UNICODE
သူမရဲ့သမီးက ထိတ်လန့်တကြီးနှင့် ရပ်နေပြီး နည်းနည်းလေးတောင် မလှုပ်တာ ကျန်းရှီမြင်ချိန်မှာ သူမနှလုံးသားက ဆွဲညှစ်ခံထားရသလို တင်းကြပ်လာသည်။ သူမရဲ့ မျက်ရည်တွေက အထိန်းချုပ်ကင်းမဲ့စွာ ကျဆင်းလာပြီး သူမနှလုံးသားထဲ နောင်တတွေ ပြည့်လာ၏။
"စန်းညန် စိတ်မပူနဲ့ စံအိမ်သမားတော်က ရောက်လာတော့မှာ"
လွန်စန်းညန်က အသိပြန်ဝင်လာသည်။ သူမအမေရဲ့ ပူဆွေးမှုနှင့် ခါးသက်မှုကို မြင်ချိန်မှာ သူမက ဂရုစိုက်ခြင်းအလျင်းမရှိ ပြောလာသည်။ "အမေ သမီးအဆင်ပြေတယ်"
သူမက ရောဂါကုသရေးစနစ်ရှိသည့် လူဖြစ်သည်။ သူမရဲ့ အရင်ဘဝမှာ ကလေးမရနိုင်သည့် ဝမ်ဖေးတစ်ဦးကို သားသမီးရနိုင်သည့်ဆေးဖြင့် ကုသပေးခဲ့သည်။ သူမ ဖုံးကွယ်ထားသည့် ပြဿနာတွေကို ဖြေရှင်းဖို့ သူမရဲ့စွမ်းရည်ကို အကောင်အထည်ဖော်ဖို့သာလိုသည်။
သူမက ဒီလျှို့ဝှက်ချက်ကို မဖော်ထုတ်ဖို့ ပြောလို့မရပေ။ လွမ်စန်းညန်က အံ့အားသင့်ဖွယ် ဆရာဝန်တစ်ဦးဖြစ်သည့် ဂုဏ်သတင်းထွက်လာချိန်မှာ သူမက သွေးခုန်နှုန်းမဖတ်နိုင်တာကို လူတွေက သိချိန်မှာ ထိုဩဇာကြီးမားသည့် အရာရှိတွေ၏ ရွံ့ရှာဖွယ်အကြည့်တွေကို မှတ်မိသေးသည်။ သူမက တုန်ယီသွားပြီး သူမရဲ့ အနက်ရှိုင်းဆုံး ကြောက်ရွံ့မှုအား ဖုံးကွယ်ရန် မျက်လွှာချလိုက်သည်။
ကျန်းရှီက လွမ်စန်းညန်၏ အပြုအမူကြောင့် ကြောင်မပြီး ဉာဏ်မမှီသလိုဖြစ်သွားသည်။
"စန်းညန် သမီး..."
သူစကားမဆုံးခင်မှာပဲ မားမားကောင်းက စံအိမ်တော်သမားတော်အား အခန်းဆီသို့ အမြန်ခေါ်လာသည်။
"ဖူးရန် တတိယသခင်မလေး သမားတော်ရောက်ပါပြီ"
အပြင်မှာ စောင့်ကြပ်နေသည့် မားမားစွန်းလည်း သူတို့နှင့်အတူ လိုက်ဝင်လာသည်။
ရုတ်ချည်းဆိုသလို လွမ်စန်းညန်က မကောင်းသည့်ခံစားချက်ကြီး ရလာသည်။
ကျန်းရှီက သူမစိတ်ကို ပြန်ပြင်ပြီး မျက်ရည်အမြန်သုတ်လိုက်သည်။ သူမက ညွှန်ကြားလာ၏။ "သမားတော် စန်းညန်က မစားသင့်တာ စားမိသွားလို့ အမြန် ပြန်အန်စေတဲ့ဆေးညွှန်း ရေးပေးပါ"
आप पढ़ रहे हैं
ကောင်းမွန်တဲ့ဘဝနဲ့ အမျိုးသမီးဇာတ်ပို့
रोमांसType : Web Novel Author: Jiu Yue Wei Lan 九月微蓝 Total Chapter: 106 Eng Trans -> https://www.novelupdates.com/series/transmigrating-into-the-female-supporting-character-with-a-good-life-in-a-laid-back-novel/ Fully Credit to Original English Translat...
