابتسم والتفت لنوره : وخذينا حقك واذا ماخذيت حقك فانتي طالق
نوره ضربت بهاج : وجع وش طالق ماطالق تطلق على شي تافه !
بهاج: شي تافه بس انه اذى قلبي وانا ماارضى شي على قلبي
نوره التفت لناقه : هين يابنت الكلب والله لوريك اليله
بهاج بضحكه: مانفعك الهياط يانوره هههههههههه
عمشه : ياهوو الفطور برد !
نوره : الله ياخذها هالناقه قلبت كبدي برفستها كش وجهه ترى مردك بهيمه يابهميه
بهاج : افطري افطري
نوره مسكت بطنها : والله مابغى عجنت كبدي برجلها
بهاج حط يده على يد نوره الي على بطنها : تعيشين وتاكلين غيرها
نوره تنهدت بضيق : ياليل بلقم ثانيه بعد
ضحك بهاج ودخلو
ونوره منصرعه بالمجلس بعد ماكمدوها  وبهاج ومصلح وعمشه يفطرون
بهاج : النور والنوير ماودك تقومين تاكلين؟
نوره : اقولك الناقه عجنت بطني وكبدي ماخلت في مساحه للاكل
عمشه: قومي قومي كولي عشان ترجع تسبدتس
مصلح : هبولها حليب نياق ياربها تطيب
نوره فزت : لاا مابغى
بهاج ابتسم بشر وغمز لـ عمشه ومصلح وهم فهمو وقامو وغسلو يدينهم وجلسو طبيعي ونوره شكت بوضعهم
بهاج : ايي خلاص تم تبيه كاش ولا احول لك
مصلح : الي ودك
بهاج التفت وكتف نوره : يلا ياعم
عمشه تقدمت ومسكت يدين نوره
نوره تتفلت : وش تسوون ؟!
بهاج : ثواني بسس
وحط يده على خدود نوره ورص عليها عشان تفتح فمها وتقدم مصلح وجاب طاسه "سحله " حليب نياق ويصب بفم نوره ونوره تضطر انها تشرب عشان ماتشرق وبهاج ضحك وشماته
وفكوها وضربت بهاج بخفه: نفط وديزل بعد
بهاج بتفلسف : وزي ماقلنا امس خذيها من الجانب الايجابي" نفط " يعني الذهب الاسود غالي ...
قاطعته نوره : بس بس الاسطوانه حفظتها من كثر ماتكررها
بهاج : هههههههههه
وبعد خمس دقايق من الهدوء نوره بدت اعراض حليب النياق تظهر على نوره وتحس ببطنها
وبهاج فاهمها ويعرف ان الي يشرب حليب نياق اول مره يوجعه بطنه
نوره تكشر بألم من بطنها وتهمس : وجع بعاج ليش يوجعني بطني
بهاج بهمس وكذب : ايي عشان رفسه الناقه
نوره بألم : افف
بهاج قام : ها عاد انا استاذنكم
مصلح : افا وين؟
بهاج : والله الدوام والاشغال تاخذنا وتجيبنا
عمشه : ها عاد لاتقطعونا
بهاج: سمي على خشمي ، يلا يالممغوصه
نوره بألم : بطنيي
بهاج هز راسه بنفاذ صبر وتقدم وشالها
نوره بهمس: نزلني عيب عندهم هم جيل غير عن جيلنا !
بهاج بهمس : ممكن تربطين لسانك شوي بس
نوره : بعاجوه نزلنيي
بهاج نزلها : جنيه عوبا
مصلح : اي على اتفاقنا
بهاج : اي صح
وطلع هو ومصلح وحطو الناقه بحوض الشاص حق بهاج ودفع بهاج كل شي ودخل
بهاج: النور والنوير ماودك تقومين نمشي ؟
نوره : تمام
وسلمو على مصلح وعمشه ومسك يد نوره وطلع
نوره ابتسمت من شافت الناقه بحوض الشاص : اما! سويتها؟
بهاج: الله الله كل شي لعيونك يهون
نوره ابتسمت
وركبو السياره وعلى طول على المصلخ !
نوره توقعته يمزح : بهاج!حرام رجعها امزح معاك !
بهاج : شي يضرك اقتله
نوره : بهاج تستهبل ؟ امزح خير حرام خلها تعيش
بهاج هز راسه بضحكه ونزل : ياصديق
العامل : هلا
بهاج : شوف يبغى قطع الناقه قطع صغيره
العامل : تمام
وتجمعو العمال ونزلو الناقه اما نوره مو مستوعبه شي !
جاها بهاج وفتح الباب : انزلي
نوره : ليه
بهاج: امشي شوفي كيف ينحرونها
نوره عقدت حواجبها : مستحيلل! اشوف لالا شكل مشاعرك متبلده
بهاج : تستهبلين ؟ ترى حلال اكلها
نوره : ايي ماعندي مشكله بأكلها لكن حرام تذبحها ارحمها تكفى
بهاج: انا قلت علي الطلاق وماراح اطلقك عشان ناقه !
نوره هزت راسها بالرفض
بهاج نفذ صبره وسحبها ونزلها واتجهه للمصلخ رغم رفضها .
وحطها قدام الناقه وهي تجمدت بمكانها من شافتهم يستقبلون القبله ويسمون وبدو ينحرونها ويتناثر الدم بكل مكان نوره غمضت عيونها بخوف من بشاعه المنظر الي شافته وبهاج حاضنها على جنب : هاذا جزا الي يأذيك حتى لو انسان بسوي فيه كذا
نوره لازالت مغمضه عيونها : ماش ماعندك مشاعر !
بهاج بضحكه: وش مشاعره الله يخلف عليك هههههههههه
ونقلو الناقه للملحمه وبهاج جاب راس الناقه لـ نوره : عاني
نوره بخوف : يمهه مو صاحي
بهاج بضحكه : والله انتي الي موب صاحيه ابك ذي ناقه ناقه ههههههه
نوره : خلاص بروح السياره
بهاج : يلا روحي يالطقوع
نوره رفعت حاجبها وتجاهلته ومشت
اما عند بهاج الي خذا لحم الناقه لهم والباقي وزعه على الفقراء والمحتاجين بنيته ونيه نوره وركب السياره
نوره : مأنك طولت؟
بهاج: اي خلصت كم شغله
نوره : تمام
وحركو

___________________________
انتهى البارت ♡
رضيت بالله ربًا وبالإسلام دينًا وبمحمد ﷺ رسولًا ونبيًا)، ♡
حسابي تيك توك :Ot348285

اي اي اعرف ان البارت قصير 😭😭 بس سويته فضاوه
تبقى القليل على الاختبار ومو مستوعبه الله يوفقنا ويوفقكم 💗✨
بارت خاص لنوري وبهيج
النجمه تدعم الروايه✨